سعوديا في بريطانيا روايه كامله

بريطانيا – لندن

الجوري جالسه تناظر التلفزيون طفشانه .... خلاص طول اليوم بتقضيه بالشقه ودق عليها ابراهيم .... كانت ناويه تكمل اللي تفكر فيه وتشبك معاه بعدين يكتشف بدر وتضحك عليه انتقام ... بس ماهانت عليها نفسها هي ماسوتها وهي بنت تسويها وهي متزوجه ...وكرهت ابراهيم بس عرفت انه اخو بدر ....
بينفجر راسها من التفكير ...: آف بنجن اذا جلست اكثر ...

دخلت غرفتها وبدلت ملابسها بتطلع صحيح الساعه 9 بالليل بس طفش بتروح للوجين ....

طلعت من غرفتها .. شافت بدر واقف بالمطبخ يحط اغراض شاريهم من السوبر ماركت ... ماتدري ليه خافت وش بتقوله وهي طالعه الساعه 9 بالليل ...

لف علييها بدر وهو ياكل ايس كريم باسكن روبنز ... : وين على الله

الجوري: مالك دخل

بدر يناظر ساعة ايده : الساعه 9... قلتي بتطلعي الصباح لوحدك قلنا اوكيه ومشيناها لك بس الساعه تسعه لوحدك اسمحيلي لو "بلير" يكلمني ماتطلعي ...

الجوري ارتبكت خافت منه نظراته كذا تخوفها اضغطت على اعصابها : والله طفشانه وضايق خلقي بنزل اتمشى شوي وعندي شي ابغى اشتريه ...

بدر: اوكيه بنزل معك ..

الجوري : لا مشكور ابغى اطلع لوحدي ..

بدر : لاتعاندي ابنزل معك

الجوري ناظرته تخليه يروح معها والالا هو معها احسن الشوارع تخوف .: اوكيه بس مالك دخل فيني

بدر يجاريها : اوكيه يله اتروش وابدل ونطلع ..

الجوري: اوكيه بسرعه والا بطلع

ناظرها هذيك النظره المرعبه : ....

لفت تدخل المطبخ خافت منه ....

بعد دقايق طلع وهو كاشخ اول مره يطلع معها لازم يكشخ لها ويبسطها ....

الجوري جالسه تناظر التلفزيون وتاكل فراوله مسلسلها المفضل هي والشلف " فريندز "

بدر : يله مشينا

الجوري احترقته بعد يعرف يكشخ : يله ..

نزلوا يتمشون من غير هدف يمشون وهم ساكتين ... بدر يفكر بالعنيده اللي تمشي بجنبه كيف يلين راسها ويخليها تحبه مثل مايحبها ... الجوري ماشيه بجنبه تحس باحساس غريب ليه مو قرفانه منه ... 4 ايام امدك تنسين يالجوري ..

بدر : وش كنتي حابه تشتري ...

الجوري: لاب توب ...

بدر : تعالي اعرف محل عند

قاطعته الجوري: شكراداله طريقي ..

بدر باستسلام : حيبت اساعد

الجوري صدمة بواحد يجر عربة بزر : اوه سوري ..

الرجال رفع حوابه : الجوري

الجوري بابتسامه عريضه : وليد ..

لفت المراءه الحامل اللي بجنب وليد تناظرهم ..

وليد مد ايده : هلا هلا والله كيفك

الجوري ناظرت الطفل والمراءه ومدت ايدها : كويسه انت اللي كيفك

بدر عصب بس مسك اعصابه : الجوري ماعرفتينا

الجوري نست بدر كان كل تفكيرها بوليد والطفل اللي معه وزوجته والايام القديمه رجع تفكيرها قبل كم شهر مروا ...: اوه وليد هذا بدر زوجي

وليد ابتسم لبدر وسلم عليه : تزوجتي ... مبروك ... هلا والله ياخ بدر .... ومبروك الجوري

بدر : هلا فيك ...

الجوري: الله يبارك بحياتك .... اكيد انتي زينه بنت عم وليد وزوجته

زينه ابتسمت : ايوه وانتي مين

الجوري: انا زميلة وليد يوووووه ايام ..كنا سوا بالكلاس

وليد : شوفي يالجوري هذا ريان ولدي والبنوته بالطريق

انزلت الجوري لعنده بالعربه تناظر بعيون مغرقه ... ياليتها قبلت بحب وليد لها وتزوجته كان ارتاحت هاللحين من بدر وخرابيطه

بدر لما طولت تناظره حط ايده على كتفها : يله مشينا ..

رفعت راسها ووقفت : فرصه سعيده وليد

وليد : انا الاسعد اشوفك على خير

الجوري: ان شاء الله ...وانتبهي على البيبي يام رين

زينه : ابشري ...

مشى وليد وزوجته وطفله تنهدت الجوري وهي تتاملهم .....

بدر يضيع الموضوع : وين حابه تتعشي

كملت مشي من غير لاتتحكي ولا كلمه ...

بدر : في مطعم قريب عنده اكلات خفيفه ..

الجوري : قلتك اذا بتمشي معي لاتحكي معي ..

بدر : اوكيه وصلنا للمحل اختاري على راحتك

الجوري: غيرت رايي ابرجع لشقه ...

بدر احترم رغبتها : اوكيه .. .ناخذ سفري من بيتزاهات

الجوري وهي تضم جكيتها لها لان نسمة هواء بارده مره مرت عليهم : انا شبعانه ..

بدر : بس انا جوعان ...

رجعوا لشقه بعد ماخذله سفري واول مادخوا راحت بسرعه لغرفتها لحقها : تعشي ..

الجوري وهي تتغطى بالبطانيه : مابغى

بدر لف عليها كيف منكمشه تحت البطانيه وترتجف : ماسمعت وش قلتي حكيتي معي ..

الجوري : :اطلع بره وسكر الباب

بدر مشى لعند الباب فتحه وسكره وهو ماطلع .. بس تسكر الباب شهقت بالبكي تفكره طلع ..

بدر كسرت خاطره وقلبه دق بسرعه ليه تمثل القوه دامها ضعيفه ليه .. اكيد هذا وليد كانت تحبه واضح من شافته اكتائبت وتخربطت ..

مشى لعندها بخطوات مسموعه ... حست فيه الجوري و سكتت فجاه ووقف تنفسها من كثر ماسكتت رفع الغطاء بهدوء.. ناظرته مفزوعه جلس عندها بهدوء : ليه البكي ..

ابعدت عنه اكثر تخاف منه صوته يرعبها ...

بدر وفي مسافه بينهم :لاتخافي والله مراح اذيك

الجوري ضمت رجلينها لصددرها وزادت بكي .. بدر تردد يقرب منها ولا لا نفسه يواسيها ياخذها بحضنه يقتل الحزن اللي خلقه بداخلها .. قرب لكنه رجع بسرعه خاف من ردت فعلها قام من السرير وطلع من غير لايتكلم ناظرها نظره اخيره وهي تبكي بسكات وسكر الباب

الجوري جلست على حالها تبكي لحد ماتعبت.. ونامت ..

**************************

اليوم الثاني

السعوديه – الرياض

البندري بالمستشفى تسوي التحاليل ومعها اخوها محمد ..ورائد ..

رائد: وش حابين اجيب لكم معي من الكافتريا ...

محمد: انا كروسان

البندري:..................

رائد: وانتي يالبندري وش تامرين عليه


البندري مبتسمه (( ياحلو اسمي من فمه )) : لا مشكور ..

محمد: ماعليك منها وجيب لها دونات شوكلاته هي تحبه ..

رائد : من عيوني ...

راح رائد ولف محمد على البندري : بنو انتي هاللحين بتتزوجي صح

البندري : ايوه

محمد: يعني لازم تحني اوضاعك مع امي والا عاجبك الوضع

البندري : اذكر شي حلو على هالصباح ..

محمد بحزم : البندري

البندري: اوكيه خلاص بحاول ...

محمد: لا مافيه تحاولي ابغاك تحسني معاملتك لامي ولمريم والا فاكره اني مالاحضت ان مريم زعلانه منك ...

البندري تناظر برائد وهو ماسك الكابتشينو والدونات والكروسان : اوكيه بحاول اسكت هاللحين رودي جاء ...

محمد ناظرها وش هالوقاحه تدلع الرجال وهم ماصار لهم امس حاكين مع بعض ..

رائد بابتسامته المميزه : تاخرت عليكم

محمد: لا عادي ... بس واللي يرحم والديك حاكي خويك يخلص لنا التحليل راسي وجهني من ريحة المعقمات ..

رائد: من عيوني ماطلبت يالنسيب

محمد: ههههه لاجل عين تكرم مدينه

************************


الساعه "11 "الظهر من اليوم الثاني رجع مسفر لبيتهم ..دخل بهدوء ...

دخل غرفته وسكر الباب واخذ منوم ينومه 14 ساعه ونام .. من غير لاحد يحس فيه .. كان عنده هروب

*******************

بريطانيا – مانشستر

"بعد الترجمه "

يد الممرض البريطاني على كتف ناصر : لو سمحت ...

ناصر بعد ايده عن عيونه وهو يحس بالم بكل جسمه : نعم ..

الممرض : مالذي تفعله هنا ..

ناصر تذكر كل شي : لوجين انسه لوجين ...

الممرض : يبدو ان احدهم يهمك امره هنا

ناصر وقف ومشى لعند الغرفه اللي كانت تتعالج فيها لوجين شافها فاضيه مشى لغرفة الدكتور المسئول عن الحاله ...دق الباب

الدكتور الامريكي : تفضل

ناصر : انا اود ان اسال عن المريضه لوجين راشد الكاسر

الدكتور فصخ نظارته باهتمام : التي حاولت الانتحار ... تفضل بالجلوس ذا سمحت ..

ناصر حط ايده على قلبه وبلع ريقه : ماتت

الدكتور : لا لم تمت ولكن كان من الصعب علينا اسعافها .... لدي سوال صغير لك

ناصر : تفضل

الدكتور: هل تعلم انها مدمنه مخدرات

ناصر رح عن باله انهم ممكن يكتشفوا او يعرفوا :..........

الدكتور : لقد راينا ان دمائهاتحوي على نسبه من الهيروين والكافيين ...

ناصر حس انه مافي مجال لتراجع : نعم اعلم

الدكتور هز راسه هزه بسيطه : انا سمعت انها ذات صيت ليس بسهل واسم مشهور فالبلاد العربيه وان الصحافه تبحث عن اشاعة بسيطه او خبر كهذا لتلتهمها ... وانها من اكبر المساهمين هنا ....

ناصر : نعم فوالدها كان مساهم فعال بلندن

الدكتو وهو يدور قلمه ويناظره : انا اقدر موقفكم لذلك ساحولها على مستشفى لعلاج الادمان في المانيا انه مشفى متخصص ولدييه اشهر الاطباء

ناصر انبسط : شكرا يادكتور شكرا لااعرف كيف اشكرك

الدكتور بخبث وهو يحط القلم بقوه على الطاوله : لكن لدي شرط

ناصر : تفضل اشرط ...

الدكتور : اريد خمس مائة الف دولار ...

ناصر بالسعودي عصب : كيف خمس مائه الف دولار صاحي انت

الدكتور مافهم عليه : ماذا تقول

ناصر : ولكن كما تعلم انها المتصرفه الوحيده بالاموال وهي بحاله لاتسمح لها بالتوقيع ...

الدكتور رفع كتوفه : هذا مالدي امهلك اربعة ايام والا ....

ناصر وده يكفخ الدكتور يهودي نجس يستقل الفرص : حسنا سوف تكون لديك الاموال باقرب فرصه ... والان كيف حالتها ..

الدكتور : انها لم تستيقظ بعد ولن من الموكد انها حينما تستيقظ ستكون منهاره فاغلب حالات الانتحار يتبعها انهيار عصبي ... ولا تنسى انها مدمنه فذلك سيضاعف الصدمه عاليها بالحاجه للمخدر والصدمه التي ادت لانتحارها

ناصر طلع من الدكتور وهو محتار وش يسوي طلع الملف من جيبه اذا صدقهابالمحكمه تتعالج لوجين بعد مايوقع مسفر بس تتحول كل الفلوس له وتحت ايده ... واذا ماصدقها وقطع هالاوراق ترجع فلوس للوجين واخوها

*************************
السعوديه – الرياض

نواره بعد ماكوت الثياب اللي طلعوا من الخياط .... كانت اكثر وحده متحمسه لطلعه والصياعه ... خذت مفتاح سيارة ابوها الجيب لانها تعرف تسوقه بسهوله ....

نواره: هلا والله بنو ازغرط

البندري: ههههه زغرطي

نواره: والله وانا من الصباح لحد هالحين على اعصابي على البرررررررررررركه ياقلبي ...

البندري: وناسه الملكه والخطوبه يوم الخميس

نواره: جد الله يتمم عليك ...

البندري: عقبالك ياحياتي

نواره: لا واللي يسلمك انا ماحب هالطاري

البندري: هههه عارفه المهم جهزتي للي بالي بالك اليوم ..

نواره تستهبل : وشو

البندري: نوير بلا دلاخه

نواره: ههههه بجنبك محمد

البندري: ايوه اخلصي ...

نواره : تطمني كل شي جاهز .... من تغديت وانا اكويهم علشان نطلع المغرب ..

البندري: لا المغرب صعبه العشاء احسن

نواره: اوكيه اكلم ذوق واقولك

البندري: ذوق مو فاضيه رودي كيد يبشرهم

نواره: ههههه اتوقع ان محمد يسال من رودي

البندري: لا يعرف

نواره: انا اشهد انك زاحفه .. هههههههه

البندري: هههه باي اببشر الجور ...

نواره: اوكيه وانا لجونه باااي

***********************

السعوديه – الشرقيه (( الدمام ))

جالس ورى مكتب فخم مره جالس بهيبته رغم صغر سنه 26 سنه وهيبته توحي كان عمره 66 سنه ... شاب مزيون مره شديد الوسامه ...ملامحه حاده فمه خط مستقيم مايملك هذي الشفايف الا اصحاب الشخصيه القويه ...

اندق الباب بهدوء

تكلم بصوته الفخم والمهيب : تفضل ...

دخل السكرتير السعودي : استاذ منصور الجرايد وصلت ..

منصور من غير لايرفع راسه : حطهم هنا ...

حطهم السكرتير على الطاوله وطلع بنفس الهدوء اللي دخل فيه ...

واخيرا رفع منصور راسه من الاوراق الكثيره ومسك الجريده بكسل ... رفع سماعة التلفون ..: ياشاكر جيب قهوه سائد

وسكر من غير لايناقش احد او ينتظر جواب لانه من الشخصيات اللي تعطي اوامر وتجبر اللي حولها تنفذ وهي ساكته ...

ناظر الجريده ممله مثل كل يوم .. الاقتصاديه والرياضيه تتكلم عن نفس المواضيع كل يوم رفع جريدت اليوم العامه ... لفت انتباهه رجال وجهه مالوف بالنسبه له ورافع مراه او بنت بيره شوي بين ايده وماكانت واضحه ملامح البنت ... لان وجهها على صدر الشاب الابيض ... (( يالله وجهه مو غريب علي )) قراء العنون ...
{ بنت الكاسر تحاول الانتحار ... هل اموالها لم ترضيها **
رجع دقق مره ثانيه على العنوان اللي قراءه صحيح والا لا ..بنت الكاسر يعني لوجين ومافي غيرها ... يعني لوجين بنت عمه اللي مات .... ماتت حاولت تموت ..

رفع سماعة التلفون بنفس الهدوء جاءه صوت سكرتير ابوه : يا حسن حولني على الوالد بسرعه

حسن : حاضر طال عمرك

بعد ثواني معدوده طلع صوت ابوه وكان معصب : كويس انك دقيت كنت بدق عليك هاللحين ...

منصور : يبه لاحق انت قريت جريدة اليوم

بو منصور وكانه بركان وانفجر : وها اللي كنت ابغاك فيه هاللحين تروح على اقرب طياره للندن وتداري فضيحة بنت عمك ...

مننصور : ابشر طال عمرك ..

بو منصور : والله لو تقتلها بس تسكت الصحافه لاتتردد ..

منصور : ابشر ...

وقف منصور بهيبته ومشى بهدوء لبراء المكتب : يا شاكر

وقف السكرتير بسرعه : نعم

منصور وهو يكمل مشي ووراءه شاكر : خلهم يجهزون السياره وحجز على لندن بسرعه والا قولك جهزوا الطياره الخاصه للندن بسرعه انا طالع للبيت وراجع ...

السرتير : حاضر طال عمرك

منصور مشى لعند الاصنصيل وهو يفكر بحل لهذي المصيبه اكيد بتصير شوشره بالسوق ... مايكفي موت عمه اللي نزل من السوق بعد هاللحين هذي المدلعه وخرابيطها .....

***************************
بريطانيا – لندن

بدر دخل بهدوء يصحي الجوري ..ويتطمن عليها بعد امس .. ماشاف احد على السرير..خمن انها بالحمام وقف يناظر التسريحه كانت حاطه كرتونه متوسطت الحجم وبارضيتها ورد مجفف وشموع وصوره لها بداخلها وهي بالمتوسط تقريبا وموقع عليها البندري صداقه للابد ... حس بقهر وغيره من هذي البندري بكل شي البندري ...

دق جوال الجوري (( انا ابي الزمن يرجع ورى ... والليالي تدور ويرجع وقتنا ..))

طلعت الجوري بسرعه من الحمام وهي لافه الفوطه على جسمها وشعرها مبلول ينقط منه المويه ...كانت تعرج شوي لان مو معها العكاز ,,,, مشت ومانتبهت ببدر اللي واقف عند التسريحه ...:: دقيقه بحاكيك على التلفون العادي ماعندي رصيد

سكرت ومسكت التلفون وهي لحد هاللحن مو حسه ببدر ومعطيته ظهرها: الو بشري ..

البندري: قولي مبروك واخيرا بصير زوجه مثلك

بدر فتح فمه وهو يشوفها حلوه بكل الاشكال حلوه بس شكلها هاللحين احلى بكثير

الجوري: ههههههه الف الف مبروك ياحياتي ... يعني اجهز شنطتي الثلاثاء عندك

البندري: اكيد الثلاثاء انتظرك والا والله مانزف لرودي

الجوري: ههههه اثقلي .... قولي امس مين شفت

البندري: مين سعد علوش يولوا ان عنده امسيه بلندن

الجوري : لا اي سعد علوش انتي وجهك اثقلي هاللحين بتعرسي وسعد علوش ...

البندري: اجل مين

الجوري تغني : انما الحب للحبيب الاولي

البندري: وليد ..؟

الجوري: ايوه وليد وتصوري طلع متزوج من ايام الدراسه عنده طفل سنتين تقريبا بسم الله عليه يهبل وزوجته حامل ...

البندري: اي الملعون لعب علينا ها

الجوري : شفتي آآآآآآه

بدر مثل ماتوقع كانت تحبه قبل لان شوفتها له قلبت نفسيتها بسرعه .....طلع بهدوء من غير لاتحس فيه ومسك سماعة الصاله يكمل المكالمه وهو يسمع الثنتين

البندري: هههههههه كان قلتي له بنو تسلم عليك

الجوري: ماقدرت احكي معه كويس زوجته معه وانا الشيخ معي

البندري: تكفين جور وش حسيتي لما شفتيه ...

الجوري تتنهد : آه يابنو ماهزني شي غير البزر اللي بالعربه وشكل زوجته بالبطن الكبير ... بنو تمنيت اني وافقت عليه ايام قبل ولا قيلت هذا بدر ولا عرفته بحياتي ..

البندري: لاتندمي على شي احمدي ربك انك ماوافقتي .. كان اخذتيه من زوجته وعياله

تمددت الجوري على السرير : وانا ماذبحني غير هالعيال ... اقولك لما شفت ولده ريان نايم بسلام كان نفسي ابكي واضمه كنت ابغى اخذه من اهله علشان يصير لي طفل ... مادر لييه حسيت كذا يمكن لان ماعندي

سكتت

البندري خنقتها العبره : جوري حبيبتي الله ماينسى احد ...وهاللحين انا مبسوطه تخربي فرحتي

بدر عوره قلبه عليها همها غلط مادرى انها حست بالنقص ...

لجوري تكابر: صحيح قبل لانسى وش حابه اجيب لك معي من بريطانيا

البندري: جييبي قلبي للي سرقتيه

الجوري: ههههه خلاص هاللحين جاء رودي اللي بيحرمني من هالحكي

البندري: صحيح ذكرتيني توقعي حنا وش ناوبن عليه اليوم

الجوري: وش ناوين ...؟

البندري: انا ونونو وذوقي ناوين نسوق بشوارع الرياض

الجوري بحماس: كذابه خسااااااره ياليتني معكم ناوين ترجعوا ايام الدجه

البندري: والله من قالك تسافري وبعدين حنا فصلنا لنا ثياب كشخه ونواره تخصص دبرت لنا شماغ البسام البصمه اللي هي والله ماعرفها هذي خبرة تواره

الجوري: كذابه والله قهر ..

بدر انصدم من اللي يسمعه الجوري من هذولا البنات اللي يعرضون انفسهم بالثياب وعلى بالهم محد يدري عنهم

البندري: ههههههه احسن انتي متزوج اعقلي

الجوري: تكفون خلوها ليوم الثلاثاء

البندري: لا ياماما حنا جهزنا كل شي اليوم ... وبعدين انتي ووجهك عندك بريطانيا فحطي فيها لحد ماتسبعي

الجوري: لا خالف تعرف بالثياب والتمرد احلى ... بنو لاتقولي في سجاير والله اموت

البندري: آف عليك سجاير وشيشه وكلها على ذوق

الجوري: والللللللللللله قهر مالت علي

بدر عصب وماقدر يستحمل سكر السماعه بهدوء ومشى لعند غرفتها دق الباب وهو موصل حده : الجوري

الجوري ارتبكت : : بدر .....؟ احاكيك بعدين اوكيه

دخل بدر عدلت من جلستها وهي تحاول تلملم الفوطه تغطي جسمها

بدر: صباح الخير ...

البندري سمعت صوته خافت على صديقتها : جور فيك شي ..؟

الجوري وهي توقف : لا مافيني شي احاكيك بعدين ...باي

الجوري سكرت و كانت كارهه نفسها واقفه بهالمنظر وهو قبالها
الجوري تحس قلبها يدق بسرعه وجود بدر مربكها بعكس كل مره يخوفها

بدر واقف يتاملها وراحت كل عصبيته اللي قبل شوي .. شكلها الانثوي بالفوطه والشعر المبلول .. نساه قهره ..

الجوري زادت دقات قلبها من نظراته ومشت بسرعه للحمام ..

بدر كان اسرع منها ووقف بوجهها ..: الفطور

الجوري رجع خوفها القديم م كل شي قدامها مثل لمح البصر حست برجفه بكل جسمها : ابعد

بدر حس برجفتها وخوفها من تنفسها السريع مسك ايدها يهديها : ليه ت

مامداه يكمل كلامه صرخت وكان شافطها كهرب .. د اذنه بيدها وصارت تصرخ ودموعها تنزعل : ابعد ابعد عني ابعععععععععد

بدر عاند ومسكها يهديها : الجو

رجعت لورى لحد مالصقت بالجدار وهي تصرخ وتبكي : لاتلمسني ابد عني الله يخليك ابعد .. – نزلت بالارض وطاحت فوطتها وهي شبه غيبوبه او لا وعي تضن انها بالمطعم وان بدر بيغتصبها ...ضمت رجلها وصارت تبكي

بدر وقف يناظرها بلا حول ولا قوه مو عارف كيف يتصرف واضح انها مو حاسه بشي .. يضربها ويصحيها لا ... بيزيد الطين بله ... تجمعت الدموع بعينه وهو يشوفها ترتجف وتبكي كذا وهو متاكد انه هو سبب كل هذا .. طلع يمكن تهدى اذا بعد عنها يناظرها من فتحت الباب ... رمت راسها على الارض وصارت تبكي مثل الطفله ... لحد ماسكتت او استسلمت لنوم ... دخل بهدوء ورفعها عن الارض وهي تتمتم بكلمات مو مفهومه (( ابعد – الله يخليك اتركني – لاتلمسني )) حطها على السرير وغطاها بغطى ثقيل .... تذكر هالكلمات لما سمعهم اول مره منها ...
غطاها وباس جبينها وضبط حرارة الغرفه ... وطلع ببساطه تامه
********************

بريطانيا – لندن

ناصر سكر التلفون من عند بو منصور ورجع للبيت بسرعه علشان يجهز مكان لمنصور .. لان منصور مافي تفاهم معه وهو اكثر واحد يعرف هالشي ...
ناظر الاوراق اللي بيده : كرستينا كرستينا
ماردت عليه : وينها هذي

طلعت الشغاله اللبنانيه : نعم مسيو ناصر

ناصر : وين كرسينا ؟..

الشغاله اللبنانيه : كرستينا خرجت ومابدى ترجع لهون ... ال هي ماتعود بمترح الناس بتاتل حاله في ..
(( كرستينا طلعت وماتبغى ترجع لهنا ... قالت هي ماتقعد بمكان او بيت الناس تقتل نفسها فيه ))

ناصر معصب : وهذا وقتها هذي الثانيه ... اسمعي يا ...الا انتي وش اسمك

الشغاله اللبنانيه انبسط اول مره من جاءت على هالبيت حد يسالها عن اسمها ... : انا مايا مايا يامسيو ناصر

ناصر: اوكيه يامايا انتي هاللحين مدبرت المنزل على ماترجع الانسه لوجين ... هاللحين جهزي اكبر غرفه هنا لان في شخص مهم جدا بيجي لهنا انتبهي تراه مهم ومايرضى باي شي

مايا الفرحه مو سايعتها : اي حازر ....

دخل ناصر لمكتب المرحوم راشد يشيل اي اوراق ضد مصلحة لوجين .. وبرز الوصيه واوراق البيع للوجين وان مال عمامها شي ...
ناظر الاوراق : غبيه والله غبيه ...
رماهم في النار وصاروا خبر كان ... الشي الوحيد اللي تركه راشد بحياته كويس ... هو ثقته بناصر اللي تثبت انه محل الثقه يوم بيوم ...

*********************
**********************


صحت الجوري من النوم وهي تحس حلقها ناشف تبغى مويه ... ناظرت الغرفه ببداة الظلام خمنت انه وقت المغرب ... رفعت الغطاء علشان تقوم شافت نفسها "شبه عاريه " خافت ليكون قرب منها ليكون ........ تذكرت كل اللي صار الصباح نزلت من السرير ولبست اقرب ملابس منها بيجاما سوداء ثقيله مكتوب بوسط بلوزتها شلة مانشستر كانت عندها من ايام الدراسه وتحبها مره ....... طلعت تشرب مويه

شافت بدر نايم على الكنبه والبطانيه على الارض كان عاقد حواجبه تذرت انه ماينام الا على الكنبه او بالاصح توها تنتبه انه ينام على الكنبه لان هذيك الغرفه سيراميك بسيراميك ..يالله اسبوع وهو يام بهالكنبه الضيقه اللي واضح انها مو مريحه ابدا ...احسن يستاهل ..

دخلت للمطبخ المكشوف على الصاله وشافت على الطاوله علب ادويه كثيره وابر ومعقم بكيس لصيدليه ..: غريبه علب ادويه يمكن لاخوه المريض ...

فتحت الثلاجه شافت الفطور اكيد هذا اللي الصباح واضح انه ماتحرك ياعني ماكل ...: جعلك تجوع دوم...

صبت لها مويه ووشربت تروي عطشها

بدر تحرك بالكنبه لحد ماطاح : طراخ

بدر وهو يمسك رقبته آه

الجوري مسكت ضحكتها شكله تحفه وهو يطيح ... وماقدرت ضحكت : هههههههههه

بدر لف للمطبخ وهوو يجلس على الكنب وقال بصوت كله نوم : ايوه اضحكي هذا اللي تبغيه

علت ضحكتها اكثر شماته : هههههههههههه

بدر وقف وشعره منكوش وبيجامته مفتوحه ازاريرهاوابتسم : دام طيحتي بتضحكك كذا والله لعيونك اطيح كل يوم

الجوري لفت وجهها عنه وفتحت المرتديلا تاكلها

بدر توجه لدرج مكتبت الصاله اللي صار درج ملابسه : لاتشبعي كثير بنطلع نتعشى ,,,

الجوري : ومن قالك اني بطلع معك

بدر عارف وش كثر هي ضعيفه وكل هذا تمثيل وانها بداخلها ترتجف ..، لابتروحي معي مامليتي من هنا

الجوري : لا ولاتضن ان بطلعتي معك بنبسط بكره حياتي

ابتسم لها بضيق وهو يدخل للحمام : عارف

الجوري وقفت تناظر وين مادخل : احسن يستاهل ....يوووووووه نسيت اسله عن السفر ... لازم اتعشى معه علشان اكلمه ولو مارضى بالغصب

*************

السعوديه – الرياض

اجتمعوا البنات بعد صلاة العشاء ببيت نواره ...

نواره : انا بسوي شماغي العجره علشان اقدر اتحرك ...

البندري وهي تضط الشماغ خبره بعد اخر مره شافها رائد بالشماغ : ها وشرايكم بنات

نواره: خطييييييييييره مره

ذوق شوي وتبكي : ماني قادره اضبط شي ...

نواره والبندري: هههههههههه

نواره : تعالي اصلحه لك انتي شكلك واحد كشخه .. لازم ترسمين

ذوق: وشعري

البندري : احلفي ... طلعيه نص الشباب هذي الايام شعورهم اطول من البنات

نواره : انا مرتاحه ... الله يخلي الامراتين ريحونا بشماغهم ...

ذوق: احسه بيطيح ..

البندري: ههه خكريه

نواره: اسمعوا يبغالنا اسماء حركيه

البندري: انا رائد ...

ذوق: خير يالهبله مو زوجك يعني خلاص

البندري: لا علشان اذا اخترت رائد ابنتبه وبلف لان هاللحين بس اسمع اسم رائد يفز قلبي ...

نواره : العقل نعمه ...انا مشعل ... هههههه الاسم الحركي ايام الدراسه

ذوق: وانا ..

نواره تضرب على كتفها بقوه :ا نتي ذيب بنت بو ذيب

ذوق: وع وش ذيبه ...

البندري: بصراحه ياحماتي العزيزه انتي اللي بتفضحينا ..

نواره وهي ترفع مفتاح السياره : يله مشينا ...

دخل بو نواره البيت وهو بحالت سكر كالعادده : هلا شباب

نواره: هلا يالطيب

بو نواره : اذا ماعليكم امر احصل عندكم سيجاره

البندري وذوق متجمدات بمكانهم ...اما نواره ولاكانها مسويه شي

نواره: اقول محمد يالطيب نحصل عندك بطل خمر

بو نواره: اول ابغى بنيه بعدين البطل

نواره تفتح الباب : بالاذن تاخرنا على الموعد

بو نواره: ايه لاتبطون السهره صباحي اليوم ... ناوي اجيب مغربيه كيكه ..

البندري وذوق طلعوا بره بسرعه

نواره: ابشر دقايق وحنا هنا

طلعت وسكرت الباب : هههه مو صاحي ههههههههههه

ذوق والبندري: هههههههههه

نواره ركبت الجيب هي اللي تسوق : يله

البنات بحماس: يلللللله ..

انفتح كراج البيت البنات صارخوا اثاره

مشت نواره بمهاره : هااااااااا وش تبون وين الصياعه .. البديعه.... السويدي... العليا... الرحمانيه...

ذوق بحماس غير العاده وكانها وحده ثانيه : وييييين مافيه شباب ... نروح

البندري ونواره: هههههههههه ..

نواره : ذيب خفف الحماس

ذوق بدلع : وع وش ذيبه

اللبندري بعربجه : اقول يامشعل رجعه البيت هذا خكري

البنات: ههههههههههههههههههههههه

نواره : ها وشرايكم بستار بوكس اللي بشارع الملك عبدالله

ذوق : يللللللله هههههههه

نواره: هههههههههههه ذوق مصخره

ذوق: انا ذيب انت وجهك

البندري: حركاااات هههههههههههه صرنا وتصورنا ...

سائقة نواره بمهاره في شوارع الرياض ... اشكالهم ماتبعث على الريبه ابدا ....صوت الاغاني لاعلى شي وطبعا اغية انجليزيه لفرقتهم المفضله " بلو "

بالاشاره كان بجنبهم سياره همر من النوع الراقي جدا جدا ... وبداخلها حول الاربع شباب ...

وطبعا حركات الشباب صار يعشق بسيارته يعني تتحدى

البندري: وانا ولد ابوي هذا يتحدى

نواره: اوريك فيه هاللحين ...

ذوق كانت متحمسه مره عجبها التمرد من زمان ماسوت كذا ... طلعت من النافذه : لاتتحدى انت وجهك

نواره: ايوه يالذيب عندك اياه ...

من الشباب اللي ورى وكان مزيون مره خقق البنات : تتحدى

البندري طلعت ايدها من السياره واشرت قدام يعني ...

احمر ......... اخضر ..........

انفتحت الاشاره ..وبسرعه يتسابقون والشباب تقدموا على البنات ... ونواره معصبه ومتحمسه ....

ذوق : يله بيسبقنا ..

نواره: ابن الكلب هذا وهمر يسوق كذا

البندري: والله بنروح وطي خففي السرعه الشرطه هنا

نواره خففت السرعه مقهوره ...والشباب عدوهم وهم وقفوا على جنب عند سوبر ماركت ...: يله ننزل الشرطه هنا ...

البندري: يله يا مشعل اصوتكم فخموها ....

نزلوا البنات بالسوبر ماركت ...... وكان المحاسب سعودي ....

ذوق : ياي سعودي يجنن

البندري: الله يخسك لاتفضحينا

المحاسب احتقر اللي يناظرونه وكمل شغله

نواره : بنات بنات

البندرري تضربها : يالفضيحه شباب

نواره: شباب شباب تعالوا بسرعه في محل جنوط سيارات هنا

ذوق: جنوط يعني شنو جنوط ...

نواره وهي تطلع من السوبر ماركت : جنوط ياطويل العمر

بنت لابسه عبايه ضيقه معاها وحده : في واحد مايعرف جنوط هههههههه

الثانيه : شكله خكري هههههههه

نواره: اقول ضفي وجهك يالعبده

البندري: وع وجهك يقرف ويقطع الخميره

البنت شوي وتبكي لانهم شباب مزايين مره وهزئوها : احترموا حالكم

نواره : اقول ادخلي بس وانت ساكته ... ذيب رائد يله ...

البندري: يله ....

نواره: وين ذيب

البندري: ها هالهبله وينها ...

نواره : ندق عليها تلحقنا السياره

البنت: من خويتك ..؟

البندري: شتبغى هذي

نواره: مادري عنها ههههههه

البندري وعندها قمة السخافه لانها تحس الشباب سخيفين : كانها صفحه من كتاب قديم هههه

نواره تكمل سخافه معها : هههههه الا من مدحف مطلعينها ...

يطلعوا من السوبر ماركت وينتظروا ذوق داخل السياره

ذوق كانت بدنيا ثانيه ... جالسه عند الكريمات حصلت الكريم اللي تدوره من زمان ... واشترت لها كثيييير مره دق جوالها :
(( يطبطب .... ودلع ..... جاي ياولي انا تغيرت عليه ... انا ازعل اولع ... ))

لفوا عليها اللي بجنبها ارتكبت وطلعت جوالها ترد وهنا المصيبه الجوال كله كريستالات واكسسورات : الو خير

نواره : تعالي بسرعه عند الباب ...

جاء شاب طويل شوي وحنطاوي لعندها وهو يناظرها من فوق لتحت : مساء الخير ..

ذوق تخشن صوتها : هلا

الشاب : الاخو بكم جوالك ..ههههههه

نظرت جوالها وانتبهت : مو لي للاهل ...

الشاب : اها – يناظر السله اللي بيدها وكلها كريمات – شكلك رقيق والا هذا بعد للاهل

ذوق توهقت وعصبت مشيت لعند الكاشير : قليل الادب ...

لحقها لعند الكاشير على باله خكري : اذا جاب اشيلها عنك شكلك ماتقوى ثقل العربه

حطت السله عند الكاشير : لوسمحت الحساب .. وانت يالشيخ تامر على شي

الشاب : مشكله انتم يالخكاره لاانتم بنات ولا شباب

المحاسب بجفاء عكس الاسلوب اللي يعاملونها فيه وهي بنت : 190 ريال

ذوق تطلع البطاقه من الجيب وهنا جد المصيبه حاطه مناكير فوشي عليها ..

الشاب تاكد انها بنت : اقوول يالطيب احاسب عنك

ذوق خلالاص اعصبها فلتت : اقول خلوا اغراضكم عندكم ...

طلعت ... ركبت السياره

ذوق: وجع ان شاء الله وحنا بنات مارتحنا وحنا شباب مارتحنا ...

نواره: وينك مع وجهك

ذوق: واحد نشب فيني ولحقني هذا وانا بالشماغ وكذا

البندري: اقول حركي شكل المفهيه كشفتنا ...

)***********************

بريطانيا – لندن

وصل منصور للقصر ....

ناصر : اهلا وسهلا اس

منصور اشر بيده بغرور : خلاص خلاص بدون مجاملات زايده خذ زياد والشباب وورهم غرفهم بسرعه وانا بطلع اشوف هذي ..

ناصر : الانسه لوجين بالمستشفى ..

منصور : عارف شي جديد يعني ... رح للي قلتلك وانت ساكت ...

ناصر : حاضر طال عمرك ..

طلع ناصر ووقف منصور يتفج على البيت الضخم هذي اول مره يدخل فيها قصر عمه ... هم صحيح اغنياء لكن راشد كان اذكائهم واغناهم وكون له اسم برى الدول العربيه ... بنت مدلله عائيشه بهذا العز ليه تفكر تنتحر ...

مايا : مرحب مسيو منصور شو بائدر اخدمك ...

منصور : وين مكتب راشد ....

مايا : تفزل من هون ..

وهي تطلعه فوق.. كان باب غرفة بيضاء مفتوح ...شدت انتباهه بياض الغرفه بكل مكان .. : ايش هذا

مايا بحزن : هاي غرفت الانسه لوجين ...

مشى لعندها ووقف عند الباب : غرفتها غرفتها

مايا: ايوه وهوني حاولت تنتحر ...

منصور استغرب توقع انها مثل كل البنات الغرفه ورديه او فوشي بس هذي بيضاء وش معنى بيضاء ... دخل لداخل الغرفه ... يناظرها : وين حاولت تنتحر

مايا : هي اطعت شراين ايدى بالحمام هون ... – اشرت على الحمام – بازازت خمر ...

منصور مشى بيدخل للحمام ناظر التسريحه الزحمه مثل كل البنات .. وشاف علبه كبيره بعرض الطاوله ومغلفه بتغليف شفاف وداخل الصندوق الكبير المفتوح بزاويته دبدوب كبير وماسك عطر ماركة ( ايف سان لوران ...اسمه سينما ) كان العطر اكبر حجم مثل اللي يحطونهم بالا علان وعلى الزاويه الثانيه صورة الشله بدون لوجين .. ومقابله علبة صغيره فيها خاتم ذهب مو الالماس ذهب وفيه ساعه تبرق الالماس ومنثور على ارضيته ورد عنابي ووردي ..وفي ظرف كبير على الهديه
قرب اكثر لعند الصوره وضيق عيونه علشان يشوف ..كويس صورة الاربعبنات الشديدات الجمال وكانهم عارضات ازياء كل وحده تقول الزين عندي .. مصورين بحديقه منصور يعرفها عدل هي الحديقه بمانشستر ...

مايا: يي اكيد بدك تعرف من هيدولا هيدولا صحباتى لست لوجين ..

منصور يناظر فيهم كلهم حلوات : واي وحده فيهم لوجين

مايا: هههه منى معن هيدولا الاربعى صحباتى ... وكلن سعوديات

رفع حواجبه مستغرب: هذولا سعوديات ..

مايا:: ايه ...

منصور رفع راسه و شاف ورقه بجنب الكرتون ..رفعها : الا الا نسه لوجين – ناظر الغرفه – ماشوف لها ولا صوره ...

مايا : هي الا صور كتير باودت مسيو مسفر

منصور عقد حواجبه : مسفر من مسفر

مايا: صدياء للانسه

وقف لحضات منصور يتامل مايا .. بعدها دخل للحمام ...وشاف دم كثير على الارض : هذا دمها

مايا: ايه مسكينه ست لوجين انظلمت كتير

ناظر منصور الجدار (( احبك مسفر )) : من هذا مسفر وينه ...؟

مايا: اصه طويله ...

منصور مشى لبرء الغرفه وبيدهالورقه : وين المكتب..؟

مايا: من هون

دخل منصور المكتب ومثل ماتوقع اكثر مكان فخامه هو كانت الارفف عاليه جدا اللي فيها الكتب وينصعد لها بالسلم ..واضحه لمسات راشد الكاسر فيها ...
جلس على المكتب وحط الورقه اللي رفعها من غير سبب ... جلس بالكرسي المريح جدا وشاف الصوره اللي على جنب المكتب وحده سمراء حمراء وطويله مره شعرها اشقر شكلها برازيلي مره .. يد هذي لوجين بنت عمه لان امها برازيليه .. ماتوقعها كذا فكرها احلى مثل صديقاتها ..مادرى انها تغطي بجمالها وانوثتها على بنات الجامعه كلها ...
فتح الدرج يدور على اوراق يقدر يستخدمها ضد بنت عمه اللي مو قدر الملاير اللي تحت ايديها ... في حد عاقل ينتحر وهو يملك كل هالفلوس ...
ناظر الورقه ولفت نظره اسم مسفر فيها ...

(( مسفر حبيبي والله انا مالي ذنب هذا علي ...
مسفر يكذب لاتصير انت والزمن علي ... انا مانم طول الليل افكر كيف بقولك او بكلمك عن الموضوع والله والله مادريت اني متزوجته الا من ساعه وطلقني بنفس الساعه ....
مسفر انا اموت على التراب اللي تمشي عليه تكفى سامحنني
ودام انك رحلت ماعد لي حياه وكيف اعيش وانت بعيد عني .. مسفر انا قتلت نفسي علشان تعرف اني احبك واريحك مني انا هم على كل اللي حولي ... مسفر انا مدمنه مخدرات

منصور عقد حواجبه اكثر : مخدرات ... شي طبيعي وتحصيل حاصل

وتعرف مين السبب انت ... انت تركتني بين ايد علي ولوحدي ماكان حد حولي الا هو .. هو اللي اخذ بيدي ومسح دمعتي ومع الاسف صدقته لحد ماضيعني .. مسفر تذكر حامد زيد تراه لحد هاللحين عندي مارميته حفظت كل اشعاره ...
مسفر وصاتي لك بعد موتي تتزوج اللي يحبها قلبك وتتهنى بفلوسي وماتذكرني الا بالخير ..وصاتي لك تنسى ملامح وجهي وتنسانى .. طلبتك يانبض قلبي .. طلبتك لكفنوني انت من يحب راسي واذا ماحبيته انت مابغى غيره يحبه ابغى اموت وحيده غريبه مثل ماعشت غريبه وحيده
قول لعلي اني مسامحته ومحللته...
مسفر انساني ... انسى انسانه ينبض قلبها بسمك ويتحرك جفنها بصورة عيونك ... مسفر سامحني اذا في يوم اخطيت عليك او زعلتك بكلمه .. انا اكيد هاللحين بالتراب وانت تقرائهاا ... بس حبيت اكتبلك اخر كلمه اكتبها بحياتي
...... احبك يامسفر ...

منصور : مايا مايا ..

مايا دخلت بسرعه : نعم مسيو

منصور وقف : وين هذا مسفر ...

مايا: مسيو مسفر منو هون سافر

منصور : سافر ليه ووين ...؟ طيب وين علي .؟

مايا: علي من مبارح مابين ...

منصور نزل لتحت : ناصر يله على المستشفى

ناصر : اوكيه ...

الخامس والثلاثون


السعوديه – الرياض

نواره وهي تعدل شماغها او العجره على قولتها بالمرايه : هههه وناسه بنات ندخل ونطلع ومحد حولنا

البندري: آآآآآآآآآآه ياليتني جد ولد

ذوق: استغفر الله الحمدلله اني بنت ..

البندري : الساعه 7 من 4 ساعات وحنا ندور بالشوارع ولا سوينا شي يسوى

ذوق : وشرايكم نروح لمجمع ونغازل شباب ..

البندري : هيه قولي بنات ..هههههههه نستهبل وناسه

مروا على شباب عند ماكدونالز يرقصون ....

نواره : واووووووو رقص

البندري قرت افكار نواره : لانونو تكفين داخله على الله ثم عليك بلا افكار تودينا وطي

ذوق: لاتقولوا نرقص

نواره : انتم متزوجات وتخافوا الفضايح اما انا بايعتها ..

صفطت السياره ...

نواره : اللي بتنزل تنزل واللي مو نازله كيفها

البندري وذوق ناظروها وناظروا بعض نواره مجنونه ..

نزلت نواره : هااااي شباب

الشباب مستغربين : هااااي

نواره : ابعدوا لي .. برقص معكم

واحد من الشباب : حياك ...

نواره تلثمت علشان يمكن فيه تصوير او يطيح الشماغ وتنفضح عدل ...

ذوق: مشعل تعال

نواره: انقلعوا ... – تبعد واحد - شوي يالحبيب

وبدت ترقص رقص عرابجه مخربط شوي ...
واحد من الموجدين شك فيها جسمها فيه معالم واضح انها بنت قطع الشك باليقين وشغل " ال ايه "لنوال ..

لاشعوريا من نواره صارت تنزل وتحرك يدينها بحركات انثويه ..

الشباب ناظروا بعض ..

واحد من الشباب :هذا الخكري عليه رقص

الشاب الذكي اللي غير الشريط : مثل ماتوقعت بنيه

الشا ب الاول : بنيه .. مروان بديت تخربط

مروان بذكاءه المعتاد :... اسمع جواد روح لثنتين اللي بداخل السياره وانا اتفاهم مع هذي ..

راح لعند نواره لان كل الشباب وقفوا يناظرونها .. واحد جسمه حلو ورقصه انثوي ... صار يجاريها بالرقص ..

نواره تناظره بعيونها الباقي متلثمه فيه ...وهو يناظرها بمكر ..ويقرب منها انهم يسون ثنائي بالرقص ... وهي تحاول تتوهه وتبتعد لحد ماقرب ومسك خصرها وصار ينزل معها بالرقصه ...
مروان بهمس : واضح انك بنيه

نواره وقفت العروق اللي بدمها وصار وجهها احمر وارتفعت حرارة جسمها اما قلبها فعرس بداخله من كثر مايدق .. وقفت عن الرقص .. ضغط عليها مروان : كملي لاتفضحي نفسك ...

كملت وهي قلبه ببطنها حتى رقصها قلة حركته : كيف عرفت

مروان بخبث: ميلان جسمك نعومتك ريحة عطرك ... كلها انثويه ..

نواره وهي تحاول تتخلص منه : وقف الرقصه بروح عند اخواني

مروان لزق فيها اكثر : هههه حلوه منك اخواني ... قصدك خواتك ... خواتك خايفين اكثر منك ..

نواره : طيب ابعد عني ليه لازق

مروان : عليك جسم يذبح ...

نواره وقفت وارفعت .. : خلاص شباب تعبت

مروان بصوت عالي: لا لاكمل معنا رقصك حلو

كملوا الباقي: ايوه بس هذي الرقصه ... يله يامشعل الشديد

نواره بلعت ريقها ...

الشباب : مروان شكلك حصلت لك ثنائي

مروان يقرب منها اكثر انه يرقص : شفت واخيرا ..

نواره ناظرت بعيونه وهي ترقص...... غصب عنها غرقة عيونها : تكفى خلني امشي

مروان : يلعن بو عيونك ياشيخ ...

اما عند البندري وذوق
دق جواد النافذه فتحت له البندري النافذه وعيونها على نواره اللي مشى لعندها مروان ..

جواد: هلا شباب

البندري وهي تدخن سيجاره : هلا فيك

جواد: حياكم انزلوا معنا

البندري تنفث الدخان بمهاره : لا ياخوي مشكور ننتظر مشعل ورانا مشوار

جواد فتح الباب: لا والله تنزلون

ذوق ساكتتتتتتتتته لان صوتها ناعم مهما حاولت تخشنه

البندري: لا وقت ثاني

مروان اشر لجواد حركتهم المعتاده يعني طلعوا بنات ...
ركب جواد الجيب من جهة الدركسون ...: معليه اجلس معكم شوي

البندري من ربكتها رمت السيجاره وحطت ثانيه بفمها بس ماشغلتها : حياك ...

جواد سكر النوافذ وقفل ابواب السياره .. ذوق والبندري ناظروا بعض بس حاولوا يكونون طبيعين ..

جواد مد ايده : انا جواد ..

البندري مدت ايدها البارده من الخوف : معك رائد

ومثل ماتوقع جواد الايد قطنه من نعومتها بنات وبنات مو سهلات بعد ...: هلا تشرفنا ياخ رائد ...

مد ايده لذوق : وانت يالطيب ماسمعنا صوتك ..

ذوق هنا الطامه انعم بنات الشله ايدها خلقه اسفنجيه وناعمه : احم احم معك ذيب ..

جواد ماوده يترك ايدها بس تركها : هلا والله بالذيب ورائد .. معكم جواد

البندري :ايوه قلتلنا من شوي

جواد : ههههه نسيت ... ممكن سيجاره

البندري مدت له البكيت : تفضل

جواد فز من مكانه سحب السيجاره اللي بفمها باسنانه مسك طرفها الثاني وسحبها ... البندري خافت من حركته وصار قلبها يدق بسرعه ... وقف ثواني يناظر بعيونها بعدين رجع مكانه : سوري بس اشتهيت السيجاره اللي بفمك

البندري وتحس ان عروق جسمها كلها تنبض : لاعادي ...

جواد بخبث ناظرهم : ها بنات وين حابين تروحون ..

هو بس قال بنات كل وحده طاح قلبها ببطنها ..

جواد يناظرهم : قسم بالله هالحلى حلا بنات ونجديات بعد ..

البندري بلعت ريقها : انت شارب شي ...

جواد : ههه علي يالحلوه واضح انك بنيه واحلى بنيه بعد

ذوق من الضغط النفسي بكت وفضحتهم ...

جواد : يابعد قلبي ليه البكي

البندري لفت على ذوق معصبه : يالغبيه كنت عارفه انك بتفضحينا ..

جواد : انتم فاضحات نفسكم بنفسكم ...

البندري: لوسمحت انزل وخلصنا ...

جواد: ههه واثقه ..

البندري: اوكيه بتجلس خذ راحتك (( والله ماتطلعنا من هالورطه الا نواره ))
&

قربت الاغنيه تخلص على الاخير ..

مروان: خويي عند خواتك بالسياره اركبي وركبيني بهدوء احسن لك ..

نواره : اوكيه فهمت بس فكني من هالشباب هاللحين ..

خلصت الاغنيه وراحوا لعندهم الشباب : ايش هذا خطير يارجال

واحد ثاني : يبغالك تجي السمره الليله

نواره : بالاذن شباب مستعجل

مروان : لاتخفوا باخذ رقمه ...

مشت لعند السياره ودخلت نواره وبعدها مروان ...

والجو في السياره متوتر حده .. ذوق تبكي والبندري تهز رجلها وجواد يستفزها ...

مروان : هااي صبايا

جواد : والله الكيكه اللي معك ...وش هالرقص ياشيخه ... اطربتينا

نواره فتحت الثمه : لا تنكت .. اقول انزلوا انت معها

مروان: ههههه بدري .. اول نتعرف

نواره لفت عليه وقالت بقوه : اسمعوا انت معه هذولا الثنتين متزوجات اعتقوهم لوجه الله واي تفاهم معي ...

مروان : لا رجاله والله

البندري: نواره ماعليك منهم هاللحين بينزلوا

مروان : نواره لا اسمك عليك لابق ..

نواره لفت على ذوق متنرفز ه : انتي يالبزر يالخوافه انطمي لاكفخك هاللحين

ذوق: كله من افكارك السواده

البندري: نشوفك انبسطتي ... ومتحمسه

نواره تتكلم بصوت واطي مع مروان : اسمع يالطيب مروان مو

مروان مستغرب من قوتها ولا هامها شي : ايوه مروان ...

نواره: حنا ورانا ظهور جامده يعني لو تسوا لنا شي ودايناكم لورى الشمس ......

مروان ناظر جواد ...: هههههه


نواره حطت رجل على رجل ورجعت لورى تكمل حكيها : انت معه ترى حنا بنات شوارع صايعات ضايعات مانعرف الاخلاق ابدا ... ومانخاف شي ... حنا بنات سعوديات عشنا طول عمرنا ببريطانيا يعني ماتفرق معنا جلسنا مع رجال والا لا .... واهلنا عارفين ان حنا كنا بدون عبايات هناك ... يعني لو تبلغوا عنا والله مايحرك من راسنا ...

جواد : انتي تعجبيني

مروان يناظر فيها : وش اقول انا وانا اللي راقصه معي

جواد: خلاص حنا نرجع المتزوجات ونبقي هذي ...

البندري: لا وش هالهبال

ذوق: خذونا كلنا ..

نواره: حلو الكلام .. يله نزلوهم عند البيت وانا احلف اني ماتحرك من مكاني ..

ذوق: والله مانزل

نواره: ياحماره انزلي عادل نسيتيه

ذوق: ولعنتين بعادل واهله والله مانزل واتركك ..

نواره: لاتخافي انا برجع سليمه انتي انزلي ..

البندري: لا اضحكي علينا والله ماننزل ونتركك ..

نواره: والله ادق على رودي هاللحين يجي يشوفك مع جواد انزلي وانتي ساكته

البندري وذوق : لا

نواره : ذوذو فكري بابوك والله تجيه سكته قلبيه ...

ذوق : لا اااااااااا

مروان خلاص ولا وحده تنزل اجلسوا معنا السهره طويله ...


نواره: اسمعوا انت معه خذونا لشرطه ...

جواد: جد فكره بصراحه بس بعد مانروح لشقه ...

ذوق سكتت واستجمعت قوتها : والله اذا حد قرب مني اقسم بالله لاشرب من دمه ..

جواد : ياقلبي حكيتي ..


نواره: انت معه رجعونا للبيت مو يعني تتمشوا فينا بالشوارع ..هذي تعتبر خطف

مروان: ههههههه وحنا خاطفينكم

نواره: ايوه خطف

البندري : نزلونا هاللحين

وقفت السياره الجيب عند مركز الشرطه ...

مروان فتح الباب وصرخ : يله قدامي ..

نواره : اووووووبس فيها شرطه ...

نزلوا البنات ..

ذوق: بدق على بابا ... يتفاهم معهم ...

جواد : قدامي يا بابا ..

نواره وهي تمشي لدخل المركز : سوال مهم وصريح انت ليه معصب ....؟

جواد: لانكم بنات فاصخات الحياء ومايادبكم الا علاء اخوي

البندري: وع ماطحنا الا بيد اخ شرطي

ذوق : شفتوا عاد

مروان وجواد مستغربين هذولا البنات مو هامهم شي ...


************************************

بريطانيا - مانشستر

الجوري متحمسه تجهز شنطتها علشان تسافر لسعوديه ... واخيرا بتشوف البندري وذوق ونواره ... وخساره ان لوجين بالمانيا كان هاللحين معها ...
(((من بعد الغداء وبدر عند اخوه بالمستشفى يمكن لانه يسافر بكره لازم يجلسوا مع اخوه وانا وش لي فيه مع وجهه ... يالله بكره اكيد بالتقي بابراهيم اخوه ... وش اسوي ... لازم اطنشه والا ايش اسوي لا بكلمه عادي انه دكتوري .. ))

لبست بيجامة النوم وتمددت على السرير وهي تناظر الشنط ومبتسمه بكره برجع لعيوني السعوديه .. ياحلو الواحد ببلاده ... آآآآآه متى يجي بكره متى ...

غمضت عيونها وهي متحمسه لبكره ...

فزت فجاءه ومسكت جوالها .. ارسلت (( طيارتي الساعه 9 بكره انتظركم بالمطار ))
مرسل الى اكثر من هاتف ..
البندري
نواره
ذوق
ام عبدالرحمن.....

رجعت حطت راسها وهي مبسوطه ... متفائله لبكره

****************

في نفس الولايه لكن بمكان ثاني وقف منصور عند النافذه يناظر الثلج وهو يسمع قصة بنت عمه ...مع علي ومسفر من لسان مايا الخدامه اللبنانيه ... وقالت له عن ولد عمه من الالمانيه .. وكيف انها كانت بتسميه مسفر لكن ناصر سماه جوليان ...

منصور وهو لحد هاللحين يناظر لثلج الابيض : اسمعي هي هاللحين فوق وبحالة غيبوبه يعني المده يمكن تطول علشان كذا ابغاك تنتبهي لها فهمتي ...وهذا علي انا اعرف اتصرف معه... اما عشيقهاا الوقح فابغاك تدليني على مكانه

مايا: يي مسيو مسفر سافر لسعوديه ..

منصور لف بهدوء: سافر كيف يسافر وهو عارف كل بلاوي الوقحه بنت عمي ...

مايا: لا هو ماعد كتير كل ياللي اعدوا كم يوم وبعد حصل ياللي حصل وحمل حالوا وسافر حتى انو ماعرف انى مدمنه ..

منصور : اممم انا ابغاك تكتبيلي اسمه بالكامل ...اوكيه

مايا : مابعرفوا

منصور: وناصر ...؟

مايا: مابعرف يمكن بيعرف اشي

منصور : ناديلي ناصر

مايا: حازر مسيو منصور ممكن اسالك سوال

منصور حرك راسه ايوه

مايا: انت لشوا جبت الانسه لهون وماتركتا عند الحكيم ... ولشوا لحد هالا ماشفتى مو هاي بنت عمك

منصور تكتف ورفع حاجبه : اشوف السول صاروا اثنين نادي ناصر وانتي ساكته

مايا انحرجت وطلعت وهي ساكته (( على شو شايف حالوا ... مفكر انو مكان مسيو راشد الله يرحمه .. وينك يامسفر تجي لهون وتتفرج على هيدي المغرور ... آيه ياانسه لوجين ماتركك بيك الا لمتل هيدي الاشكال ..))

*********************
السعوديه – الرياض

دخلوا الثلاث بنات غرفة الضابط ومعهم جواد ومروان ...

جواد: علاء هذولا هما البنات ....

علاء بنظرة احتقار واشمئزاز : تغطي بالشماغ انتي معها ..

نواره : اسفه ماعرف اتغطى

ذوق: صح ينفع لثمه ..

الضابط علاء : عطيني اسمك انتي معها ...

البندري ببرود افتحت الشنطه وطلعت منها ثلاث بطايق احوال : هذي بطاقاتنا ....

علاء مشمئز من وقاحتهم : ومبسوطه بنفسك ...

نواره: حنا ماسوينا شي غلط

علاء: انكتمي مابغى اسمع صوتك ولا وحده تحكي سامعين ... بنات قلة ادب طالعين بهذا الشكل ملعونات متشبهت بالرجال وبالاخير تقولي ماسويتوا شي ..

ذوق : لانكم ماتعطونا فرصتنا ببريطانيا الح

علاء وقف بعصبيه : قلتلكم انكتموا ...
ناظر الثلاث بطايق الاحوال وقراء بصوت مرتفع : الباقي ..البرد ...السامي ...
رفع راسه : لا ومن عوايل معروفه بعد هذا اللي يجي من وراكم يابنات العز ...

نواره : انتم مات

علاء صرخ صرخه افزعت البنات : انتم يبغالكم تربيه من جديد ..

ذوق: لو سمحت لاتصرخ عليينا كذا محنا بعبيد عنك ..

البندري: على فكره انا اخوي يقلعك من منصبك بالراحه ...سمعت

علاء عطاهم نظره سكتتهم : انا عارف اخوك الركن اول محمد مشعل البرد ... واتوقع انه لو عرف انك هنا مراح يفرح ..

البندري تذكرت امها والله لاتذبحها : والله مادري بحاكيه واشوف ....

الضابط علاء : هاللحين يجوا اهلكم ونتفاهم معهم ..

البندري طلعت جوالها من الشنطه ودقت على اخوها محمد ..

محمد رد بصوت كله نوم: الو ...

البندري: هلا محمد نايم ...

محمد: البندري..؟ ايوه نايم ...

البندري: اسمع انا بالشرطه ... عند واحد من اللي تحتك اسمه علاء جالس يصارخ ومش عارفه ايش

محمد يضن انه نايم هالحين: بالشرطه ...؟

البندري: ايوه بالشرطه تعال هاللحين ...

اما بجهه ثانيه نواره احتارت تدق على مين ابوها وفاقد وزوج اختها صفاء متخلف بيطلق صفاء ... ايوه مالها الا هو .....دقت بجوالها ...

طلال بسرعه رد : الو نواره ..

نواره: طلول حنا بمركز الشرطه شرطة ال ..... تعال بسرعه

طلال: الشرطه ..؟؟ اي شرطته وش فيك

نواره: انت تعال وتعرف كل شي .. حنا بشرطة ال ....

اما ذوق فما كلمت احد بعد مشوة البندري علشان مايعرف رائد ويهون ...

الضابط يناظر كل وحده وهو مميل فمه : انتم اوقح بنات شفتهم ... بحياتي ..

البندري: ليه صايدنا بشقه مع شباب كل اللي سويناه رقصنا عند المطعم

الضابط: على العموم حنا مانحل هذي الامور الهيئه هي المسئوله عن اشكالكم ....

خمس دقائيق الا داخل محمد اخو البندري وقف له علاء احترام : مرحبا

محمد وهو ياظر اخته ونواره وذوق بالثياب : ايش صاير ...

علاء: تفضل وحنا نفهمك بكل شي ..

البندري: محمد ماسوينا شي لبسنا ثياب وطلعنا نتمشى ..

محمد ووجه اسود من الفشيله هذا وهو ركن اول واخته كذا : ممكن يا ضابط علاء تفهمني بالموضوع وانتي اسكتي

نواره: محمد ليه تسكت ماقالت شي غلط .. حنا بمانشستر ماكنا نلبس عبايات وانتم عارفين ومبسوطين بس لان بالسعوديه تحكون

محمد: نواره اسكتي لو سمحتي

نواره : سم ...

علاء: اثنين شباب جابوهم لنا لانهم كانوا يرقصون قدام ماكدونالز..وهم بهذي الاشكال ...

محمد: اممم ... ياضابط علاء انا مستعد اتعهد بنفسي انهم مايعيدوا هذي الحركه

علاء : اسف انتظر اهلهم والله

محمد قاطعه بشوية حزم : انت عارف ان الموضوع ممكن ينتهي عند تعهد مني فلا تكبر الموضوع علشان ماتكبر انت براسي ...

علاء يناظرهم : يامحمد انت رجل امن يعني مفروض تكون اختك اول وح

محمد وقف: حنا محنا بموضوع اختي انا جاي اطلع اختي وصديقاتها .. ومستعد اتعهد لهم كلهم ....

علاء ببرود: اسف الموضوع طلع من ايدي ... علشان تنتبهو لبناتكم مره ثانيه ...

محمد بحقد : اوكيه ياضابط علاء انا لي تصرف ثاني ..

علاء: تفضل انتظر ... وهذولا ببدى الاجراءت معهم ..

طلع محمد بره معصب ...

البندري تساسر ذوق: الله يلعنه هالشرطي كريه

نواره تكلم : شكلك مخترع بنفسك ... توك معين ضابط

ذوق والبندري: ههههه

علاء: كلي تبن ياقليلة الحياء اذا كان هذا ولي امركم اكيد بتطلعوا كذا

نواره : الضابط اللي مثلك مفروض يحافظ على الفاظه

دق تلفون مكتب الضابط علاء ..

علاء: الو ...
مرحبا طال عمرك ..
ايوه عندنا ..
لا بس ....
هو كان.....
ايوه طال عمرك .....
لافهمت ....
شكرا طال عمرك ...
اوكيه مع السلامه .......

سكر ولف عليهم عطائهم نظره خافوا منها كلهم ...

دخل محمد اخو البندري : ها ياضابط عند كلامك ...

علاء يمد اوراق على الطاوله بعصبيه : تفضل وقع ..

البندري ونواره وذوق : هههههه

محمد: اسكتي انتي معها وشغلكم بعد كذا ...

اسكتوا والابتسامه على وجههم ...

اما الضابط علاء مقهور بس ساكت ...بعد ماوقع محمد مد ايده : مشكور ياعلاء على تعاونك

علاء جلس من غير لايمد ايده : ربوا بناتكم احسن من النجوم اللي تزرونها على كتفكم

محمد: ههههه تعجبني ثقتك بنفسك بس بتضيعك

طلعوا البنات وكل وحده الابتسامه على وجهها انتصار من هالضابط الكريه ..

محمد: اركبوا سود الله وجهكم

البندري متفشله من اخوها اخر عمره يدخل لشرطه يطلعها هي وربعها ...


نواره : محمد مشكور نردها لك بالافراح ... خل مفتاح سياره ابوي الجيب معك بكره باخذها من البندري ... باي

ذوق ومحمد : وين ..؟

نواره : مع طلال ... – اشرت على طلال واقف عند المركز وبيده الجوال – ولد خالي ..

البندري: والله انك حماره ..

محمد: انتي انطمي وادخلي ...

البندري: ليه معصب عادي حنا مانلبس عبايات ونسوق سيارات

محمد: اكثر من مره قلتلك هنا غير وبريطانيا غير

ذوق دخلت السياره وهي ساكته هذ محمد الفري والايزي قال كذا كيف اخوها رائد او ابوها ...

لحقوها محمد والبندري داخل السياره ...ومحمد يهاوش البندري لحد ماحست انها بتبكي .. وذوق نزلت دموعها من الضغط النفسي اللي تعرضوله ..

*******************************.

بريطانيا – لندن

بدر رجع للبيت بعد ماودع اخوه نواف وانها كم يوم وراجعين ... ووصاه اخوه على امه وابوه وامنه يوصل لهم سلاماته ...
دخل لشقه ديخ يبغى ينام وجوعان مره .. ناظر الشقه مافيه احد وهدوء .. اكيد طالعه مثل كل مره دخل للغرفه بسرعه وفتح الباب من غير لايدقه وهو متاكد انها مو فيه ... شافها نايمه على السرير والشنط بجنب الدولاب .. ابتسم لهذي الدرجه متحمسه لسفر ... اكيد في ناس ينتظرونها ويحبونها مو مثله تزوج وسافر وماحد سال فيه ...
سكر الباب بهدوء وتمدد على الكنبه يناظر التلفزيون وهو باله مع الجوري ... لهذي الدرجه ماهي مصدقه ترتاح منه .. تنهد (( آه يالجوري لوتعرفي كيف غيرتي حياتي .. ))

.........
تحس بكتمه بانفسها جسمها يعرق ايدها ترتجف .. رجع الكابوس لها مره ثانيه ... بدر يقرب منها وهي تترجاه وتصرخ .. وهو يقرب اكثرب لحد مايهتك عرضها تصرخ تبكي تستنجد محد معها .. محد يسمعها بس بدر معها وهو يضحك ..

بدر فتح الانوار بسرعه راح لعندها : الجوري الجوري

الجوري كانت نايمه وتصرخ:........الله يخليك اتركني ......ابعد ... تكفى بدر اتركني ... البندري .. ابعديه ..

بدر تاكد انها تحلم بهذاك اليوم .. ضربها على وجهها بخفه : الجوري اصحي .. هذا حلم ... الجوري

الجوري فتحت عيونها مفزوعه وترتجف ..

بدر : الجوري كنت تحلمين ...

الجوري نزلت دموعها وضمت بطانيتها وبعدت لاخر السرير وهي ترتجف .. تكرهه تكره كل شي فيه ... اكثر مخلوق ماتطيقه بالارض هو : اكرهك .. اكرهك ..

بدر ابتسم بضيق : اقري لك قران لحد ماترتاحي شوي اكيد هذا حلم شين .

طلع ... ناظرته وهي ترتجف .. حست بكرهها له ينولد من جديد بعد مانطفى الايام اللي فاتت .. الايام نتها اللي سواه بعد كم ابتسامة حنان وهمسه رقيقه .. لكن هالحلم رجعها لايام لبنان ايام فاتت لكن جرحها لحد هاللحين ينزف

رجع بدر وبيده كاس مويه حطه على الكومدينه ومشى لعند الباب وتركه مفتوح : ابتركه مفتوح لاتخافي مراح اجي بس للاحتياط ...
مشى من غير لايزيد كلمه ثانيه ...طفى كل الانوار علشان ماتزعجها وهي نايمه .. ماعد نور شاشة التلفزيون .. ورجع تمدد على الكنبه وهو يناظر السقف ويتنهد بضيق كلمة اكرهك لحد هاللحين ترن باذنه ...

اما الجوري جلست على حالها تبكي .. خايفه تحس ان قلبها بيوقف من الخوف غطت نفسها بالبطانيه وهي خايفه مرره ...حاولت ترجع تنام ماقدرت غمضت عيونها بقوه يمكن تقدر .. مافي فايده احساسها انه ممكن يدخل اي لحضه مرعبها .. رمت البطانيه ومشت على السيراميك البارد وقفت عند الباب وهي تشوفه حاط راسه على ايده ويناظر السقف ... لف عليها وهو يشوفها واقفه تناظره عندالباب ... عدل جلسته : بغيتي شي

ناظرته بخوف وسكرت الباب بقوه وقفلته قفلتين ...

*********************


نواره عدلت شماغها ومشت لعند طلال : لوسمحت

طلال مشغول يدق عليها مارفع راسه : خير

نواره: ممكن اعرف ليه واقف هنا

طلال رفع راسه: وانت وش دخلك

نواره: ضروري اعرف

طلال شك هذي نواره والله وجه نواره هي حتى صوته مستحيل وش فيني من كثر ماحبها اتخيلها : نعم ماسمعت

نواره : لي دخل لانك – غمزت له وابتسمت ابتسامتها العريضه والمعتاده اللي من حلاتها كانها باعلان معجون اسنان – تدور علي ههههههههه

طلال: نواره ...؟؟؟؟؟

نواره تدور: وشرايك

طلال: ايش هذا

نواره تمسك ايده وتمشيه معها : تعال وين سيارتك بعيد عن الشرطه ..

طلال : وش لابسه وليه مسويه كذ ... انتي هببله عارفه لو عرف احد انك بنت وش بيصير لك

نواره: ههههه لا وش بيصير ...

طلال دخلها بسرعه لسياره ومشى بعيد عن مكان الشرطه وهو ساكت ومعصب

نواره : وشرايك بالحركه ...

طلال لف عليها معصب : جد ان وحده هبله ... وش هالتصرفات هذي انتي عارفه لو درى عنك احد وش بيصير ..

نواره تبتسم : ليه معصب ..كنت بالشرطه من شوي انا وذوق والبندري وطلعنا محمد اخو البندري ... وناسه فشلنا الشرطي

طلال وقف سياره على جنب وصرخ عليها : انتي كيف تفكري ماعندك عقل ... متى بتتركي تصرفاتك الهبله هذي ... طالعه بالثوب كذا وصايدينك الشرطه وانتي تضحكي

نواره عصبت : لاتصرخ ... ماني باصغر عيالك ...

طلال : انتي العيال يفهموا اكثر منك ... ت

نواره قاطعته : قلتك لاتصرخ علي انا نواره ومو انت اللي

قاطعها كف قويه على خدها تحس بصدى صوته من قوته : اسكتي ...

نواره حطت ايدها مكان الكف مصدومه تناظره مو مصدقه طلال الحنون الحبوب يضربها طلال اللي تحبه وماتنام من كثر ماتفكر فيه يضربها... تذكرت مواقفه مع بدر وفيصل ضد صديقاته هي ماكانت مصدقه انه نذل مثل مايقولوا بس هاللحين تاكدت

طلال ناظر فيه مو مستوعب انه ضرب نواره ... نواره حبيبته وقلبه وحياته كله يضربها ... ناظر ايده اللي عورته من قوة الكف ونار خدها الاحمر ... تلون بسرعه من بياض بشرتها ...: نواره انا

نواره تحس بالاهانه تجمعت الدموع بعيونها : اسكت مابغى اسمع صوتك ...
لفت وجهها بسرعه لقدام تقاوم دموعها اللي تحرق عيونها .. وفتحت الباب بتطلع

طلال : نونو حياتي انا

لما قال حياتي جاءت على الوتر الحساس للاثنين .. طلال زل لسانه ونواره نزلت دموعها اللي مسكتها . ... : انا الغاطانه اللي احتاج امثالك .. انا اغبيه يوم اني وثقت فيك ...... – لفت عليه بدموعها – المشكله ماحب اشتكي لحد غيرك واذا كنت بمشكله اول من يخطر ببالي انتي ... ليه ياربي ليه ... انت اكثر واحد اكرهه بس لما احط راسي بالمجده مافكر في احد غيرك ... اذا سمعت اغنيه تطري على بالي ...اكرهك ياطلال

طلال لانت ملامحه نواره تحبه بس مو عارفه واخيرررررررا تحبه ... : تكرهيني ليه دقيتي علي ...

نواره : يالغبي اذا قلت اكرهك يعني احبك .. طلال والله احبك

غطت وجهها بيدينها وبكت بكت من قلب ... مقهوره منه ...

طلال قلبه فز لها : نونو ..

نواره : لاتحكيني ....

طلال ابتسم على شكلها مثل البزر مغطيه وجهها تبكي وتحكي ...حتى بالبكي هبله ..: نونو

نواره تبكي مو معه .. قرب من عندها وحط ايده على كتفها نونو تكفين لاتبكين ...

نواره رمت ايده / ودني للبيت ...

طلال : نواره

نواره بانفعال : والله اطلع هاللحين رجعني للبيت ...بسرعه

سكت ومشى لعند البيت اذا حكى معها هاللحين بتزعل بقوه لازم تهدى علشان يتفاهم معها

نواره حاولت تكون قويه مثل عادتها مسحت دموعها بس دموعها تعاندها وتنزل اكثر ... كان نفسها تغني تغني اي اغنيه بس تغني ...
ناظرت طلال بحقد لحيته بدت تطلع .. ناظرته وهو يسوق ناظرت كل شي فيه انفه المستقيم العنيد شفايفه المليانه شوي عيونه الصغيره تحبه وتموت فيه كل شي فيه يعجبها .. فيه مواصفات الرجل اللي تبغاه كل بنت ... رجولته تبهر ..

طلال يحس فيها تناظره بس ماف عليها كان مبسوط بالاعتراف اللي اعترفته اليوم .. خلاص دامها تحبه بتنسى كل شوي ونواره قلبها ابيض

وصلوا لعند البيت نزلت بسره وسكرت الباب بقوه .. كان يناظرها وهي تمشي بالثوب والشماغ هبله ومجنونه وقلبه بينهبل عليها ...
قبل لاتدخل للبيت لفت تناظر فكرته راح .. شافته واقف بالسياره يناظرها ..
اشرت له وهي تصرخ : انقلع
ودخلت للبيت

طلال تنهد (( انا الغبي كنت اضن سبها لي كره وحركاتها اشمئزاز مني .. اثاريها تحبني ..

************************************************** ***********************************
&&&&&&&&&&&&&&&&
************************************************** ************************************

بريطانيا – لندن

الساعه 5 الفجر
تجهزت الجوري وطلعت شنطتها ماشافت بدر موجود بالشقه ليكون بعد اللي صار امس يتركها تجلس هنا ومايسافرون عادي هذا كلل شي يسويه .. دق جوالها (( بدر يتصل بك )) ردت بعد ترد : خير ...

بدر بتحفظ مانام من امس : يله انزلي انا تحت ...

الجوري (( الغبي هذا كيف انزل والشنط ماقواهم )) : اوكيه قول لواحد من الرسبشن يطلعوا يشيلوا الشنط ..

بدر : اوكيه ..
السعوديه – الرياض

الساعه 9

نواره وذوق والبندري مكبرين المخده بعد مجهود امس كل وحده منهم دايخه وموصله حدها ... الضغط العصبي اللي تعرضوله امس نساهم الجوري وطيارتها ..

ام عبدالرحمن مع زوجها بالمطار ينتظرون على اعصابهم ...

ام عبدالرحمن : وكانهم تاخروا

بوعبدالرحمن يناظر الساعه: لا ماتاخروا ولاشي الساعه تسعه

عبدالرحمن وعبدالملك وهم ماسكين الورد : متتتتتتى

ام عبدالرحمن: ههه حتى انتم ...

بوعبدالرحمن : الله يرجعهم بالسلامه ....

نزلت الجوري مع بدر من الطياره وعيونها تدور صحباتها وعمها وزوجته وعياله ..مشتاقه لهم سرعت بالمشي لقدام وتركت بدر يدف عربة الشنط .. اما بدر متاكد ان مافيه حد راح يستقبله لو قالهم من ليوم للفجر مايقطعوا نومتهم علشانه

ومن بعد امس وكل واحد منهم يتحاشى الثاني .. ويحاول مايحتك فيه .. بدر مانام ويبغى يرتاح ومتضايق من ردة فعلها امس ..اما الجوري فتبتعد عنه قد ماتقدر كرهها له تجدد

عبدالملك بفرح يقفز : ماما بابا الجوري هذه الجوري ...

ام عبدالرحمن وين

الجوري انتبهت فيه غرقة عيونها مشت بسرعه لعندهم ...هي تدور البنات بعيونها

بو عبدالرحمن اكبرت ابتسامته : هلاااا هلاااا والله

الجوري وقفت لعندهم ..وال ماضمت ام عبدالرحمن وبكت بحضنها ...مع ان الحديد يفصل بينهم بس ضمتها

نوره ودموعها ممليه النقاب : الحمدلله على السلامه

الجوري تبكي : مابغاه مابغى ارجع معاه ...

نوره ضمتها اكثر

بدر وجهه تغير انحرج

بو عبدالرحمن حس فيه وجهه كان تعبان غير ن قبل اسبوع وثلاث ايام : الحمدلله على سلامتك يابدر

بدر لف على بو عبدالرحمن توه ينتبه فيه كانت عيونه على الجوري ونوره..... مد ايده : الله يسلمك

بوعبدالرحمن: خلاص انتي معها فضحتونا ..وابعدي خليني اسلم على حبيبتي

الجوري تركت نواره وهي تبتسم لعمها : هلا عمي وحشتني

بوعبدالرحمن : ايوه لو وحشتك دقيتي سالتي مو نوره والبزارين وبس

الجوري تبوس راس عمها: السموحه ياعمي انشغلت ...

عبدالرحمن وعبدالملك عطوها الورد وقالوا بوقت واحد : الحمدلله على السلامه

الجوري تمسح على شعرهم وهي تاخذ الورد: الله يسلمكم ياقلب الجوري انتم

عبدالملك اخذ منها الورد حقه : هذا مو لك

الجوري ابتسمت: ليه مو لي

عبدالملك مدها لبدر : لعمو

بدر استغرب وابتسم له واخذ الورد بعد ماضمه : مشكور

عبدالرحمن عصب : انت يالغبي هذا مو اخونا الجوري بس اختنا

عبدالملك: لا هذا صار اخونا ماتشوف الجوري سافرت معه

عبدالرحمن: اها وانا اقول ..

بدر : ههههه يله مشينا ..

الجوري وهي تمشي : نوره وين البنات

نوره: مادري كل ماديت على احد قالوا اهلهم نايمين ومقفلين على انفسهم اما نواره ماترد خير شر ..

الجوري تنهدت : اوريهم الزفتات ...

ركبوا السياره وبدر جلس مع عمها قدام وهي ورى ... كانت مشغوله بالسوالف مع نوره عن لوجين وكيف شافتهها وانها كانت بتجي بس ظروف .. وبدر كان يناظرها من مراية السياره الخارجيه ..واضحح انها متضايقه معمها تحاول تسولف وتخفي مع الاسف فشل وفشل قوي بعد انه يسعدها او ينسيها جروحاتها
قاطع تفكيره بوعبدالرحمن ..

بوعبدالرحمن: اجل يابدر وين اهلك

بدر: ها .. ينتظرونا بالبيت ..

نوره: يوه يابدر لاتقول بتروحوا هاللحين لبيت اهلك

بدر: اكيد امي وخواتي ينتظروا لعروس ..

الجوري: بس انا ابغى اروح لبيت عمي ...

بدر ناظرها من المرايه : لاحقه اهلي ينتظرونا ..

الجوري: مشكلتهم انا ابغى اروح ارتاح ببيت عمي

بدر مسك اعصابه : الجوري لاتعاندي

الجوري توها بتنطق الا قال عمها : خلاص حنا ياحبيبتي بتشبعي مننا هاللحين روحي لاهل زوجك ..

نوره: صح اكيد امه وخواته متحمسين يشوفوك .. بس قبل تفطروا عندنا مجهزه لكم فطور يجنن

بدر : والله ماردك ابشري بس نفطر ونمشي لبيت اهلي ..

الجوري حست ان بيت عمها مايبغونها سكتت وناظرت النافذه وشاف بدر يناظرها بضيقه من المرايه لفت وجهها للجه الثانيه معصبه ...

*****************

مايا طلع بسرعه: جوليان البيبي مابعرف شبو

ناصر : جوليان وش فيه

مايا : مابعرف ممابيرد ...

نقلوه للمستشفى بسرعه ...


ناصر تنهد العيال الاثنين بالمستشفيات (( الله يرحمك ياعم راش امانه ثقيله تركتها باكتافي ... وهاللحين طلع لنا هذا المنصور بعد ...))

منصور : انت روح معهم للمستشفى انا طيارتي هاللحين لشرقيه وبعرف اخر التطورات منك

ناصر : اوكيه

بالمستشفى جوليان معه تشنج حاد ... وماقدروا يسعفوه لحد مامات ..


******************

السعوديه – الرياض

صحت نواره من النوم وهي حاسه بضيقه ... ضيقه مو طبيعيه ... قلبها مقبوض ...
تعوذت من الشيطان ودخلت تروشت يمكن تخف الضيقه .. مافي فايده ... لبست الجلال وصلت .. وبعدها قراءت قران .. ارتحات من الضيقه بس قلبها مقبوض ..

نزلت لتحت شافت ابوها مثل العاده نايم على الارض بالصاله وبجنبه قزايز السم الهاري الخمر .. تنهدت وزادت ضيقتها اكثر ... خلاص اليوم بتروح تنام عند امها كم يوم تغير جو ...

تحس بالوحده وحده فضيعه لو ان لوجين هنا.. بس لوجين بالمانيا مثل ماحكت الجوري .. لان لوجين ماترد على جوالها ...

رفعت تلفون البيت دقت على بيت امها ..محد رد ... اكيد نايمه بعد سهراتها الزفته مع واحد من ربعها ..

اشغلت نفسها بتجهيز الغذاء لنفسها ولابوها ... آف وحده تقتل مع كثر اللي حولها تحس انها وحيده لانها جد وحيده ..

رسلت للوجين رساله يمكن تفتح جوالها اليوم وتتذكرهم
(( ابد لاتغرك
ضجة الناس ...
والخلايق
وهرجي
وضحكتي ...
ولمة الناس من حولي ....
انا
اكثر بشر بالكون ...
يكتم احزانه
واذا قلت لك طيب ...
فلا تاخذ بقولي
دامك
مانت بجنبي انا ياصاحبي


" تعبانه"

انا
بحاجتك لو كان كل العرب حولي..
انا
مالي غنى عنك ياغلى الخلان ...))

****************
دخلت الجوري مع بدر لبيت اهله بعد مافطروا عند عمها ... كان باستقبالهم بنتين قاصين بوي ويتشابهون مررررره ولابسين نفس الملابس برمودا وبلوزت كات وحاطين طوق لولو على شعرهم
بدر وهو يساعدها اسحبت ايدها بقوه وهمست : اذا ماتبغى تفشل نفسك لاتقرب مني ...
تكلمت وحدده من التوم : ههه لاتخافين حنا مانخوف
الثانيه : ومن قالك انها خايفه
الاولى: ماتشوفيها تتساسر مع بدوي
بدر وهو مبتسم لخواته بحنان : الجوري هذولا خواتي – اشر على الاولى – هذي رناد
رناد ركضت مدت ايدها : هاااااي
الجوري بابتسامه صفراء : هاي
بدر : وهذي رنده..
رنده دفت اختها لحد ماطاحت على الكنبه من الدفاشه : هااااي
الجوري ابتسمت غصب عنها على حركات الهبلان تذكرها بالبندري وهي ايام المتوسطه : هاي
رند هوهي تبتسم بفخر لرناد : شفتي انا عطتني ابتسامه محترمه مو انتي ..معها حق تحبني من البدايه
رناد وقفت ودفت رنده على بدر : خذها فكني منها .. من قال حبتك قال ...- ناظرت الجوري - حبتيني انا صح ..
الجوري ابتسمت ماعرفت وش ترد : لا ولا وحده
لفوا كلهم يناظرونها ارفعت كتفها : ماعرفكم
بدر : هههه تستاهلون
احتقرته ولفت على البنات : هاللحين ماعرفتكم من رناد ومن رنده
رناد : انا رنده
رنده : انا رناد
بدر يقرص رنده: ياكذابه ماعليك منهم جوارتي هذي رنده..والحلوه الثانيه رناد
الجوري: هلا رناد ورنده
رناد : هلا فيك
رنده: تصدقي مادرينا الا قبل امس ان بدر متزوج
رناد : كذابه امس
رنده: لا ياحياتي دامه الفجر يعني قبل امس ..
رناد : مشاء الله دقيقه
الجوري تناظرهم يعورون الراس هالمهبل
بدر: اقول يامتوسط وين امي
رنده: كانه غلط علينا
رناد : لا مدحنا مو حنا متوسط
رنده: لا احسه قالها بمسبه
بدر: رنوده رنونه اخلصوا وين امي
رناد : امنا والا امك
رنده: صح خالتي والا امك
الجوري استغربت هم مو خواته من نفس الام
بدر: انا وش مجلسني معكم يمممه يمه
طلعت وحده وجهها منفخ وحواجبها مطيره خط واحد ولابسه تنوره قصيره : بوبو انت جيت
بدر : ايوه
الجوري رفعت حواجبها واحتقرت ام بدر .. مع ان نوره زوجة عمها اصغر من هذي بكثير بس ماتسوي اللي مسويته هذي
بدر ياشر على الجوري : هذي الجوري -ومسكها يسحبها معه- وشرايك بختياري
المراء تناظر الجوري من فوق لتحت : ابراهيم قالي انك ماخذ سعوديه
الجوري اخيرا نطقت وبتعالي مثل تعالي المراءه : ايوه بس مامي بريطانيه ..
رناد قفزت قدام الجوري: يعني هذي عيونك موعدسات
قبل لاتتكلم الجوري قفزت رنده: والله حتى انا فكرتهم عدسات
رناد : لو ان امي بريطانيه بتكون عيوني زرقاء
رنده: طبعا لا لاني مراح ارضى تكون عيوني زرقاء
رناد: والله هو على كيفك
رنده: اجل على كيفك انتي
رناد : ايوه ياحياتي انا لما
تكلم بدر: بنات وبعدين
رناد : تهبل عيونك مشاء الله
الجوري ابتسمت : تسلمين ...
بدر يجاري خواته : رناد رنده ...اسمعوا اعتراف خطير ..
لفوا عليه باهتمام : وشو جايب لنا عرسان
ضربها بدر على راسها : بلا هبال .. شفتوا عيون الجوري
رناد ورنده: ايوه
بدر يحط ايده على قلبه :آه ماذبحني غير هالعيون
رناد ورنده: هههههه
الجوري تاففت مع انها حست بتوتر من نظراته ...
المراءه: بوبو امك وينها عنك
بدر : انتم قلتولها
رناد : ايوه برهوم قال لها
رنده: وزعلت كثير
الجوري (( اها يعني مو هذي امه هذي زوجة ابوه وش وراك يابدر من اشياء ماعرفه بعد ... شكل امه مو سهله بعد .. زعلانه بعد انا فيه والا باهله .. ))
رناد : اسكتي مو قدام الجوري
رنده: ايوه صح
بدر تنهد : يله الجوري تطلعي ترتاحي
دخل واحد طويل بطول بدر .. بس ملامحه تختلف عن بدر ..وكان فيه لمحه منه : هاااي
بدر : هر
الشاب يناظر الجوري من فوق لتحت : من الحلوه
بدر بنزره : زوجتي
الشاب : ايوه تذكرت انت تزوجت صح
بدر : سعود مالي خلقك
ام بدر : سوسو ..وين بابا
سعود: بابا بالطريق
بدر مسك الجوري ودخلها للاصنصيل
زوجة ابوه: وين الغداء
بدر : حنا بنرتاح تعبانين من الطياره
سعود بخبث يناظر الجوري وبدر : وين بدري ..؟
بدر ضغط على فوق
بس تسكر المصعد تنفس بدر : الله يلعنك..
الجوري وحللت انها يازوجة ابوه او اخوه .. بس وقفت بعكازها ساكته
قرب منها بدر وقال بحنان : الجوري
الجوري: بليز لاتقرب
بدر عاندها : وشرايك برناد ورنده
تقدمت قدام : دامهم اهلك اكرهم
بدر تعود على هالكلام ببريطانيا وقرب منها ومسكها مع خصرها ولزق صدره بظهرها وهمس باذنها : بس انا متاكد انهم حبوك
وقبل لاتبعد عنه انفتح الاصنصيل وكانوا ابراهيم مع واحد مع بنت واقفين عند الاصنصيل ..
البنت تغطي عينها : لا بتخربوني
ابراهيم وقف يناظر الجوري مصدوم ..
بعد بدر بهدوء عنها وساعدها تطلع والجوري وجهها احمر
بدر :ههههه انت خربانه من الله
البنت : انت جيت متى ..؟
بدر: تونا واصلين
البنت وعجبتها الجوري: مشاء الله انتي العروس
الجوري وكل شوي طالع لها احد : ايوه
البنت: تهبلين احلى من وصف بدر ..
الجوري استحت وبالذات قدام ابراهيم والشاب الثاني : تسلمين
بدر : جوجو هذي حبيبتي واختي لمياء
لمياء حطت ايدها على فمها تضحك بخجل : هههه
الجوري: هلا لمياء ..
لمياء مدت ايدها: هلا فيك
وبعدها راحت لبدر وحضنته وباست خده : الحمدلله على السلامه ومبروك ..
بدر وهو يحرك اصبعه بطرف انفها: الله يبارك فيك وعقبالك
تكلم الاسمراني : احم احم نحن هنا
بدر: ههههه – اشر على ابراهيم - ...جوري هذا اخوي الكبير واخو رناد ورنده ابراهيم
ابراهيم بخبث : ويدلعوني بيهو ..
بدر: احلف
الجوري خافت تذكرت لم دلعته بييهو ... جائتها الفرصه تبغى تقهر بدر باي طريقه وتنزل قدره عند اخوانه : بيهو جنان .. بيهو حلو الدلع يابيهو ... ماتوقعتك كذا يادكتور ابراهيم
ابرهيم ارتبك وبالذات عند اخوه : ولا انا ماخطر ببالي ان بدر نفسه
بدر ناظر الجوري: انتي تعرفي ابراهيم
الجوري: ايوه دكتوري هنا
لمياء: سبحان الله وش هالصدف
ابراهيم يناظرها مستفسر اللي قلتيه كذب والا جد بدر اغتصبك ..
الجوري طنشته وناظرت لمياء : الدنيا صغيره
بدر حس بشي بين نظرات زوجته واخوه ..بس طنش
ناظرها بدر بقهر : وهذا اخوي من امي وابوي نادر
الجوري مستغربه : ليه وهذولا مو اخوانك
لمياء بلقافه : لا انا احم احم لمياء وبدر ونواف الله يشفيه وحسن الله يرحمه من ام
.... وسعود ورناد ورندهو برهوم من ام
الجوري : ابوكم متزوج ثنتين
نادر واخيرا تكلم : انت يالملحوس ماقلت لزوجتك
بدر غمز لاخوينه : لا ماكنا فاضين
الجوري : عن اذنكم تعبانه
ماكانت قادره توقف على رجلها اكثر ووجود ابراهيم مربكها
بدر: يله انقلعوا باي ...
ابراهيم وقف يناظر كانت تعرف والا لا .. وشالسالفه ...
دخلوا جناحهم
بدر يبتسم: تفضلي
الجوري: ليكون على بالك بيتغير شي .. لا ..حتى لو سكنت معي الصين كلها مراح يتغير شي ...
بدر: هههه قصدك اخواني كثير حرام عليك ثلاث شباب وثلاث بنات
الجوري تناظر الغرفه والبيت واضح ان مستواه مو سهل ... من الطبقه الفوق المتوسطه هنا ... دخلت اقرب غرفه لها . .. وسكرت الباب بقوه وقف بدر يناظر الباب تنهد فتح الباب من غير لايدقه شاف الجوري جالسه على السرير وراميه العكاز على الارض وتدلك رجلها وهي تبكي بسرعه مسحت دموعها بس شافته

راح بدر لها بسرعه : الجوري وشفيك

الجوري تبعده عن وجهها :مالك دخل

بدر جلس عند رجلها وقال بحنان : تالمك

الجوري : ابعد ابعد عن وجهي اكرهك.. ليه ماخليتني ببيت عمي ..

نزلت دموعها من جديد..طنشها وصار يدلك رجلها : قلتلك خليني اشيلك مارضيتي

سحبت رجلها بالقوه : ايوه انا حماره مافهم انت وش دخلك

بدر حس الكلام معها ضايع : تحبي اجيب لك الغداء لهنا والا بتنزلي معهم ..

الجوري: مابغى منك شي مابغاك اتركني

بدر عصب قرب منها ومسكها بقوه من اكتوفها : انت كيف تفكرين

الجوري بشفايف ترتجف :آه ايدي

ضغط اكثر على ايدها : وبعدين مع تصرفاتك الهبله ..؟
الجوري تصارخ بوجهه:ايوه هاللحين بينت على حقيتك مو حلو التمثيل عليك لما رجعنا لسعوديه بين وجهك الحقيقي – على صوتها اكثر – كنت عارفه انك تكذب
تنهد وهو يناظرها بضيق متى بتفهم انه يموت عليها وانه ندم على كل شي ... : لاحول ولاقوة الا بالله
رماها على السرير بقوه طلع وسكر الباب

الجوري من بين دموعها: انتظرت لحد ماوصلنا هنا وبين على حقيقته ..
بدر كان تعبان مانام من امس .. راح لغرفته القديمه غرفته الزرقاء ... اللي بوسطها سرير شخص ونص ... رم نفسه بملابسه ونام ماكان فيه مجال يفكر نام وبس ...

الفصل السادس والثلاثون

السعوديه – الرياض

ذوق دقت على عادل من يومين ماسمعت صوته ولا دق غريبه لانها طنشته يوم ومالها خلقه بعد


ماشافت فيصل .. خلاص ماصدق على الله وطنشها ..

عادل : هلا هلا بحياتي

ذوق ببرود: هلا فيك

عادل : وينك يومين ماسمع صوتك

ذوق: اسال نفسك

عادل : حرام عليك ادق وانتي ماتردي

ذوق بجديه : عادل وشفيك من يوم رجعت من الشرقيه وانت متغير

عادل : لا ياحياتي مو متغير ولا شي انتي اللي متحسسه

ذوق تتنهد : يمكن ... المهم انت كيفك ...؟

عادل : انا كويس وانتي ..

ذوق: الحمدلله ...

رائد دخل للبيت : هاااااااي

ذوق: هلا ..

رائد وبيده ثوب وشماغ : وصل المعرس وثوب المعرس

عادل : حياتي شكلك مشغوله اتركك براحتك هاللحين

ذوق تاكدت ان فيه شي يطنشها ويصرف لازم تعرف وش فيه بس تخلص من خطوبة رائد

والبندري وتفضاله ...: اوكيه باي

رائد يطلع الثوب من اكياس المغسله : وشرايك

ذوق: ياااااي فيه نقشات

رائد: ايوه مثل ثياب جواد العلي لكن علي اكيد احلى

ذوق: هههه يواثق البس ونشوف ...

رائد دخل اقرب غرفه عنده بسرعه

ام رائد : وش هالازعاج ...

ذوق: في غيره ولدك ... هذا الولد من حب البندري وهو صاير اهبل ..

ام رائد: ذوق وجع مالهيله الا انتي تقولي لاخوك الكبير هالحكي

ذوق: ليه انتي حاسه انه اكبر مني ب5 سنوات هذا بزر

طلع رائد : وشرايكم

ذوق افتحت فمها : على قولة نواره يلعن بو الكشخه ... خطيييير

ام رائد تقرء المعوذات : الله يحرسك من العين ...

رائد / هههه يعني حلو ...

ذوق: والله ان البندري لو تشوفك يغمى عليها ... هي خاقه من غيرشي بعد بهالكشخه ..

ام رائد غرقة عيونها : الله يسعدك ... انت تستاهل مثل البندري ..

رائد: لا البكي لبعد بكره مو اليوم ...

دخل بو رائد: السلام عليكم

اللكل : وعليكم السلام

بو رائد يناظر رائد من فوق لتحت : وين رائد عند زواج الليله ...

رائد: لا يبه هذا ثوب الملكه

بو رائد: اها ..

رائد: وشرايك

بو رائد : يناسبك ...

ذوق: ههه اسلوب تحطيم بصراحه ...

بو رائد: المهم لاتنسى اليوم تروح للامارات وتجيب بريم ورشا ... خواتك من المدرسه ...

واخوانك نواف ونايف

ذوق/ بابا خلصو دراستهم

بوذوق: ايوه الامارات اجازتهم تخلص قبلنا .. اليوم دقت مديرة المدرسه الداخليه حقتهم وتقول

سكن الطالبات بيفضى تعالوا خذوهم .. حتى سكن الطلاب حق اخوانك ..

ام رائد: وحشوني

رائد: وانا اكثر هالشياطين هذولاء ...

ذوق : يالله من زمان عنهم اي صف صاروا

ام رائد: ثالث ابتدائي ..خواتك .... واخوانك خامس ...

*******************
البندري صحت من النوم معصبه لانها مالحقت على الجوري بالمطار ... دقت بسرعه على ذوق

وسبقتها لبيت نواره الملتقى دائم ...

لان ماعندها ام تسال ولا اخ يغث ....

**************
الجوري صحت الساعه 7 المغرب صلت ورجعت نامت وبعدها صحت الساعه 9 على صووت

بدر وهو يحركها برقه: الجوري ..

فتحت عينها ..

بدر: مساء الخير

الجوري ارفعت الغطاء على جسمها حاسه بخوف ..

بدر ابتسم: يله البسي وانزلي نتعشى

الجوري: مابغى شبعانه

بدر : لاتعاندي نفسك انزلي معنا ماكلتي شي

الجور: قلتلك شبعانه ..

دق جوالها ارفعه بدر من الطاوله على طول وعقد حواجبه :من ( اعيش لجلك ..)

الجوري سحبته منه وردت على طول: هلا والله هلا بالغلا كله

البندري تبكي: الحمدلله على السلامه

الجوري ماسكه دموعها: احلفي وينك يالخايسه انتي والفساد ماجيتولي المطار انا زعلانه مره ...
بدر : يله بسررعه

الجوري عطته نظرت احتقار: ايوه كملي البندري

البندري: مشغوله كاني سمعت صوته

شددت على البندري علشان عقله المريض : لا والله فاضيه ماوراي شي .. تعالي مشتاقتلك ..

بدر ياشر لها : وين تجي هاللحين ..؟

البندري : اوكيه بجي انا والشله وانا بنام عندك والله لاكرهه فيني

الجوري: ههههه اموت عليك

بدر: انتي تكلمي بنت والا مين

حطت السماعه عند اذنه

البندري: اسمعي بجبلك الام ام امز اللي تحبيه

بعدت السماعه : ارتحت

بدر : تعالي العشاء

البندري: حنا بالطريق دامه ملعون كذا

الجوري: هههه انتظر.. باي

بدر: هذي كيف تجي هاللحين وبيتنا كله شباب

الجوري: بتكون معي بالغرفه وبعدين انا ماامن انك معنا فباليت تدور لك مكان ثاني

بدر يجاريها : اوكيه بس تنزلي تاكلي

الجوري: ماني بنزله النات بيجوا هاللحين

******************
بعد نص ساعه

البندري ونواره وذوق دخلوا شافوا ناس على طاولة طعام كبيره مره توهقوا وش يسووا

اللكل على الطاوله ناظروا بعض من هذولا البنات الحلوات والفري اللي داخلين .. وحده عبايتها

الفراشه وشنطتها على الجنب وملاحها ناعمه .. وثنتين عبايات مخصره كانهم بزواج ..

باختصار رايحين فيها

ابراهيم عرف انهم ربعها : هلا بنات حياكم

سعود: وناسه وش هذولا غلطانين بالبيت

بو بدر : نعم يابنات شكلكم غلطانين بالبيت

اما رناد ورنده ولمياء ومزون فعيونهم على البنات يناظرونهم باستغراب ..وانبهار

نادر وسعود لولا لحياء كان رقموهم ...

ابراهيم وقف : تفضلوا ...

مزون ناظرته بقوه

.. واخيرا الجوري بعكازها طالعه من الاصنصيل ومعها بدر

الجوري مشت بسرعه مطنشه اللكل : هلا والله

اركضت البندري وضموا بعض .. بس مابكوا هذا الاتفاق ..البندري تضمها بقوه: وحشتيني مررره

بدر جلس على السفره من غير ولا كلمه

الجوري: انتي اكثر

نواره تضمها : حليانه يابنت الزواج يحلي كذا ...

البندري مغرقه عيونها : ههههه وحشتيني

ذوق تضمها: صح حليانه ..

البندري: هلا بالعروس لجديده ههههه

نواره : اوعدني يارب ..

البنات :ههههه

رناد ورنده القافه راحوا بسرعه لعندهم : هااااي

البندري ونواره وذوق ناظروا الجوري شالسالفه

الجوري: خوات بدر رناد ورنده

رناد: من الحلوات

الجوري: خواتي ...

نواره: واكثر بعد ..

عجوز بالسفره كانت تناظرهم بتامل بعد كذا ناظرت بدر بعتااب ...

زوجة ابوه ام سعود عجبوها البنات ستايل مثل ماتحب: تعالوا معنا حياكم

الجوري: لا مشكوره

نواره بس شافت شكلها لفت على ذوق وضحكت : هههههه

البنات فاهمينها بس مسكوا نفسهم ...

الجوري: عن اذنكم

سعود : وين بدري ...؟

بدر فاهم عليه : كلهم مرتبطات

ابراهيم بهمس مايسمعه الا بدر : الله يعينك امك مقهوره

البندري :..يله عن اذنكم

طلعوا كلهم معها فوق .. والعيون عليهم .. اجسامهم خياليه كانهم يعرضوا لعبايات ازياء ...

رنده : مايشبون لها

شموخ: هذي العربجيه بدويه ملامحها عربيه جنان .زاما الجوري انجليزيه

رناد: يمكن من ابوها

بدر وهو يلعب بالاكل : مو ختواها صاحباتها وبلا لقافه

رنده و رناد يناظروا بعض: صاحبتها

سعود: تصدق بدر زوجتك كيكه

بدر عطاه نظره: كل تبن

سعود: هههههه ياملعون طحت واقف .. ربعها شي

بدر: سعود كل تبن

ابرهيم: هذي زوجة اخوك يالحجي

سعود: صديقاتها كلهم متزوجات

بدر: وعندهم بزارين

ام سعود تقهر ام بدر : ام بدر وشرايك بزوجة ولدك

ام بدر مثل الاب تاكل وهي ساكته ..

لمياء: صديقاتها شي

مزون: الا وقحات

رناد بذكاء: اكيد هي قبل لاتتزوج كانت مثلهم

بدر عطاها نظره حست بقيمة كلامها ...

&

الجوري دخلتهم جناحها

نواره تصفر : جنننننان

البندري: يهبل ماتوقعتك كذا ساكنه

ذوق : ماشاء الله متعوب على الديكور ...

الجوري: احلفي انتي معها اجلسوا بس اجلسوا ...

بعد ماجلسوا ..

البندري : اذا ماكرهته حليب امه

الجوري : هههههههه

نواره : ههه وناسه عندهم لمه حلوه

ذوق : الا الدكتور معهم ..

الجوري:ايوه اخوه الهم ماعلينا ..وحششششششششتوني ..

نواره: والله حنا اكثر

البندري: لاتخافي بننام عندك اليوم

ذوق: لا انا بعد امس سوري

الجوري: ليه وش صار امس

نواره : يووووه قصه طويله

الجوري: قولها بالتفصيل بس قبل كذا جووووووعانه

البندري : اوه نسيت الكيس بالسياره

الجوري : لاتخافي بدق على الخدم يطلعوه فوق
.&
..........

مرت ميري قدامهم بكيس مطعم هارديز

رناد : لمين

رنده : صح لمين

لمياء: من بقى مو معنا

ام سعود: شكلها للعروس

اللكل ناظر بدر

بدر : بتحتفل بصاحبتها

بو بدر : مفروض تاكل من البيت مو حركات مطاعم

بدر : والله ماني مستعد اتهاوش معها علشان كيس مطعم

ترك الشوكه وطلع لفوق ..

اللكل : لاتعليق

وام بدر ناظرته وهو يطلع الدرج .... مايترك الاصنصيل و يطلع الدرج الا وهو متضاق تعرف

ولدها اكثر من نفسها ...

بدر بنص الدرج : بنات تجهزوا بطلعكم شوي

&

البندري: كلي شكلك ميته جوع

الجوري: تخيلوا ببريطانيا اذا طلع اهجم على الاكل

نواره : هههه الله لايعذبني عذابك

الجوري من قلب : امين

ذوق: جور احس ان بدر يحبك

الجوري غصت باكلها : كح كح كح

نواره: هههههههه بسم الله عليك جيبولها مويه ...

البندري تناظرها بشك : في شي جديد ماعرفه

الجوري بعد ماشربت من البيبسي ...الحمدلله والشكر تالفون على كيفكم

ذوق بحماس : بذمتك نواره مانتبهتي كيف بدر يناظرها

نواره بغباء: لا

ذوق: مالت عليك ..

البندري وقفت بعيد : الا انا انتبهت وانا عارفه من تصرفاته معك انه يحبك ... وياويلك اذا حذفتي شي

نواره: ههههههه شوفي كيف تناظرك الجوري بتقتلك

الجوري تكمل اكلها ولا بهامها شي من اللي يقولوه .. هذا اللي باين اما هي بداخلها تفكر

بحكيهم .. هي حست ببريطانيا انه يخاف عليها .. (( لا وش قاعده اخرف حسبي الله عليهم

بيجننوني ))

نواره تصفق .. لفت عليها الجوري

نواره: هههه وين رحتي

ذوق: صار لنا ساعه نحاكيك

الجوري تفشلت : معكم يالبدو

بدر عند الباب:: الجوري الجوري

الجوري: آف ..خير

بدر : تعالي شوي

ذوق : ليكون يشتغل لنا كل شوي تعالي

الجوري: مصدق نفسه - بصوت عالي – بتعشى وبجي

بدر مقهور : ضروري

قامت الجوري : قفلوا عليكم بعد ماطلع ولا تفتحوا الااذا انا قلتلكم انا فاهمين..

نواره : شدعوه وليه كل هذا..

الجوري: قفلي وانتي ساكته ..

طلعت الجوري لبدر وكانت نفسيتها غير في بريق بعيونها مختلف هذا بس شافت صديقتها شوي

تعدل نفسيتها كذا ..كيف لو جلست معهم على طول بالسعوديه ..:خير

بدر : انا طالع مع خواتي شوي ...تامرين على شي

الجوري تتامله صدق كلام البنات والا انا اتوهم ..

بدر : الجوري انتي معي ..

الجوري: ها .. ايوه بتروح روح براحتك انا وش دخلني ...

جئت بتدخل الغرفه مسكها من ايدها : الجوري فيك شي

الجوري وقفت تناظره خايف علي والايمثل

بدر استغرب وش فيها كل شوي تسرح : الجوري .. تعالي معي ..

جلسها على كنبه بالصاله ..: الجوري فيك شي

الجوري تبعد عيونها خايفه تناظره ماتدري ليه : لا وهاللحين بتاخر على

قاطعهم ركض رناد ورنده لفوق وهم يضحكوا :ههههههه

رناد: حركات جالسين هنا ومبسوطين

رنده : شكلك بتكنسل الطلعه يابدر

بدر: هههه اقول اجهزوا لاغير رايي

فتح الاصنصيل وطلعت لمياء : اوه العرسان هنا

رنده ركضت لغرفتها او جناجها مع رناد : يللللله يارنود قبل لايغير رايه

رناد لحقتها وقبل لاتدخل لفت عليهم : الجوري انتبهي يمكن يطلع واحد من اخواني فوق وانتي

كذا بدون غطاء ..

الجوري ناظرت في بدر مستغربه

بدر : اوه راح عن بالي – مشاها لعند الجناح – نسيت ان اخواني ... هنا .ههههههههه –دخلها

– لاتنزلي الا ومعك عبايتك مثل قبل شوي لما جئوا البنات

الجوري: ليه اذا هم متضيقين مني ابروح لبيت نواره هالكم يوم

بدر : لا لاتخافي محد متضايق منك

نواره : بددددددددر

بدر ابتسم صديقتها هذي نواره هبله وش تبغي فيه هاللحين : نعم

نواره : الييييييوم انسى الجوري هههههه

البندري وذوق: هههههههه

الجوري انقهرت من نواره : اقول على شحم

بدر : ههههه حلالك ... اليوم وبس

نواره : لاااااااااا .... طول مانتم بالسعووديه انساها

بدر : اقول نواره كاني عطيتك وجه

نواره نست نفسها وكانت بدف الجوري وتطلع وجهها تتهاوش معه ..

الجوري مسكتها: خير على وين

نواره: هههههههههه غارت هههههههه

البندري وذوق : هههههه

بدر ابتسم

الجوري عصبت من جد : نواره وبعدين معك والله بزعل جد

نواره: لا والله سوري امزح ...

بدر : بالاذن تامرون على شي

ذوق تبغى تقهر الجوري: سلامتك

الجوري لفت عليها بسرعه ودها تقتلها ..حست بقهر ماتدري ليه

البندري: هههه بتذبحك اليوم

بدر (( اللي يدري يدري واللي مايدري مايدري ))

اكيد ماتهوني موانتي الجوري الغاليه ..حبيبة بدر هههههههههههه

**************
&&&&&&&&&
*************
بقاعة واحد من الفنادق الضخمه بالرياض ... ملكة البندري ...

عند المدخل

نواره بالبنطلون والبلوزه الفخمين واقفه وبيدها الجوال : يالله لجون ماترد

ذوق وهي ترتب شعرها الكريزي بالمرايه : اكيد مشغوله وماتقدر ...

نواره: قاهرتني من زمان عنها ... ومطنشتنا – حطت التلفون على الطاوله – الا وينهم الجوري والبندري ماجوا من المشغل ....

ذوق تناظر الساعه الالماس اللي بيدها : الساعه 8 ومابعد وصلوا

نواره : اسمعي انتي روحي للضيوف هاللحين مع امك وخالتي وانا برتب غرفة المعارس ...

ذوق: لا انتي روحي للضيوف وانا برتب الغرفه ..

نواره: اوكيييييه

مشت نواره بالقاعه وهي ماهي قادره تناظر كويس من العدسات ...

ام رائد: نواره نواره

نواره: هلا خالتي .

ام رائد: نسيت الدخون اذا ماعليك امر تروحي مع السواق تجيبيه ...

نواره : ابشري ...

مشت شوي الا تمسكها ام البندري: نواره نواره

نواره: هلا خالتي

ام البندري: دقي على البندري وقولي لها يله خل تخلص ..

نواره : يوووه خالتي انا مستعجله هاللحين ابروح ل لبيت اجيب الدخون

ام البندري: ليه انا عندي دخون بالشنط اللي بغرفة التبديل

نواره: الله يفرج عليك ياخاله ...

مسكينه نواره ماعدت خطوتين الا سالتها وحده : وين ام رائد ... ؟ يابنيتي

نواره مشغولها : ها ام الاسود هذي ..

المراءه بخبث: وانتي من يابنتي ..؟

نواره: انا نواره صديقة العروس

المراءه: اها قولي تسذا ..

نواره: تامرين على شي ياخاله

المراءه : لا تسلمين يانواره

&

ذوق دخلت للغرفه اللي بيقص فيها المعرس مع العروس الكيكه .. كانت كلها شموع باحجام

مختلفه ..واضائتها خافته الغرفه الوانها عنابي وذهبي يعني قمة الرومنسيه وهذا من تنسيق

ذوق طبعا ....


عدلت ذوق الورد اللي منثور على الطاوله ورتبت التول وكل شي .. وشغلت فواحات العطر

علشان اذا دخلوا تصير ريحه جنان ...

&
نواره: الو انتم وينكم ...؟

الجوري: يووووه بالطريق يالمصفوقه ..

نواره: اقول بسرعه تعالوا عرس مو ملكه الساعه جايه تسعه ولا دخلت

البندري تكلمت وهي متوتره وماسكه الورد بحضنها : نواره زحمه

نواره: مووووووت كانه زواج

البندري خاف اكثر:يالله وش هذا

الجوري: هههههه لاتخافي ...

نواره: يله باي بسلم على اهل عادل

البندري مغصها بطنها : ام رائد مو صاحيه مابقى حد معزمته

نواره: هههههه ماسمعتك باي

الجوري: باي

سكرت الجوري ولفت على البندري : ليه خايفه


البندري: جور توني احس باحساسك ... يمممممه خايفه

الجوري: لاتخافي والله انك طالعه قمر بالفستان

البندري تذكرت خلاعة الفستان : ههههه لو شافته امي انتحرت ههههه

الجوري: هههههههه من قالك

دق جوال الجوري: لاحول اكيد نوير – بعصبيه ردت من غير لاتناظر الرقم – الو

بدر : هلا الجوري

الجوري وطت صوتها غصب عنها : هلا بدر ...

البندري :ههههه شوفي البنت كانت بتذبح نواره وها

قاطعتها الجوري وهي تاشر اسكتي : بغيت شي

بدر : ايوه اهلي بالطريق ولازم تستقبليهم

الجوري نست انها اعزمتهم : طيب هذا انا وصلت للفندق توني راجعه من المشغل ... هم وصلوا

بدر : لا على وصول

الجوري : خلاص ابنتظرهم عند المدخل ...

بدر : الجوري انسي اللي بيننا شوي واستقبلي اهلي

الجوري: يووووه خلاص قلت بستقبلهم باي

سكرت من غير لاتسمع الرد

البندري: جور ليه كذا

الجوري : انتي خليك بحالك بس

البندري : جور خايييييفه

الجوري: وصلنا انزلي ولاتخافي توكلي على ربك ...

البندري شوي تبكي : آآآآآف

نزلت الجوري وبعدها البندري وكانت ذوق بعبايتها واللثمه تستقبلهم ... : ادخلوا من هنا من ورى ...

دخلوا معها ...

&

نواره المسكينه لوحدها مرتبشه مع الضيوف ...وماسكه الدخون

مريم : وصلت العروس ...

نواره: واخيرا ...

الجوري مشت لعندهم : نواره يبغونك داخل

نواره : واخيرا افراج خذي الدخون

مريم: لاعطيني اياه انا ...

ام البندري : وينها جاءت

الجوري ابتسمت : ايوه داخل وتنتظرك

ام البندري بشك : تنتظرني

الجوري: ايوه ...

نواره وام البندري راحوا داخل ..

مريم: الجوري تعالي ساعديني انا وام را

قاطعتها الجوري وعيونها على الباب : لا مشغوله اهل زوجي بيجوا ..

مريم: اها اجل روحي ...

مشت الجوري بفستانها الارتكوازي اللي يجر وراه ذيل وضيق مع الصدر والخصر كانت مثل

الحوريه جسمها جنان وابيض مع اللون الارتكواز وعيونها الزرقاء ... ورافعه شعرها

بتسريحة غجريه طالعه احلى من يوم زواجها ...

دخلوا 5 حريم بعبايات راس وبراقع ... وبس شافوا الجوري فتحوا غطائهم ...

الجوري ابتسمت ومشت لعندهم :هلا هلا والله ...

انبهروا بجمالها وكانها وحده ثانيه غير الجوري

لمياء : هلا فيك ...

مزون : الف مبروك

الجوري: الله يبارك فيك ...

رناد ورنده بعد مافصخوا عباياتهم : يااااااي تخبلين

رناد: لو شافك بدر

رنده : انتبهي على اخوي

الجوري: ههههه هلا والله ماتوقعتكم تجوا

ام سعود: ليه مايجوا ...؟

الجوري: هلا ام سعود ...

ام سعود: هلا فيك

الجوري: لا قلت عندهم اختبارات ..

رنده تغمز لها اسكتي

رناد تضيع الموضوع : اي اختبارات باقي اسبوع

الجوري: ههه حياكم الله ...تفضلوا

ام رائد: هلا والله هلا

الجوري: خالتي اهل بدر

ام ذوق بترحيب وتهليل : هلا والله واخيرا شفناكم

ام سعود : هلا فيك ... انتي عارفه الظروف

ام رائد: معذورين تفضلوا ...

لمياء مسكت الجوري : خهذي خالتك ..

الجوري ابتسمت :لا ام رائد بس بمكان خالتي

لمياء : اها

رناد : وش تحكون

لمياء : مالك دعوه

الجوري ضحكت من قلب لانها بهاليومين صحيح ماجلست معهم بس محد عاملها شين الا ام بدر

اللي تطلع من المكان اللي فيه الجوري

دخلوا وجلسوا على طاوله ... وهم يناظروا المكان والحضور ... طبقت البندري تجاري طبقتهم ..

&&&&&&&&&&&&&

البندري دخلت بهدوء : السلام عليكم

البندري: يمه

ام البندري تناظر بنتها بانبهار وفخر : ليه جالسه بالعبايه

البندري توهقت : هاللحين بفصخها

ام البندري تبوس بنتها بحذر : الف الف مبرو يمه

البندري غرقت عيونها : الله يبارك فيك ...

نواره: هاللللللو نحن هنا يله تجهزي المعرس بيدخل وبعده انتي ...

البندري : يوووووه فشله خلوه بعدي

ام البندري : مشاء الله طالع قمر رجلك

البندري استغربت من صياعة امها : هههههههههههه

&

ذوق تتفاهم مع رائد على الدخله ...

رائد واقف معصب : وليه ماتدخل معي

ذوق: امها مارضت

رائد: ياسلام وهي بعد

ذوق: مادري ماسالنها المهم اسمع مثل ماتدربنا نواف ونايف قبل بعدين انت ..

رائد: والله انتم عليكم حركات مثل وجهكم

ذوق: رائئئئئئئئئئئئئد

رائد: اوكيه خلاص جاهزين ...

ذوق : يله بعطيهم خبر وانتم ادخلوا ....

&

مشغل الديجيه تكلم من الغرفه المخصصه له .../ هاللحين زفة المعرس ...

الناس جلست واللي بتغطي تغطت والبنات طلعوا من عند البندري وجلست لوحدها ...

المصوره وقفت باول الجسر تصور ..

اشتغلت موسيقى اماراتيه لليوله .. ودخلوا اثنين صغار شعورهم لكتفهم وهم توم ((نايف ونواف

)) وماسكين سلاح بيدهم ويرقصون

((آه ياويله قلبن صويبن بانت اقداره ..

صدفه في ليله كان القمرهيب على داره ...))

الزفه للوسمي ..

طلع بعدهم رائد وهو لابس البشت وثوب المزحرف كان شكله جنان ...مشى وراء خوانه وهو

مبتسم ...وبجنبه ابوه بالبشت ... يحب الاستعراض بس ماتوقع ان كل هالحريم موجودين حس

بربكه وعرق ....


(( قلة الحيله ضايع انا في جنته وناره

من له اشكيله من لي دعى هالعين محتاره ...

بو رائد ويله .. قلبه يهيب عيون جباره ...))

والشعب السعودي طبعا كلهم وراه .. "الشعب السعودي هم -> عادل وياسر صديق رائد وبدر

وعيال عم رائد كلهم وعمامه كلهم حتى خواله وعيالهم ..ومن جهه ثانيه عيال خوال البندري

وخوالها وزوجات خلاتها ... "

عرس مو ملكه .... كانت ملكه كبيره ...

المصوره تصور رائد مع خوانه التوم ...

رنده : واااااااااو حركتهم جنان ...

رناد: الله من اللي ورى المعرس يخبل

رنده : قصدك بو السكسوكه ...

لمياء : مشاء الله المعرس حلو

رناد: ماكان ثوبه مثل جواد العلي

رنده: اييييييييييوه جبتيها وانا اقول وين شفته ..

ام سعود: شوفوا بدر معهم هههههههههه

رناد: شكل كل اللي عند الرجال دخلوا ...

مزون : يمكن عوايدهم ..

.............

بطاوله ثانيه ..

سماح بنت خالة ذوق : مشاء الله ولد خالتك طالع شي

سميه بنت خالهم الثانيه : الا شوفي كشرته شاقه الحلق ...

سماح: ايوه خذ اللي يحبها

سميه: مالت عليه من حلاته مصدق حاله

سماح: شوفي زوج ذوق بنت خالك مو حلو بالنسبه للموجودين

سميه: ههههه من غرورها خذت شين ...

سماح : وشرايك بعد شوي نستهبل عليها ...

سميه: اكيد ولازم نشوفه وهو يلبس البندري

سماح: مالت عليهم ماكانها ملكه كشخه

سميه : وانتي صادقه كيف العرس اجل

سماح: انا كنت اقول على ملكة ذوق كشخه بس بعد ملكة رائد غيرت رايي

سميه : الا وينها صاحبتهم بنت الكاسر ماشفتها

سماح: مادري ماشفناها ولا مره

................

شغلوا الغنيه اللي بعدها يادار ...

هم بس حطوهامن هنا وتعبى المسرح من هبال ورقص الشباب عليها واولهم بدر اغنيته

المفضله ... كانت الجوري باخر الصاله واقفه بعبايتها وتناظر بدر وهي تتنهد

((يادار
يادار لاهنتي ولا هان راعيك ...
ولاهان شعبا كرموا راية الدين ...

حنا لاآل سعود ذروعن لاراضيه ..
وحنا اذا صاح المنادي نلبيه .....

شوفي عيالك بالحارب تربيه ...
حنا لبومتعب ذروعن لاراضيه ..

وكل آل سعود خياله ..
وعليهم رزة الرايه ...

وهم لروس راميه ...
وهم لاجاهم العاني..

وترى نوره وراها رجال ...

وسمعوا لولوه وش تقول ...

ورى العنود وراهم رجال ...

وياحليلكن يال بنات ...

بنات شج ومعرفه ...

صرخوا كل بنات ذوق ونواره والجوري من ورى ... : ووووووووووواااااااااوووو

لفوا على البنات الحريم اللي بالصاله ...حتى الرجال ...

البنات زادو : وااااااااووووووووو

وياحليلكن يال بنات ...

بنات شج ومعرفه ...

وآل سعووووووود

خياله خياله ...))

خلصت الغنيه ...ووقف الرقص ...

..............

رناد : قلتلكم تراها رايحه فيها ...

مزون: استحي على وجهك وش هالحكي

رنده: شوفي اشكالهم ماكان العبايه عليهم ويصارخون ..

ام سعود: بالعكس يابنات فري هما ...

...............

طلعوا لشباب واللكل من الصاله ومابى غير رائد ... لان البندري بتدخل ..

ام رائد وقفت على المسرح وهي فاصخه لعبايتها : لووووووووووووول ..

ام البندري مشت عند رائد : مبروك ياوليدي

رائد: الله يبارك فيك خالتي .. بس وين العروس

ام رائد: لاتستعجل هاللحين هههههههه

ام البندري: هههههه

...............
نواره دخلت على البندري اللي ماسكه لورد وسرحانه : يله زفتك

البندري: وينكم ...؟

نواره: فاتك دخلوا رجال كثير ورائد طالع يخبل

البندري حطت ايدها على قلبها : اسكتي بيطيح قلبي ...

دخلت ام البندري مبتسمه : مستعده

الجوري : يله

البندري : ايوه ..

ام البندري عصبت على الفستان خالع مره بس سكتت... ماتبغى تخرب فرحت بنتها ..

البندري: يمه وين محمد ...؟

ام البندري بحنان : هذا هو جاي ..

ومسكت ايد بنتها وقريت عليها المعذات من العين

البندري: هههههه يمه وشفيك

ام البندري بعيون مغرقه : اخاف عليك من الحسد

البندري تجمعت الدموع بعيونها:.........

الجوري ونواره طلعوا علشان يدخل محمد ....

...........

كل القاعه سكتت .. وانعرفت موسيقى رومنسيه بعكس دخلت رائد مزعجه ...

كانت ..


((من تكون السندريلا
غيرك البندري
والله البندري ...

من ملك هالحسن كله غير البندري ...
والله البندري ...

انتي اللي اخجلتي القمر ...
من طلعتي ماظهر .... ))

مشت البندري بفستانها الناري اللي موصل لنص فخذها ..قصير مررررررره وصدر عاري

...وظهرها كله مبين وفيه حركة x وبجنبها بيدها اليسار محم اخوها وبيدها اليمين الورد ..



رائد وقف وهو مبتسم ومايناظرها الا هي ... هي اللي ملكة قلبه وروحه جميله بكل شي يحس

بهاله عليها ... قلبه يدق عشق لها

البندري قلبها يدق بسرعهوزاد المغص علييها وهي تشوف رائد واقف مبتسم لها ...

محمد: الله يهداك جننتي الرجال بخلاعتك

البندري وقف قلبها من كلام محمد بدل مايصبرها يزيد عليها .. الله يسامحك ياالجوري على

هالفستان ...

وصلت العروس عند العريس وسلم محمد رائد البندري : الله الله فيها

رائد مسك ايدها : في عيوني ...

اما البندري فقلبها بيوقف وتحس بقشعريره بكل جسمها وهي ماسكته ..

وقفوا المعرس والعروسه

ام البندري ورائد: لوووووووووووللللللل

نواره ببداية المسرح: الف الصلاه والسلام عليك ياحبيب الله محمد

الجوري وذوق بجنبها : لووووووووول

البنات: هههههههههههه ههههههههه

الجوري وذوق ونواره : نبغي بوسسسسسه بوسه بوسه

كانوا مستهبلات مره متعودين على رائد ومحمد كانه اخوهم

رائد باس جبينها وهي خلاص ميته خوف : مبروك ياقلبي

البندري اول مره تحس انهامستحيه كذا سكتت ..

... جلست وجلس بجنبها رائد لان تصميم الكوشه كرسي طويل ..

محمد مسك السيف وهو يضحك ...

نواره: عاش بو مشاري والله ...

الجوري: يالله انك تحي السنافي ....

محمد : هههههههه – مد السيف الثاني لرائد

رائد مسك السيف وهو يغمز للبندري ..

ورقصوا على ..

(( ياسلامي عليكم يالسعوديه..
يادار الشيم يادار الاوطاني ..

ياالسعودي نحي روحك الحيه ...
اشهد انك اصيل وطيب الفالي ...))


ارقصوا بالسيف مثل الجنادريه ...

الجوري ونواره وذوق يصفقون ويصارخون مسوين جو ...

.............

رناد: يالله الستره زوجة اخونا شفطه

رنده: امها بريطانيا وشتبغي

ام سعود: وين ام بدر تجي تشووف من مناسب ولدها ...

مزون : لا وابراهيم يقول خوش بنت

رنده: يوووه لو درى بدر

رناد: علقها بالمروحه

لمياء: اسكتوا لاتحكون لبدر شي مو ناقصين حنا يرتفع عنده السكر بعد ...

ام سعود ابتسمت بخبث كيف تفوت عليها الشماته بام بدر ...

...................

سماح: الله يحفظه يهبل

سميه: والله اني اقول على ذوق فاصخه بس يوم اني شفت صاحباتها عذرتها ..

ام رائد جائت : ها بنات وشرايكم بالعروس

سميه وسماح : حلوه ...

ام رائد: ههههه عيونكم الحلوه ..

.................

طلع محمد وجلسوا شوي ...

رائد: الله يحفظك من العين والحسد .. طالعه قمر

البندري : تسلم ...

رائد: الله يسلمك من كل شر ياحياتي

البندري: رائد خلاص والله استحي

رائد: يالبيه قلبي اللي يستحون

البندري زاد حيائها قالت بدلع : رودي

رائد : ذوق ذوق يله ابغى اجلس معها لوحدنا

البندري وجهها زاد حمره لحد ماصار طماطم ...

ذوق: ان شاء الله .. بكلم الديجيه لزفه الوداعيه

الجوري: هههههه ماجلستوا كثير

رائد: انتي متزوجه وعارفه

الجوري وجهها صار احمر

ذوق ونواره والبندري ماتوا ضحم عليها سكتها : هههههههههههههه

الجوري: مع وجهك مبسوطه اكيد لازم دام رودي حبيب القلب اللي قال

البندري تفشلت وانقهرت من الجوري

رائد: هههههههه ...

زفوهم لحد الغرفه اللي بيلبس فيها رائد البندري الخاتم " الشبكه "..

.....................

دخلوا للغرفه ... وكانت جنان وقمة الرومنسيه كلاسيكيه لاخر درجه ... ودخل معهم البنات كلهم

مع امهاتهم وخواتهم .. واهل رائد خالاته وعماته وبناتهم ... وباقي الحضور بالقاعه ومعم

صفاء ومروه خوات نواره ....

رائد لما شاف جمال الغرفه مشى لعند اخته ذوق قدام الكل وباس جبهتها : الله لايحرمني منك

ياختي ..

ذوق غرقة عيونها : ولامنك ..

رجع لعند زوجته بنو ..قرب منهايلبسها الشبكه ... البندري قلبها يدق بسرعه وحرارتها ارتفعت ...
ام البندري عطته الخاتم قبل ... لبسها الخاتم وهو مرتبك وهي ارتبكت لربكته ابتسم بتوتر

وقالهابهمس : داخل على الله ثم عليك بنودي لاترتبكي لاني خلقه مرتبك


البندري ضحكت بخفيف زوجها خبل : هههههههههههه

نواره : اعقلوا انتي معه حنا هنا ...

رائد: ههههه مالكم دخل زوجتي وبكيفي

لبست البندري الخاتم وهي متوتره ....

وبعدها لبسها باقي الشبكه العقد والحلق وتوهق بالحلق .. لحد مالبستها امها اياه ..

ام البندري والجوري بكوا ...

ذوق: هيه اتعوذوا من الشيطان..

طلعوا بسرعه علشان مايبكوا البندري ..

قصوا الكيكه اللي باسمهم وشكلهم .. طبعا من ورى الكل راحوا لاستديوا صوروا بس ذوق كان

ت محرمهم .....

طلعوا وتركوا العرسان براحتهم ........

................

الجوري راحت عند اهل بدر : وشفيكم ماقمتوا للعشاء

رناد : الاخ بدر يقول يله

الجوري: يله وين بدري حتى ماشفتوا زوجة عمي وعيال عمي ...

رنده: والله هذي اوامر العزيز رجلك ...

لمياء : مشكوره على لعزومه

الجوري: والله ماتطلعون واذا على بدر انا بكلمه

مزون: لا مانبعى نسببلك احرج مع بدر هو عصبي واذا قال شي خلاص

الجووري مستغربه: بدر عصبي ...؟

رناد: ممصيرك بتجربي عصبيته

رنده: وع ماينطاق

ام سعود سوسه: جربي حاكيه

الجوري: وهذا اللي بسويه ... بس انادي ام عبدالرحمن اعرفكم فيها قبل ... نوره نوره

نوره لفت وهي تكلم الصبابات : نعم

الجوري: تعاي شوي

نوره جئت : هلا ...

الجووري بابتسامه ريضه : هذولا اهل بدر

نوره: اهل بدر ....؟؟ هم جئوا الله يسامحك ليه ماقلني من اول ...هلا والله هلا فيكم تو مانور المكان ...

ام سعود: منور بوجودك ..

الجوري: هذي ام سعود زوجة ابو بدر

ام سعود : انتي ام سعود هلا والله الجوري تمدح فيك

ام سعود صدقت نفسها اكثر :من ذوقها والله

الجوري: وهذولا رناد ورنده ولمياء خواته ... وهذي مزون زوجة اخوه ابراهيم

نوره: حياكم الله هلا ومسهلا

باصوات متفرقه: هلا فيك ...

الله يحيك .....

راحت الجوري وتركت اصول الضيلفه على نوره .. دقت الجوري على بدر مايرد : يالله ليه مايرد

اكيد الجوال مو معه او مطنشني ... بس انا لك يابدر ... دحمون دحموني


عبدالرحمن: نعم الجوري ...

الجوري: اسمع روح لبدر ووقرب من عنده وقول باذنه سمعت باذنه ... الججوري تبغاك بره

ضروري ...

عبدالرحمن : ان شاء الله

الجوري ناظرت نفسها بالمرايه اللي عند المدخل وزادت الروج اللي بداء يروح وحطت عطر ..

,..........................

رائد فسخ بشته ولزق بالبندري اللي منزله راسها من الحيء

رائد : مبروك علينا ياقلبي

البندري بهمس : الله يبارك فيك

رائد: ماتتصوورين فرحتي انا معك ..- باس ايدها – الله لايحرمني ممن هالوجه ...

البندري ابتسمت بخجل عذري .. هذي اول مرخ حد يقرب منها كذا ..

رائد: ياحلو هالبتسامه ...الله لايخليني منك

البندري كانها مخدره تحس انها جد مبسوطه الله عوضها برائد اللي يحبها .. بعد ماعاشت القهر

بحياتها قالت له من قلب : ولا منك ...

رائد: حرام عليك لابسه ناري والله ماقوى هالحلى كله

رائد باس جبينها وخدها وخشمها الصغير ... و ... و... و.. وماقتصرت على البوس على اشياء

اكبر لحد ماصرت يوم دخلتها ..

................

ذوق معصبه : تصوري ينواره السخيف طلع وترك بابا لوحده مع الضيوف

نواره : هدي اعصابك اكيد عنده مشوار.. وبعدين ابوك عنده ياسر وعيال عمامك ..

ذوق : انتي مو عارفه هو متغير هذي الايام ..

نواره: انتي متوتره من قرب الزواج علشان كذا تقولي كذا

ذوق تنهدت : يمكن معك حق ...

......................

بدر جالس يتقهوى مع ياسر صديق رائد ... كان حبوب واجتماعي درجه او وبدر ارتاح له نفس

ميوله وتفكيره

ياسر : يوووووه ولك من العلوم الطيبه بعد

رائد: هههههههه والله انك زاحف

ياسر : جد تحس باهل الشرقيه طيبه تجذب مواللي عنده

بدر: وط صوتك لايقوموا عليك الشايب والله انك تصير ت

قاطعه عبدالرحمن بصوت واطي مايسمعه الا بدر وياسر : تقولك الجوري تبغاك ضروري

بدر يقلد صوته الواطي : وليه مادقت ..؟

عبدالرحمن رفع اكتوفه : والله مادري اسالها مو انت اخذتها مننا اكيد بتقولك

ياسر: هههههههه يلعن الاسلوب

بدر : شفت هذا النسيب الصغير

ياسر: ههههههه رح لزوجتك قبل لاتصير قضية الامه ...

بدر : ههههههه عندك خبره يالعازب ههههه

ياسر : ههههه من اخواني

مشى بدر لوين ماشر له عبدالرحمن .. الجوري كانت واقفه تناظر الجوال .. بدر اول مره

يشوفها بالحلا جد انها حلوه بس مو كذا تنهد وهو يحس بمشاعر غريبه كان وده يلعب بخصل

شعرها اللي مرميه على كتفها من التسريحه .. الفستان كان خيال عليها .. قلبه انتعش وهو

يشوفها

الجوري كانت كذا لعانه مالبست عبايه ... تبغاه يشوفها حلوه ماتدري ليه ...؟ عندها رغبه قويه

تشوف ملامح وجهه .. وخاب ضنها كله وتحطمت لما شافته يمشي لعندها ويناظره ببرود ...قلبها

دق بسرعه بس شافته وهي كذا مشاعرها تلخبطت ...

بدر : ها بغيتيني ..

الجوري ارتبكت ودقات قلبها زائدت : ايوه .. ليه ماترد على الجوال ..

بدر بخبث : ليه دقيتي علي ..

الجوري: ايوه ...علشان ..كنت .. انت صحيح قايل لاهلك يله

بدر : ايوه الساعه 12 لمتى يعني

الجوري بسرعه من غير لاتفكر قالت : وليه ماقلتلي مو انا من حسبت اهلك ..

بعدها ندمت على كل كلمه قالتها ...

بدر ابتسم وقرب اكثر منها : الا كل هلي انتي ..

الجوري ارتبكت اكثر وارتفعت حراره جسمها (( لا لاتقرب اكثر تراك تاثر علي )): المهم خلهم

شوي بدري..

بدر : اوكيه بس بشرط

ارفعت راسها مستغربه : وشو

وياليتها مارفعت راسها تلاقت العيون

بدر عطاها خده : بوسيني واخليهم

الجوري كان شي قارصها : لا احلف

بدر : انا عند كلمتي

الجوري: لا لو ايش

بدر بضيقه : لهذي الدرجه .. – بعد عنها - اوكيه قوليلهم لحد الساعه 1 ونص ومافيه زياده

وانتي اذا حبيتي تجي معهم حياك ..

الجوري تضايقت حست انه تضايق اول مره تضايق لزعله :بدر

بدر مشى وتركها ...

الجوري انقهرت من نفسها ماتدري ليه ودخلت تقول لاهله رضى لوحده ونص

رناد: والله اني قايله من زمان محد جاب راسه الا انتي ..

رنده: وانا اشهد

نوره كانت مندمجه مع مزون لانها بمثل عمرها تقريبا ولمياء اصغر من جوري بسنه بس ركبت

معهم ...

الفصل السابع والثلاثون



بعد يومين من الملكه ..

بريطانيا – لندن

لوجين صحت من الغيبوبه .. فتحت عيونها وكان راسها ثقيل والم بكل جسمها تحس بضعف بكل

جسمها .. لفت راسها للجهه اليمين شافت عامود وعليه المغذي وموصل بيدها ... رفعت ايدها

بهدوء وضغطت على راسها اللي يالمها انتبهت بالشاش الابيض الملفوف بايدها .. حست بوخزة

الم بيدها... تاوهت كل شي فيها يالمها ....ناظرت حولها هي بغرفتها البيضاء .. وعلى سريرها

وببيتها الكبير والباره بيتها الموحش بالنسبه لها .. بلعت ريقها تبغى مويه تحسس بجفاف بحلقها

نادت بوهن : مسفر مسفر..

مافي رد رطبت شفايفها بلسانها : مسفر

تذكرت شكله وهو يطلع وكانت طلعته بدون رجعه : مسفر ... م...س..ف..ر


نزلت دموعها غصب عنها وراح صوتها : مسفر لاتتركني ..مسفر احبك ..

بكت بكت وهي تحس بحرقان بخدودها تحس الدنيا سوداء حواليها تبغى تتكلم تنادي احد ... لكن

مثل العاده هي وحيده وبتضل وحيده ...


رفعت جسمها بالم .. داخت وطاح جسمها : يمه يمه

هذي او مره تحتاج فيها امها مثل كذا .. : يمه يم.. – راح صوتها ..غمضت عيونها بقوه تحس

بالضعف بالوحده ياليتها ماتت ولا تعيش كذا وحيده حتى مسفر تركها تخلى عنها في اصعب

ظروفها ..


نادت بصوت هامس ومتقطع : يمه تكفين ردي علي يمه محتاجتلك يمه

بكت من قلب قلب محروم .. وين الامان وين الحنان . وينها اللي تحت اقدامها الجنه ..وينها

تبغاها هاللحين ...


قطعت انبوب المغذي ورجعت تحاول توقف اسندت ايدها على المكومدينه .. طاحت صورة ابوها

على الارض وقالت بشفايف مرتجفه / يبه ..

سحبت الصوره بسرعه بين القزاز ضمتها بقوه : بسم الله عليك ... بسم الله عليك يالغالي ...

والله والله احبك اقسم بالله اموت فيك ومسامحتك .... بس انت ارجع ...مابغى منك ولا دولار بس

ارجع لي محتاجتلك ..


وقفت بتوازن مختل زاد الم راسها .. تمسكت بالصوره اكثر ومشت لعند الباب وهي تترنح ماهي

قادره تشوف عدل الغرفه من حولها تدور ... بجهد متعب .. مسكة مقبض الباب حطت كل قوتها

فيه انفتح بسرعه من قوة الضغط

اسندت اايدها على مدخل الباب .. وقفت بجسمها المرتعش : يبه – نزلت دموعها اكثر - .. يبه

..؟

مايا انتبهت فيها وشهقت: انسه لوجين

لوجين بس شافت مايا ضاعت كل قوتها جسمها استرخى وتخدر .. طاحت على الارض

اركضت لها مايا تمسكها ..

ولوجين تبكي بضعف وتهذي : يبه ..وينك ... يبه ضاقت فيني الدنيا ...يبه تكفى ارجعلي –

اشهقت بالبكي - لو ثواني .. يبه محتاجتلك ...

مايا نزلت دموعها غصب عنها حالها يكسر الخاطر .. ارفعتها من ايدها بسرعه لانها كانت

خفيفه .. حطتها على السرير وهي لحد هاللحين تهذي .. لوجين تبغى ترفع ايدها تقوولها ابغى

مويه بس ايدها ثقيله وجسمها مخدر من قلة الاكل ..


اذا حاولت تقول مويه تقول مكانها : يبه ...

مايا رفعت التلفون بسرعه ودقت على ناصر بفرحه وحزن : الانسه صحيت الانسه لوجين

صحيت

ناصر ترك الاوراق اللي بيده وطلع لفوق بسرعه : الحمد لله الحمدلله

مايا ودموعها تنزل على خدها : والله صحيت ..

ناصر يناظر لوجين ..

اللي بس شافته بكيت اكثر وحاولت تحكي عطشانه وجوعانه اسبوع مادخل جسمها اكل طول

الوقت على المغذيات


ناصر قرب لعندها : الحمدلله على سلامتك طال عمرك

لوجين مسكت ايده بضعف : يبه .. – زادت بكي – يبه

ناصر بلع ريقه اكيد هي منهاره مثل ماقال الدكتور ...: مايا كلمي الدكتور يجي هاللحين بسرعه ...

لوجين تحس بالالم يتضاعف بجسمها ماهي قاره تحكي ولا احد فاهمها ..ماعندها الا البكي

وسيلتها الوحيده كانت تصرخ بداخلها (( تعبانه تعبانه مررررره .. تكفون ابغى مويه بس قطرة

مويه .. تكفون ))

ناصر ابتسم : لا تخافي الدكتور على وصول ..

لوجين سكرت عيونها مافيه فايده مهما حاولت محد يسمعها ...

ناصر خاف انه اغمى عليها من جديد : انسه لوجين .. انسه لوجين

لوجين فتحت عيونها بضعف : مسفر ..

ناصر هز راسه ودق على الدكتور يستعجله ...

بعد دقايق الدكتور وقف قدام لوجين يعاينها ..

(بعدالترجمه )

د: من الضروري ان تنقل الى المستشفى باسرع وقت ممكن ..

ناصر : انقلوها

د: ولكن اوراقها ليست لدينا

ناصر : حسنا الطائره جاهزه هل تستطيع التحمل ريثما ننصل لالمانيا

د: لا اظن ... سوف اذهب معكم بالطائره ...واحاول ماقدر عليه ..

ناصر ناظر الدكتور وخبثه يستغل المواقف علشان الفلوس جد ناس ماعندها احساس ولا ضمير

ناس خاليه من جوه عبد فلوس ...: حسننا ولكن الان مابها ..

د: انها تحتاج الى المخدرات بالتاكيد فجسمها قاومه بالفتره اللتي سبقت ذلك بحالة الغيبوبه

ولذلك هي بخمول واسترخى تام ... ولكن هذا قد يودي الى وفاتها يجب ان تنقل فورنا الى المانيا

..

لوجين ناظرت الدكتور ودموعها تحكي : مسفر

الدكتور : يبدو انها تريد ماء ..

لوجين بكت بقوه وشهقت تايد كلامه ..

مايا جابت لها المويه وشربتها اياه ..

اكره شي عند الانسان العجز حتى المويه مايقدر يطلبها ..شربت من المويه بسرعه

نقلوها بالكرسي لطياره ومعهم الدكتور والممرضه ..ولوجين اول ماتمددت على السرير تذكرت

مسفر وعلي والمخدرات تذكرت كل هذولا ارتجفت وكثرت دموعها اللي ماسكتت من اول

ماصحت ..

الدكتور : دعوها تاكل في بحاجه للغذاء ..

لوجين بعد كم لقمه قالت بشفايف مرتجفه : تعبانه

ناصر : لماذا لاتحقنونها بمنوم

د: مع الاسف جسمها لايستجيب لاي منوم او بنج من الادمان ..

ناصر تنهد : لاحول ولاقوة الا بالله ..

***************
السعوديه – الرياض

نواره اليوم بعد قلبها مقبوض من ثلاث ايام وهي على هالحاله ..(( يالله وش هذا احس بضيقه

وقلبي مقبوض ..ياررررب ريحني ))

بو نواره بين الصاحي والسكران : شفيك جالسه هنا لوحدك وين اخواتك عنك ..؟

نواره : آف مالي خلقك اروح بيت امي احسن

بو نواره بانفعال : امك المومس القذره الخاينه

نواره وقفت بعصبيه : ماسمحلك مهما كان هي امي

بو نواره : روحي لها بتشوفيها بخضن واحد قذر مثلها

نواره: لاحول منك اطلع احسن لي ..

طلعت فوق جهزت لها شنطه صغيره ليومين تروشت وبدلت ..ونزلت ..: بتوصلني والا اروح مع

السايق

بو نواره: لا اااااااااا مراح اوصلك للقذره هذي ...وبعدين كيف تطلعي والجو كذا ضباب ...

نواره فكرته سكران ويخرف وطلعت ...بس جد كان الجو ضباب حطت الشنطه ونادت على اكبر"

السايق " ..: على بيت ماما كبير بسرعه

وصلت لبيت امها والضباب كان كثيف مره وكان الجو ليل مو ظهر .. نزلت من السياره وحطت

الشنطه عند ..الباب وطلعت لامها فوق اكيد نايمه لازم اخوفها فتحت الباب بقوه وبسرعه :

بووووووووم

شافت امها مع طلال بوضع مخل للادب والحياء ... لفوا عليها الاثنين مخترعين .. فنحت عيونها

مو مستوعبه : طلال

طلال اقوى من صدمتها : نواره

امها بسرعه لملمت نفسها بالشرشف : نواره وش جابك ..

نواره حطت ايدها على فمها مو مستوعبه .. صار عندها مثل موت للسانها وهي محتاجه تتكلم

وتصرخ تكذب اللي تشوفه ..وموت قلبها لما تحتاج للحياه والحب ....وجفاف عيونها لماتحتاج

اللبكي ...وانها لوحدها مثل اغصان الخريف لما تحتاج اللكل والناس ..



اللكل لثواني معدوده وثقيله .. كان واقف مكانه مصدوم ...

طلال وقف : نواره انا

نواره ركضت بسرعه لتحت لبره هذي الغرفه لبره البيت بعييد عن هالمكان ..

طلال بسرعه يلبس بنطلونه ويكلم نفسه بصوت مرتفع : كيف جئت لهنا ..؟ وكيف تدخل كذا ..؟

ليه ليه جئت

ام نواره بضيه : هذي بنتي

طلال لف عليها بسرعه لثواني ماستوعب وش قالت : كيف ...؟

ام نواره بكت : ايوه بنتي .. هذي اخر بناتي

طلال تفل بوجهها وطلع بسرعه يلحق نواره ..

نواره طلعت من البيت تركض من غير دموع من غير كلام كانت تركض بوسط الضبااب ماتفكر

وين بتروح ولاتدري وين بتروح كل اللي تشوف شكل طلال مع امها ..


طلال تلفت يدورها ماشاف احد ..

اكيد ارجعت لبيتهم مع السايق ..

ركب سيارته بسرعه لبيت نواره دق الجرس من غير لايفكر ...


نواره مشيت و مشيت لحد ماوصلت لحديقه ماتدري وش حديقته جلست على اول كرسي صادفهاا

... جلست وشافت المكان فاضي من الضباب محد يجي ..حست برعشه اهتز لها جسمها ..نزلت

دموعها دموع قهر وظلم ..



واخيرا بعد 6 رنات على الجرس انفتح باب البيت

بونواره : خير

طلال: وين نواره

نزل المطراللي مستكه الغيوم طوال الوقت ...

بو نواره: والله خوش واحد جاي عند بيتي و يسال عن بنتي

طلال: انا .....ان ........ ا اخو ذوق ... ذوق تعبانه وتبغاها

بو نواره: اها ... نواره ببيت امها مو هنا

طلال: مارجعت

بو نواره: لا السايق رجع لوحده ..

طلال بسرعه دخل سيارته اجل وين راحت حس بحقارت نفسه وطيشه لوين وصله ... لعن نفسها

وامها بخاطره .. حس بخوف عليها وين راحت هاللحين

نواره جالسه بالحديقه وفوقها المطر الغزير ..تحس بنار بقلبها.. طعنات قويه بصدرها ..ارفعت

راسها لسماء واختلطت دموعها بالمطر : يارررررررررررب يارررررب ارحمني يارب ...


طلال بسيارته يدور وعيونه على اللي بره وين راحت ..؟ يارب مايصير لها شي .... يارب

احفظها واحرسها ... يارب بعينك اللي ماتنام اغفرلي ..- نزلت دمعه حاره من عينه – يارب

خذني انا واحفضها ... يارب اموت ولا يصير لها شي ... خذ من عمري وواعطيها اياه .. دق

عليها

*******************

الجوري جالسه بغرفتها ومعهارناد ورنده ..

رناد : ماتوقعت ان بدر يتزوج بحياته كلها

الجوري : ليه وش معنى ..

رنده : يووووووووه انتي ماشفتيه قبل لايموت حسان ويمرض نواف وع تلوع كبدك ..

رناد: تخيلي كنت ماطيقه اذا جلس بمكان اطلع منه

رنده: وعععععع تقولي دراكولا المرعب .محد يقدر يحاكيه

رنده : حتى بابا تصوري ... بابا ماله كلمه عليه اي شي براسه يسويه من غير لايفكر

الجوري : مو لهذي الدرجه

رنده وهي تقطع البسكوت : تصوري مره ضرب ماما ....

الجوري فتحت عيونها : امك ....؟

رنده : ايوه لانها باختصار تلبس عبايه كتف ..

الجوري: طيب انا البس عبايه كتف وماحكى معي شي

رناد: انتي زوجته غير وبعدين انتي بنت البريطانيه يعني يحمد ربه انك لبستي عبايه..

الجوري: شكلكم فاهمين غلط انا صحيح ماما بريطانيه بس ماعشت معها عشت كل حياتي هنا ..

وبس 4 سنوات الجامعه و4 سنوات الثانويه انتقلت لمانشستر ولاية ببريطانيا لانو بابا توفى

وماعندي غير ماما ومع الاسف سفرتي على الفاضي درست بمدرسه داخليه لان ماما باختصار

قالت ماتبغاني

رناد ورنده : ماتبغاك ..؟؟؟

الجوري: ههههه لاتستغربوا عادي ماما اجنبيه والاجنبيات كذا دمهم بارد او نقول ازرق

رناد متعاطفه معها : عادي الدنيا كذا

رنده : وبعدين لما رجعتي لسعوديه وش جارلك ..

رناد : ههههه حلوه هذي وش جرالك ذكرتيني بابلة العلوم

رنده تغمز لها : تراني اعجبك

الجوري: ههههههه ...- تضيع الموضوع – الا بنوتات وشرايكم بالبندري تقطع القلب صح ..

رنده : مشاء الله مزيونه

رناد: وبيضاء ..

رنده: مسكينه اختي عندها نقص من البياض

رناد : لااااااااا مو انتي اللي عندك نقص وتقولي دايم ياليتني بيضاء ..

رنده :لاااااااااا متى قلت

رناد: لاااااااااااا تقولي دايم

رنده: لااااااااا متى دايم

الجوري: واللي يرحم والديكم خلاص فجرتوا راسي

بدر دخل : ها وش مسوين بحبيبتي ..

الجوري استغربت من متى وهو هنا الله يستر ليكون سمع ..

رنده ورناد : ههههههههه سلامتك

بدر : اقول شقل ومنقل ..هونا .. يعني انقلعوا

(( شنقل ومنقل شخصيات رسوم متحركه على قناة سبيس تون ))

رنده : ضروري

رناد : بدري مابعد سمرنا

بدر بعصبيه : شنقل منقل بسرررررررعه

وقفوا بسرعه بيطلعوا وهم يتحلطمون ...

رناد: هذا وانت راجع من الشرقيه وشايف البحر اخلاقك كذا

رنده : يقولوا مويه البحر تذوب الحجر وانت قلبك ماذاب

رناد : انتي شوفي وجهه تقولي عدو مو اخو

رنده : بدل ماياخذنا بالحضن يعصب

لحد ماطلعوا وسكروا الباب ..

الجوري ماسكه ضحكتها على اشكالهم التحفه .. لفت عللى بدر يومين ماشافته بعد الملكه

ماجلس بالبيت راح مع ربعه لشرقيه ...

بدر : جهزي شنطك بنرجع بريطانيا

الجوري : ليه ... تو ماصار لنا شي هنا ..

بدر : نواف لوحده هناك

الجوري وقفت بعصبيه : لا ماني مسافر

بدر لف عليها : نعم

الجوري: ماني متحركه من هنا

بدر جلس بهدوء على الكنبه : ليه ..؟

الجوري : بس كذا

بدر : قولي اسبابك يمكن اقتنع ..

الجوري : اول شي زواج ذوق بعد يومين وانا واعدها احضره ... ثاني شي مانمت ببيت عمي

ولايوم وهو دايم يكلمني ويعزمني .. وثالث شي بنو تبغاني بكم هاليوم اختار معها فستان الزواج

وكروت الزواج

بدر ماقتنع باسبابهاضل يناظرها ...وعلى وجهه عدم الاقتناع ..

الجوري حست انه ماقتنع ابدا قالت بتهور : وبعدين لحد هاللحين ماشفت امك وماعرفتني عليها

بدر استغرب: امي .. ليه وش لك بامي ..

الجوري: عادي ابغى اشوفها ماقد شفتها ..

بدر : الا شفتيها كانت معنا بالسفره اول ماوصلنا

الجوري: مانتبهت فيها ..

بدر وقف : اجل تعالي اوريك اياها

الجوري: هاللحين

بدر : ايوه هاللحين علشان نسافر بكره

الجوري عصبت : يالله مابغى اسافر ماتفهم ماحب لندن ماحب بريطانيا بكبرها ..

بدر استغرب فكرها تحب بريطانيا لان امها منها : وليه ماتحبيها ..؟

الجوري : كيفي ماحبها

بدر : غريبه امك من هناك فاتوقع انك بت

الجوري قاطعته معصبه وهي تمشي لغرفتها : ومن قالك اني احب ماما علشان احبها .. خلاص

بجهز الشنط ..ومابغى اشوف امك

سكرت الباب بقوه .. بدر تافف الواحد راجع من السفر بدل مايشوف حد يستقبله كويس هذي

تصرخ

*************************

المانيا

اول يوم للوجين بالمانيا كان الدكتور مسلم وعربي من مصر ... انبسطت كثير ماتدري ليه يمكن

انها بايديي امينه ..

جسمها لحد هاللحين خامل حركتها شبه مشلوله .. الدكتور بدى معها مسيرة العلاج .. وهي

كانت ساكته مثل المصدومه تحس انها مبنجه ..

وهذا حالها طول ايام العلاج

*******************

نواره شافت رقمه وبكيت اكثر سكرت بوجهه الظروف علمتها تكون قويه واللي شافته هزها من

جوه بس قدرت تمسك نفسها دقت على اكبر وبين دموعها قالت : تعال بسرعه عند الحديقه اللي

عند بيت الحقيره الكبيره ..

اكبرا: مافي معلوم هذا حديقه

نواره بانفعال: ماما كبير

اكبر: اها اوكيه ..

سكرت منه ومشت لعند مدخل الحديقه وهي مقرره تمسك هذي الدموع لانها لاشخاص

مايستحقونها .. بس دموعها كانت مثل المطر تنزل بعناد ..


طلال يتنهد وهو يدورها ... وكل شوي يمر على بيتها مارجعت حس نفسه مخنوق مرره الدنيا

ضايقه فيه ..خلاص حبيبته وحلم حياته ضاعت منه ...

نواره : وقف عند بيت ماما ايوه هنا بالضبط ...

ام نواره جالسه على السرير تبكي تمنت الموت ولا تشوفها بنتها باللي شافتها فيه .....

دخلت نواره على امها قبل لاتتحرك امها او تنطق ركضت لعندها نواره وضربت امها ... ضربت

امها من كل قلبها طلعت قهر سنين ..... تنزيلت الراس والذل فيها اضربتها وهي بدون وعي

..وماتصورت انها بيوم تضرب امها ... ضربتها وامها تحاول تتخلص منها كان ضوب نواره يالم

مره طلع الدم من انفها وفمها بس نواره لا ماهتمت ماتشوف قدامها تضرب وتضرب بامها :

ياحقيره ياواطيه انتي اللي ضيعتي ابوي .. انتي ماتستاهلي تعيشي ...ياقذره


دخلت الخدامه من صراخ ام نواره وسحبت نواره مع خدمه ثانيه من على امها ...

نواره تفلت بوجهها امها : انتي ماتستاهلي تكوني ام ... انا امي ماتت من اليوم ورايح سمعتي ..

ماتت ... – نزلت دموعها اللي مسكتها - والله اذا شفت وجهك عند بيتنا والله اقتلك ولا تدقي

علي ... انسي ان عنك بنات سمعتي .. واذا مت مابغاك تزوري قبري سمعتي ... لاتنجسي قبري

بوجودك .... – شهقت بالبكي – اكرهك يانجس وحده شفتها بحياتي ... الله لايسامحك ...الله

لايسامحك ...

طلعت بسرعه لسيارتها ..وتركت ام نواره منهاره مو من الضرب من الكلام اللي سمعته من

بنتها ..

طلال لحد هاللحين يلفلف ببينجن لكن انتبه بسيارة السواق تدخل للبيت نزل من السياره للبيت من

غير استاذان : نواره نواره

نواره شافته مسحت دموعها ونزلت من السياره حست بقوه فضيعه ماتعرف مصدرها .

طلال ركض لعندها : نواره انا م

قاطعه كف من نواره على وجهه : انت انجس انسان شفته بحياتي ... اطلع بره مايشرفني تكون

هنا

طلال : نواره انا احبك والله ماكنت عارف انها امك

نواره : ههههههههه وفر كلامك لامي واشكالها .. واطلع بره من هنا .. على كثر ماحبيتك

كرهتك – تفلت بوجهه – يانذل ..

طلال مسح تفلتها : اضربين هاوشيني بس لاتقولي اكرهك

نواره : ههههه لا رومنسي والله ... اكبر اكبر اقلع الحشره هذا من البيت .. وانت لاتفكر تعدي

هنا ... والله والله اذا شفت رقعت وجهك ماتلوم الا نفسك ...

دخلت للبيت ببرود ولاكانه صاير شي ..

طلال وقف يناظرها تحت المطر ببنطلون من غير بلوزه .. خلاص مستحيل ترجع له نواره ..

سامحته كثير بس هذي غلطه ماتتصلح ..

بس سكرت الباب طاحت على الارض تبكي هذي القوه كانت ظاهريه ..قناع تحطم بسرعه بكت

بشهقات

بو نواره خاف : نواره وشفيك

نواره ضمت ابوها : يبه احبك يبه ماتستاهل ضيعت نفسك علشانه يبه هذي احقر ماخلق ربي ...

يبه سامحني اذا زعلتك بيوم علشانها ...

بو نواره ضم بنته بقوه حسها منهاره مع انه مو صاحي ومو سكران بس حس بضعف بنته الول

بالنسبه له وجرح قلبها ...

بو نواره: لا يانواره انتي قويه مهما كان ماتبكي ..

نواره: يبه اترك هذا الخايس علشاني يبه تعال نروح لبريطانيا ونترك كل هذا ... يبه تكفى .. خلنا نطلع من هنا ..

بو نواره غرقة عيونه : بس ياقلب ابوك دموعك تقتلني ..

نواره ضمته بقوه : بسم الله عليك انا مالي غيرك

*********************

البندري نزلت عند اخوها محمد وامها ومريم : السلام عليكم

اللكل : وعليكم السلام

محمد: اوه من وين طالعه الشمس البندري نازله عندنا ... وينك من بعد الملكه ماشفناك

البندري مستحيه تشوف اخوها محمد بعد الملكه واللي صار لها مع رائد مع انه بالحلال بس

مستحيه مره : ههههه كنت مشغوله

مريم: ايوه جاء من يشغلك عننا

البندري على غير العاده محترم نفسها ولسانها قصير : شدعوه انتم الاصل

ام البندري: الله يوفقك يابنتي ان شاء الله

البندري: ان شاء الله

محمد :ههههههه لو ندري زوجناك من زمان ...

البندري طاح وجهها من الفشيله : ..............

ام البندري : لا هي من زمان شيخة البنات

دق جوال البندري (( حياة قلبي )) يتصل بك ..ابتسمت

محمد: اوه اوه النسيب يدق

البندري: لا هذي ذوق

مريم : آها علينا ردي بس ردي على الرجال

البندري قامت بسرعه لداخل المطبخ : آلو

رائد: هلا هلا بكل هلي انتي ...

البندري مستحيه : هلا فيك

رائد وكانه يحاكي بزر : كيف قلبوا انا اليوم

البندري: مم كويسه ... وانت

رائد : انا بخير دام نور الدنيا كلها بخير .. ها حبيبتي وين جاهزه تطلعي معي اليوم

البندري من الربكه تفتح بالثلاجه وتسكرها : وين..؟

رائد: لمحلات الاثاث علشان تختاري اللي بحبيته بقفصنا الذهبي

البندري: اوكيه

رائد وهو يدخل بيتهم لان الخدامه افتحت له : خلاص ربع ساعه وانا عندك

البندري: لا وش ربع ساعه مايكفي اتجهز

رائد: خذي راحتك ياقلبي اجل مع عمتي ومحمد على ماتخلصي ..
اشر لهم السلام

البندري (( الله لايحرمني من الحنون انا )): خلاص حياك الله ..

رائد وهو ياشر لهم وينها : الله يحيك ويبقيك ياعمري
مريم وام البندري متحمسين ياشروا له على جهة المطبخ

البندري لحد هاللحين تسكر وتفتح بالثلاجه : تسلم ..

رائد : والله انتي اللي تسلمي لي .. الا بنودي بسالك ..

البندري : تفضل

رائد: ليه تفتحي وتسكري بالثلاجه

البندري ماستوعبت : ها

رائد: ههههههههههههههههههه

البندري لفت عليه منحرجه : ههههههههه

رائد يقرب لعندها : مساء الخير

البندري متفشله :مساء النور

رائد : وش هالحلاء كله

البندري ناظرت شكلها بالبيجامه الشتويه : يووووووه اطلع بره

رائد: هههههه والله بكل الحالات قمر

البندري تمشي بسرعه لبره المطبخ : ياحبك للاحراج

رائد: هههههههههههههههه

طلعت بسرعه فوق ومحمد وامها ومريم ميتين ضحك على شكلها ماتناظرهم متفشله ...طلع

رائد من المطبخ وجلس معهم .. رائد شخصيته خفيفه على النفس اللي يجلس معه يرتاحله وياخذ

راحته بالحكي معه وكانه يعرفه من قبل ..

******************
*
ذوق معصبه : ماما لاتحاولي قاهرني مطنش

ام رائد: ياحبيبتي شي طبيعي زواجكم الثلاثاء يعني بعد يومين اكيد بيختفي شوي

ذوق : قولي لامه اذا مايبغاني والله ان في الف من يتمناني ..

ام رائد : ياحبيبتي وش هالحكي انتي اعصابك تلفانه لان زواجك قرب ..

ذوق تتنهد : يمكن ... الا وش الموضوع الخطير اللي تحكين فيه مع ام عادل

ام رائد : اها الموضوع ... هذا الريم بنت خالة عادل انفصلت عن مسفر رجلها قبل العرس بيوم

وهو ولد عمها يحاول يرجعها مو راضيه ..

ذوق باهتمام : ايوه مسفر انفصل عنها ليه

ام رائد: والله مادري اللي يقول انهم كانوا مغصوبين وعلشان كذا ماقدروا يكملوا ...

ذوق : مغصووووووووب لا كان معنا بالجامعه وكان مبسوط بالملكه

ام رائد : والله كان معكم حلو ..وسيم يعني

ذوق: يمه وش هالحكي استحي شوي انا بنتك

ام رائد: هههههه لا تفهميني غلط يابنت.. بس ام عادل تقول عنه حلو ...وعورت راسي فيه

ذوق تناظر السقف : اممم على ماذكره كان حلو بس فيصل اكيد احلى ..

ام رائد : من فيصل

ذوق توهقت شلون نسيت نفسها وثالت كذا : ها .. لا اقصد هذا واحد كان معناويايمه وش مزيون يخبل ..

ام ذوق : والله طويل

ذوق: اممممم تقريبا طول رائد يعني قدامه تصيرين نمله

ام ذوق: دامه مثل رائد وش زينه

ذوق: مو عادل مع وجهه

ام ذوق: هههههههه هذا مابعد تتزوجيه وتعيشي معه ..

ذوق : آه يمه احس اني استعجلت مرررررررره

ام ذوق : لا صدقيني تراه رجال سنع وامه صاحبتي من سنتين ..

ذوق: ياليتني ماوافقت

ام ذوق: ههههههههه كل العرايس يقولوا كذا ...

دق جوال ذوق ..((عادل )) كانت كاتبته عادل وبس لانها مو متاكده من مشاعرها له ...

ام ذوق: وراك ماتردين ...

ذوق: مالي خلقه

ام ذوق مستغربه من بنتها : لا يابنتي انتي باول حياتك ومايصير كذا .. ردي عليه حرام يمكن

بيشرحلك ظروفه ...

رمت الجوال على الكنبه : انا من يوم يومي عزيزة نفس ومحد ذلني ولما فكر احد يذلني ندم

هاللحين قد شعر راسه .. وماعاش هذا عادل علشان يذلني

ام ذوق: لا يابنتي الدلع ماينفع بالزواج انتي هاللحين مراءه كبيره اترك دلعك وانسي يعاملك

عادل مثل مايدللك ابوك ...

رجع الجوال يدق ..

ذوق: لاحول ..الو خير

عادل: هلا والله بحبيبتي

ذوق: نعم عادل في شي ضروري

عادل : لا القمر زعلان مره والله سوري حياتي انشغلت بهالكم يوم

ذوق: وش اللي ممكن يشغلك عني

عادل: انتي ياقلبي اسمعي مجهزلك مفاجاءه تاخذ العقل بيوم زواجنا

ذوق نست زعلها : وشو ..؟

عادل: نو .. نو .. مفاجاءه

ذوق بدلع وهي تلعب بخصل شعرها : عدولي

عادل: لا ماقدر على دلعك والله ماقدر احكي بعد يومين ان شاء الله ...

ذوق: امم ابصبر بس ودي اعرف

عادل: لا لاتضغطين علي شي جنان بيبسطك

ذوق الفضول قاتلها : مثل شنو لمح مثلا ..

عادل : لا ماقدر قبل لانسه ذوذو حياتي ابغاك بيوم الزواج تفتحي شعرك

ذوق مستغربه : افتح شعري ليه ..؟

عادل: بس علشان المفاجاءه ..

ذوق تناظر شعرها الطويل لاخر ظهرها مطولته علشان الزواج : لا عدول ماينفع

عادل: واذا قلتلك علشان حاطري

ذوق : لحضه عادل دقيقه بس...

عادل: اوكيه خذي راحتك

ذوق: ماما

ام ذوق تناظرها بخبث وعلى وجهها ابتسامه لعوب : هلا

ذوق فهمت على امها : مااااااااااما

ام ذوق: هههههه ها

ذوق: ماما عادل يقول يبغاني افتح شعري واحط الطرحه ينفع

ام ذوق مستغربه : يوه تفتحيه كيف ..والتسريحه اللي متفقين عليها

ذوق مدت وزها : بس عادل يبغى كذا

ام ذوق : لا لاتخافي جو رعد خبير بتصفيف الشعر واكيد بيحصل لك شي مثل طلبك

ذوق رفعت السماعه لاذنها : اوكيه عدول تامر امر

عادل: يابعد قلي والله ... تامرين على شي بروح للفندق علشان الحجز ..

ذوق عصبت بيسكر بسرعه : مايامر عليك ظالم .... باي

لما سكرت امها انفجرت بالضحك : ههههههههههههههههه

ذوق : ماااااااااااااااااااااما

ام ذوق : ايوه هاللحين باي ومايامر عليك ظالم ... وعدولي ..

ذوق : هههههههه قلب المراءه يامامتي ..

ام ذوق : المهم هاللحين ندق على جو نساله اذا يعرف لتسريحه مفتوح فيها الشعر ..

ذوق : وانا بجرب ادق على لوجين يمكن ترد هي وعدتني تحضر زواجي


بدر جالس مع امه وخواته ...

بدر : شدعوه يالغاليه وانا يهمني غير رضاك

ام بدر : ايوه صدقتك اجل تراب اخوك مانشف وانت رايح متزوج لي هذي الفاصخه


بدر : يمه الله يهداك وش فاصخته انت عندك بنات لاتتهميها بشي

ام سعود وهي تشرب الكوفي ببرود : هي ماغلطت اجل واقفه على المسرح عند الرجال بعبايتها الفاصخه

رناد : يممممممه هي ماتعرف لسعودين

رنده : كويس انها لابسه عبايه

بدر عصب : كيف يعني هي وقفت مع رجال بدون عبايه

رنده : لا والله الشهاده لله بعبايه

ام بدر : عبايتها الفاصخه والمخصره ..

بدر : على العموم حنا بنسافر بعد يومين يعني مابغى مشاكل

ام سعود : الله معاكم

ام بدر : وين تسافر توك جاي

بدر : يمه علشان نواف

ام بدر غرقة عيونها : الله يشفيه ..

طلعت الجوري من الاصنصيل بعبايتها وعكازها ...

بدر استغرب : على وين ..؟

الجوري : هااااي

اللكل ماعدا ام بدر وبدر :هااي

بدر وقف ومشى لعندها : على وين ..؟

الجوري: بروح لبيت عمي نوره عازمتني

بدر : وليه ماحكيتي لي ..

الجوري: ماتوقع انه ضروري بودعهم قبل السفر ..

بدر : بنسافر بعد يومين ..ارجعي مايحتاج تروحي لهم

الجوري : لا ماراح ارجع

ام سعود تزيد النار حطب : ارجعي لاتعصين امر زوجك ... هو رجلك مو طرطور


الجوري: لو سمحتي خليك بحالك اوكيه ..

بدر : الجوري ارجعي

الجوري : ماني براجعه وبروح لبيت عمي ..

بدر : ارجعي ..

الجوري مقهوره ناظرت باهله وفيه : انا حكيت معهم وبروح

بدر مسك ايدها : اقول مافي طلعه من هنا

ام بدر عارفه ولدها اذا عصب مجنون مايشوف قدامه ..مسكينه مادرت انه عند الجوري ولا شي

: بدر خلاص خلها تروح لاهلها ..

رنده ورناد متخيلين الباقي بيضربها قدام الكل ولا راح يهتم مثل ماضربهم من قبل طلعوا لفوق

بسرعه ...علشان مايحرجونها ..

الجوري سحبت ايدها : ماني راجعه سمعت

بدر بعصبيه : الجوري اطلعي غرفتك احسن لي واحسن لك ..

الجوري خافت من نظراته عيونه تخوف بجد وهي ماهي متعوده تدافع عن نفسها البندري هي

اللي كانت تدافع عنها هي ماقد مره فكرت ترد على صراخ احد ((وينك يابنو كان هاللحين وقفتيه

عند حده ..))
قلبها يدق بسرعه وخايفه ..طلعت لفوق وهي ساكته ...

بدر عوره قلبه عليها شاف الخوف بعيونها بس لازم يسوي كذا والا بتتمادى اكثر .. رجع جلس

عند امه ..

ام سعود : زين ماسويت علشان تعرف حدودها

ام بدر ساكته تفكر ..

وبدر بعد جلس ساكت ندم على اللي سواه ..

اما الجوري طلعت لفوق معصبه ومقهوره ودمعتها على خدها سكرت الباب بقوه وقفلت باب

الجناح كله ماتبغى تشوف وجهه ..(( مسافر يومين وبالاخير راجع بشره الله يهده ))

دقت على البندري ..

البندري وهي بالسياره مع رائد : هلا ولله الجور

الجوري وهي تبكي : بنو قهرني تصوري قالي مافيه روحه لبيت عمك

البندري: بسم الله ليه تبكين وش فيه النذل وش مسوي قولي حبه حبه علشان افهم


الجوري: انا قلت بروح عند نوره ولما نزلت بطلع قالي ارجعي وصارخ علي قهرررررررررني ..

البندري : ماعليك منه حياتي ولاتنقهري هو هذا اللي يبغاه يبكيك صيري قويه ووقفي بوجهه ...

الجوري: لااااااااا اخاف اخاف منه اذا صرخ يخوف

البندري: يالهبله وش يخوفك منه

الجوري ترتجف : مادري اخاف من صوته العالي ..

البندري : ولا عليك ولا تهتمي طنشيه وبينقهر

الجوري: المهم ماعلينا .. تعالي عندي

البندري: هههههه والله بودي بس انا مع رودي حياتي

الجوري بغيره : من هاللحين ماتقدري تجي علشانه كيف اذا تزوجتي ..اجل

البندري: ههههههه انتي ببريطانيا ياعمري

رائد بصوت مرتفع : هلا الجوري كيفك ...

الجوري: رجلك والله انه زاحف

البندري: رودي سوق بس سوق بلا هلا بلا بطيخ

الجوري: هههههه تغارين مني

رائد: ههههههه تغارين

البندري : انت معه يله باي الجوري

الجوري: ههههه باي ياحبيبة رودي

البندري سكرت من الجوري ولفت على رائد : احلف اسمع حبيبي اللي اوله شرط اخره نور انا

ابغاك تتغطى عن الناس كلهم بالعربي لاتحاكي ولا مراءه

رائد: هههههههه ياقلبي انا اللي يغاروا ..

البندري بدلع : اذا ماغرت عليك اغار على مين

رائد: لا لاتحاكيني كذا والله اغير رايي من محل الاثاث لاقرب شقه ..

البندري: لااااااا خلاص

رائد: والله دخلت بمزاجي وشرايك نروح لشقه مفروشه شوي



البندري : لااااااا لااااااا خلاص بحكي كويس

رائد غير طريقه لاقرب شقه من جد ومع احتجاجات البندري بس اقنعها بطريقه الخاصه

...ورضت تنزل مع هذا المهبول لاقرب شقه ...

****************

نواره طلعت لغرفتها وسكرت الباب شافت العود على السرير وبجنبه الناي ... مسكت العود

وكسرته وهي تبكي وتصرخ : كذااااب .... حقير ...... نذل ... كذااااااب

كسرته لحد ماطلعت القهر اللي بصدرها ودخلت الحمام غسلت وجهها من دموعها وتوضة كل

اللي كانت محتاجته مجتمع نظيف ..ناس امينين اخلاقهم اعلى كذا ... ام تمنع بنتها عن الغلط

وتنصحها مو ام هي ماعندها ذرة اخلاق ولا تعرف الادب والاحترام والا الحلال والحرام ...


لبست جلالها وصلت صلت بخشوع اول مره تصلي مثل كذا بكت وبكت دعت ربها لجائتله طلبت

منه العفو والمغفره ... دعت ربها يفرج كربتها ويخفف عنها مصيبتها .. سجدت وهي تشوف كل

حياتها غلط في غلط ... بكت تتمنى تمسح دموعها اخطائها .. دعت ربها بضعف وانكسار شكتله

همها .. وهي عارفه ومتاكده ان الشكوه لغير الله مذله ..

***************************
بزواج ذوق ...

لبست الطرحه بعد مافتحت شعرها بس نفخه بسيطه تثبت التاج ...

البندري كانت تشع فرحه وجمال وقفت عند المدخل تستقبل الناس وتهني وكانها تقول هذا انا

زوجة رائد ... اصلا ام رائد ماتركتها كل شوي معرفتها على احد ...

البندري تضم الجوري : هلا الجوري حبيبتي كيفك

الجوري: ههههههههه هلا فيك وحشتيني ..

البندري: وانتي اكثر

الجوري مستعجله تمسكها وتجلسها على اقرب طاوله : بسررررررعه قول وش هو الشي اللي

ماتقدرين تحكين فيه بالتلفون

البندري وجها صار احمر وارتبكت :...

الجوري: ههههه حركات تستحي بسرعه انطقي

البندري بهمس : دخل علي

الجوري فتحت فمها من الصدمه : ها

البندري اندمت انها قالت : يوووووه ياليتني ماقلتلك


الجوري ضحكت بصوت عالي على هبال صديقتها ورائد: هههههههههههههههههههههههههههههههههههههههههههههههههه ههههههههه

البندري تضربها : وجع ان شاء الله

الجوري: هههههههه اقسم بالله انكم لاسعين على قوله رنده ورناد

البندري: يالله يالجوري ماقدرت احكي ولا اقول شي – ناظرت السقف وقالت بصوت حالم – آآآآه بيجنن امووووووووووووت فيه

الجوري انبسطت مره لفرح صديقتها : الله يوفقك يارب وصديقني رائد رجال ويستاهلك ...

البندري : اي رجال هذا مرهق والله اذا صرت معه اصير هبله يجيني جنان واصير جرياءه ..

الجوري بحماس : كيف يعني ...

البندري: امممممم احس اني احب اناظر بعيونه

الجوري: عيونه حلوه

البندري: لاااااااا مو كذا ...

البندري : اذا كيف يعني اقولك ... جربي ناظري بعيون بدر يمكن تلاقي احساسي

الجوري: ههههه احلفي عاد

البندري ابتسمت :لامن جدي اذا ناظرت بعيون رائد اشوف فيهم الحب الشوق الوله احسه يخاف علي يحسسني بالامان وانا معه اسلمه كل نفسي لاني واثقه ان يخاف علي اكثر من نفسي

الجوري غرقة عيونها وومسكت ايد البندري: الله يوفقك ويدوم عليك هالسعاده

البندري ابتسمت لها بحنان وعيون مغرقه : وانتي بعد ياقلبي ...الا قبل لانسى قررت اتغطى ..

الجوري: تتغطي ..؟

البندري: ايوه رائد قالي البسي برقع او نقاب مايبغى احد يشوف وجهي

الجوري: وانتي وش رايك

البندري: اكيد وافقت ليه اخلي شي بسيط يسبب مشكله مع حبيبي

الجوري ابتسمت : اهم شي انتي مقتنعه

البندري : اي

نواره : ايووووووه غراميات وايادي اقول بس قوموا العروس وصلت ...

البندري: يوووووه نسيت خالتي ام رائد قالت اكلم رائد علشان عادل ...

نواره: انتم اذا شفتوا بعض تحسون بشي

الجوري: عن الحسد يالهبله ..

راحت البندري تحكي مع رائد ..

نواره تاشر على رناد ورنده : ههههه هذولا زاحفات مررررررره وناسه معهم ..

الجوري: يوووه ماشفتيهم بالبيت تقولي هاربين من مستشفى المجانين

نواره: ضبطت معهم حتى اذا سافرتي بزورهم

الجوري: ههههه والله انك مو هينه ...

رناد ورنده ياشروا لنواره والجوري تعالوا ...

راحوا لعندهم ...

لمياء : الجوري بدر يبغاك بره

الجوري: انا .. وليه مادق علي

لمياء: مادري يمكن مارديتي

الجوري تذكرت : صح جوالي بالشنطه .. هذا انا طالعه

الجوري بخطوات ثقيله طلعت له لانها بعد هذاك اليوم طوال الوقت بغرفة رناد ورنده الا اذا جئت

تنام دخلت وسكرت عليها الباب من غير لاتشوفه ...

نواره : رنودات اسمعوا ابوريكم عدوتنا اللدوده

رناد بحماس : وينها ..؟

رنده : بنت عمك

نواره : لا بنت خالة المعرس تعالوا شوفوها ...

*************************

ذوق جالسه لوحدها بالغرفه تنتظر صديقاتها تنهدت وهي تناظر الورد اللي بيدها ماهي حاسه

انها مبسوطه ولا زعلانه تحس انها عادي بدون احاسيس تخيلت لو انها تنزف هاللحين لفيصل

كان الموضوع مختلف ..اكيد كان صارت مبسوطه وطايره من الفرحه

اندق الباب بهدوء : تفضل ..

انفتح الباب ودخلت وحده قصيره شوي وبيضاء لابسه فستان ازرق مع سماوي .. ذوق استغربت اول مره تشوفها : نعم ..

البنت ابتسمت : هههه اكيد ماعرفتيني انا "جنا "

ذوق على وجهها استفهام كبير..

جنا مدت ايدها : انا جنا اخت فيصل ...

ذوق فتحت عيونها على الاخير وتذكرت سوالف فيصل عن هذي جنا كيف انها هبله و خفيفة ضل

جنا : مبروك

ذوق : الله يبارك فيك

جنا مدت علبه صغيره ذوق توها تنتبه فيها : انا جايه اوصلك سلام فيصل لك وهذا هديته لك .... ويقولك الله يوفقك ويسعدك ..

ذوق ماعرفت وش ترد تجمعت الدموع بعيونها واخذت العلبه بايد ترتجف ..

جنا: مشاء الله تبارك الله احلى من وصف فيصل ... الله يوفقك

جاءت بتطلع واخيرا حكت ذوق : هو وين هاللحين

جنا لفت وابتسمت لها بحنان : ببريطانيا يكمل الدكتوراه .. من سالفه عنك تمنيتك تكوني زوجة

اخوي بس النصيب ... والايام بتبين لك انه ماكذب عليك ..

طلعت وتركت ذوق بعيون مدمعه مسكت دموعها علشان مايخترب مكياجها (( ليه يافيصل ليه

ابغى انساك ,))

فتحت العلبه شافت خاتم صغير وفيه جوهره وحده صحيح انها ماكانت الماسه بس حجر كريم ..

وفيه ورقه صغيره بداخل العلبه . فتححتها وهي ترتجف ..

(( كنت اتمنى يكون خاتم خطوبتنا .. بس الله يوفقك مع الللي اختاره عقلك ... لاني متاكد انه مو

بقلبك ... اخر طلب اطلبه منك لاتفصخي هذا الخاتم الا لما تحسي انك نيسيتيني .. فيصل ))

نزلت دموعها وخربت اللي خربت بس نزلوا .. لبست لخاتم بسرعه هذا اللي تحبه وتبغاه ومنية

حياتها يكون بقربهها ......

البندري : ذووووق وش مسويه خربتي الميك اب

ذوق حطت الورقه بسرعه بصدرها ولبست الخاتم ..

البندري احترمت رغبتها انها ماتبغى تحكي ونادت على جو رعد يعدله لها ...

نواره ورتهم الريم اللي لابسه فستان موف وترقص على المسرح ولا بهامها شي ..وكانت

مبسوطه عللى الاخير ولاكانها معلقه لان مسفر ماطلقها لهاللحين بس رافضه تتزوجه و طالبه

الطلاق .. ومن بعد رجعته من السفر قال يبغاها بس ابوها مارضى ... هو قال كذا لان عنده ياس

من كل شي صدمته بلوجين كانت كبيره ...

رناد: مملوحه

رنده: وع قرووويه

نواره: اي مملوحه ابوريكم عدوتها صاحبتي لوجين الكاسر وقولووا من احلى

رنده: لوجين معك صورتها تكفين ورينا

رناد: طول الوقت الجوري تحكي عنها ولاقد شفناها

نواره : ثواني ابجيب والي وبجي ..

رناد ورنده : اوكيه

نواره : وشرايكم تجوا معي وتشوفوا العروسه بعد

رنده: لانستحي

رناد: انتي تستحي مشكلتك والله مافوت معي الشوفه قبل الناس

نواره : يله بلا حياء بلا بطيخ ...

*******************
الجوري طلعت لعند بدر : خير

بدر : كيفك ...؟

الجوري: مالك دخل .. وش تبغى ...؟

بدر : الساعه 2 تصيري جاهزه مو مثل ملكة البندري تروحي لبيت عمك

الجوري: كان حاكيني تلفون مو لازم اطلع

بدر كمل حكي : الساعه 3ونص طيارتنا

الجوري: كيف ..؟ اليوم

بدر: ايوه مصخناها هنا خلاص ذوق وعرست وش اللي نجلس له بعد

الجوري مقهوره : مابعد جهزت شنطي

بدر : الشغاله جهزت كل شي والشنط بالسياره ....

الجوري بضيقه : اوكيه

بدر ضل يناظرها فتره بعدها مشى ..

الجوري دخلت مبوزه ....(( السخيف يبغى يحكني بالامر الواقع يالله مابغى اسافر مابغى ..))

نوره "م عبدالرحمن " : يالله وش هالبوز ..؟

الجوري : بسافر الليله

نوره: ليه بدري

الجوري: اوامر ...

نوره :هههههه لازم ولا مايصير رجال – ضمتها – تروحي وترجعي بالسلامه

الجوري بضيقه : الله يسلمك ..

***************

راحوا البنات لعند الغرفه مستحين ونواره دخلت : هاااااي

ذوق معصبه و معها امها والبندري ..

الللكل : هاااي

نواره: ذوق هذولا صحباتي الجدد رناد ورنده يبغوا يسلموا

ذوق وهي معقده حواجبها : هلا بنات كيفكم ..

رنده ورناد : هاي كويسين ..

نواره: وشفيكم .. ذوذو ليه معصبه

ذوق: الزفت عادل مو راضي يدخل

البندري: ذوق وبعدين

نواره: ليه مو راضي

ام البندري: الولد خجول يستحي ...

نواره : ذوق وسعي صدرك يمكن جد يستحي


ذوق ماسكه دموعها بقهر : يعني انزف لوحدي والله قويه

رنده ورناد قرروا يطلعوا مكانهم غلط ...

نواره: وين ..؟

رنده : خلاص بعدين نشوف الصوره ...

نواره طلعت الجوال ممن الدرج : خذوا داخل الصور موجوده .. مكتوب عليها حبيبتي ..

رناد: اوكيه

خذوا الجوال وطلعوا لبره بسرعه ...

نواره : ذوق عادي في رجال كذا يستحوا وياما زفات جنان من غير المعرس

ذوق: الغبي حنا متفقين جد مايفهم ...

ام ذوق طلعت لانها بتقول كلام يعصب بنتها اكثر يكفي هي مقهوره من حركة ام عادل وولدها ...

البندري دق جوالها : هلا حبيبي ..

رائد: ياقلبي تجي نهرب من العرس

البندري مسكت ضحكتها ومثلة العصبيه : رودي مو وقتك ..

رائد: هههههههه اوكيه ... اسعي قولي لهم مو راضي يدخل خلوها تنزف

البندري: ن شاء الله

رائد: يابعد قلبي انا

البندري: هههههه رودي باي ...

رائد: باي ..

البنندري: يقول رائد مو راضي خلاص انزفي ...

ذوق وقفت معصبه : بعمره مارضى يله ... وين بابا يدخلني ..

البندري: بره ينتظرك ..

**************

بدت زفت العروسه ((انت مانت انسان اكثر ))

كانت ذوق متضايقه وهي تنزف بس ابوها مسك ايدها بقوه ومثل العاده موجود بقربها هذي حبيبته وداوعته كان ماسك دموعه وهو يزفها ... ورائد من وراهم كذا رزت الفيس علشان البندري

ذوق ابتسمت لابوها : الله يخليك لي

بورائد: وانا ابوك اسكتي راني ماسك دموعي

ذوق زادت ابتسامتها وغرقه دموعها ... هذا الغالي هذا العزوه هذا تاج راسها وحبيبها ..

وصلها للمسرح والبنات واقفين على الجنب مثل العاده ويصفقون ...

خلصت الزفه والناس عيونهم بتطلع على ذوق ... عروس من الف ليله وليله بفساتنها الابيض

اللي يتخلله اللون الفوشي مع التاج الالماس اللي يرق على راسها وشعرها الحرير البني

..كانت مثل الملكات الاسطوريات ...

الريم بقهر تناظرها وكانت لوحدها ماحضروا رنا والعنود ... لان علاقاتهم شبه معدومه ...

هنادي بنت خالة نواره كانت واقفه عند راس الريم وتبغى تقهرها لان رنا قالت لها كل حكي

مسفر عن الريم وعادل : مشااااااااااااء الله الله يحفضها تهبل ...

الريم ناظرتها بقهر : ايوه حلوه

هنادي : الا تخبل الله يحفضها .. والله ان عادل بينجن عليها الليله

الريم ضحكت :ههههههههه ماتوقع

هنادي : ليه في حد يناظر القمر يفتكر بالنجوم

الريم عصبت وش تقصد هذي :........



الفنانه فطومه كانت هي اللي محييه العرس وهذا هدية البندري ورائد والجوري لذوق ...

((بو رائد سرى ليله هل الدمع من عينه ..
يجرح كما الهجره ...
حبيبي وحبيته .. مروا لي ببيته........ ))

بو رائد صار يرقص ومعه رائد ..

بعدها سحب رائد البندري ورقصة معهم دون عبايه طبعا ... والبنات متين ضحك على المهبل ..

نواره : والله لارقص ...

راحت رقصت بعبايتها وسحبت الجوري معها وصاروا يرقصون بهبال ..

ام سعود: لا هذي زودتها

لمياء : والله لو درى بدر دفنها هنا

رناد: ياويلي ترقص مع غرب

رنده: قلنا فري بس مو كذا ...

ام سعود : والله ماسكت ...

رناد: لا يمه تكفين بدر معه السكر ومو ناقص

لمياء : لا لازم نقوله هذي كل يوم عن يوم تتمادى

رناد: والله حركات ...ماعندهم وقت رقصوا مع رجال ...

رنده: الله يستر اليوم بتصير حريقه بالبيت ...

رناد: مسكينه الجوري ترقص هاللحين ولاتدري وش منتظرها ..

رائد مسك ايد اخته يرقصها رفضت بس البنات جروها .. وقفت ترقص مع اخوها رقصتهم

المعتاده بجنب بعض ..بس الخوف والفستان ماساعدوا ذوق ...

بعدها دبكت العروسه ذوق ..مع رائد والبندري والجوري ونواره وكل هذا بالتصوير كل هالستهبال بالتصوير ,...

بعد الرقص طلعوا رائد وابوه وضوا الحريم .. والريم طوال الوقت تتعمد ترقص قدام ذوق ....

وذوق مو شايفتها اصلا بس الجوري والبندري ونواره هبلوا فيها يدزونها انهم مايدروا وضحك

...وصوروا البنات مع ذوق .. وهي نست شوي عصبيتها وقهرها من الرهبه .. الخوف نساها

كل شي وصارت تضحك وتستهبل ...

راحت نواره لرناد ورنده : يله ارقصوا

رناد : لا بعرسك ان شاء الله

نواره: اقول بس بلا حياء ..

رنده: والله الرقصه اللي بعدها بنرقص بس انتي تعالي نبغاك

نواره: هلا

رناد تطالع لمياء وامها : لا ماينفع هنا تعالي لطاوله الثانيه

نواره: ليه هههههه

راحوا لطاوله الثانيه ..

رنده تمد لها الجوال: وااااااااااااو هذا يخقق يخبل بذمتك من هذا

نواره ناظرت الجوال من يقصدون اختفت ابتسامتها وتغير وجهها كانت صوره لطلال بالطراد البحري ببريطانيا ..

رناد : يهووووووه وين رحتي

نواره : ها .معكم

رنده : تكفين وش اسمه هالقمر

نواره : هذا مات ..

رناد ورنده : مات ...

رناد: والله ماندري سوري

رنده: الله يرحمه ...

نواره : ماعليكم هاللحين شفتوا لوجين

رنده غيرت الصوره على لوجين وهي لابسه شورت وبلوزه : لاتقولي هذي

نواره ابتسمت مغرقه عيونها شتاقه موووت للوجين / ايوه بعد قلبي والله هذي

رناد: مشاء لله فكرتها ممثله جنبيه ..

نواره: لا بالطبيعه احلى

رنده ورناد يناظرو لوجين بانبهار قليلق فيها ملكة جمال حسوا بالنقص مع انهم حلوات واحلى بنات المدرسه بس لوجين تغطي عليهم ..

بعد كذا نزفت ذوق لعريسها اللي ينتظرها بره والناس راحوا للعشاء ..

رائد كان يوصلهم وجالس بالسياره

عادل ساعد ذوق تدخل لان فستانها ثقيل ... والبنات ودعوها من عند السياره ..

بعد فترة سكوت بالسياره .. كان عادل ماسك ايدها

رائد: عيب اترك ايد اختي مابعد وصلتوا للفندق

عادل: ههههه اقول استريح ..

رائد: ذوق قوليله يترك ايدك

ذوق ساكته وتدعي على رائد بداخلها مايكفي انها بتموت من الحياء والخوف ...

رائد: آآيه هذا بس مسك ايدك مارضيتي تهاوشينه كيف لو شي ثاني

ذوق عصبت : راااائد

رائد وعادل : هههههههههههه ..

وصلهم رائد للفندق هما مشوا قدام وهو ورائهم بالشنط ..

كان باللوبي تبع الفندق شباب جالسين ..

شاب 1 : اوووووه المعرس على البركه

شاب 2 : شد حيلك

الشباب : هههههههه

عادل طنشهم ومشى وذوق ماتت من الحياء زياده

رائد: عقبالكم ههههههههه

الشباب : امين ....

وصلهم رائد للغرفه وهنا جد رائد حس انه بيفقد صديقته وحبيبته ذوق اول مره ماوده يتركها ... جلس على السرير يقفز : لا ممتاز سريرهم

عادل : مشاء الله شكللك ناوي تعاين جودة اثاث الغرفه

رائد: هههههه تقريبا

لمعت عيونه ومشى لعند ذوق اللي واقفه من الحياء : مبروك ياختي

ذوق نزلت دموعها الللي مسكتها طوال الوقت رائد مايقول ياختي الا عند الشديد : الله يبارك فيك

رائد: الله الله تيجان وحركات كانك اميره يابعد قلبي ..

ذوق ضمت اخوها يالله حنون ماقد شافت ااحد بحنانه حنون وطيب وينحط على الجرح يبرى ...

رائد نزلت دمعه من عيونه مسحها بسرعه ورجع لهباله : خلاص عادي لزقتي فيني خلي شوي لعادل

ذوق ضربته على خفيف : رائد ...

رائد لف على عادل اللي واضح عليه طفشان من وداعهم : ها النسيب ماوصاك تراها غاليه واغلى من عيوني ..

عادل : لاتخاف بعيوني ...

وقف شوي رائد بعد جر رجوله جر وطلع ماوده يترك اخته ...طلع وسكر الباب بهدوء ...

فضت الصاله تقريبا طعوا اغلب المعازيم ومابقى الاخوات عادل وامه وصاحبات ذوق واهلهم ..

الجوري ناظرت الساعه 2ونص : ياويلي بيبذحني

نوره : وشفيك ..؟

الجوري: نسيت بدر ايد هالللحين يدق ... البندري
البندري : هلا

الجوري بضيق : بسافر ...

البندري: بتسافري ..؟

الجوري بضيقه : ايوه طيارتي بعد ساعه .. – ضمت البندري – اشوفك على خير ..

البندري : ان شاء الله انتبهي على نفسك وعلى بدر ..

الجوري: ههه بلا ستهبال ..

بعدت عنها وسلمت على نواره ..

نواره ضمتها من قلب : بتوحشيني يالدبه

الجوري حست ان نواره فيها شي .. من اول ماجئت وهي مو طبيعيه : وانتي اكثر .. اسمعي بس اوصل بحاكيك مانتي عاجبتني وراك شي ...

نواره غرقة عيونها : لا مافيني شي تتوهمين

الجوري : والحزن اللي بعيونك

نواره : بس مشتاقه للوجين تكفين اذا رحتي سلمي لي عليها وقوليلها ترد علي

الجوري : ابشر ي...

طلعت الجوري وومثل ماتوقعت بدر بره يدق تلفون ومعصب حده ..

بدر بصراخ : اخيرا تكرمتي وطلعتي ..

الجوري مشت لعند السياره ببرود وركبت ماتبغى فضايح زياده يكفي الناس اللي لفوا .. غطت

وجهها اول مادخلت من الفشيله ...

دخل وسكر الباب بقوه : مو انا قايلك

قاطعته الجوري: لا تصرخ ماني بعده عندك ...

بدر : انتي كيف تفهمي اقولك اطلعي 2 تطلعي هاللحين المساله مسالة عناد هي

الجوري تخاف منه اذا صرخ غرقة عيونها :لاتصرخ

بدر مسك يدها بقوه : انتي على بالك الدنيا لعبه كيف ترقصي مع رجال غريب

لفت مستغربه : اي رجال ..

بدر : مادري اسالي حالك م من راقصه الليله ..

الجوري: اها الدعوه كذا ام سعود والا خت لمياء ماقصروا بنقل الموجز بس نسيوا يقولوا لك اني انا حرة نفسي وم

قاطعها بعصبيه وهو يضغط على ايدها اكثر : لا مانتي بحره واللي هو انا مين طرطور عندك

الجوري شوي وتبكي : اترك ايدي تراك تالمني

ضغط عليها اكثر لحد ماحس ان اظافره دخلت بلحمها : اذا شفتك او سمعت انك راقصه مع رجال غريبم ماتلومي الا نفسك

ترك ايدها ... امسكت ايدها بالم ومقهوره : لا ابرقص ومحد له شغل فيني ليكون نسيت نفسك وعلى بال

بدر صرخ من اعلى راسه : اسكتي يالجوري احسن لك ...

الجوري تخاف من صراخه لفت للجهه الثانيه تناظر السيارات والطريق اللي دلته كثر ماتروح

للمطار ...نزلت دموع القهر على خدها ...

بدر حس فيها تبكي حس بانفاسها سريعه .. ضرب ايده بالدركسون بقوه ماكان يستاهل كل

هالصراخ كان ممكن تنحل بهدوء وبساطه (( الله يلعنك يابليس ويلعنك يام سعود )) قال بهدوء

وهو يحط ايده على كتفها : الجوري

الجوري ابعدت ايده عن كتفها ............

كمل سواقه وهو مقهوور من غبائه من جاء لسعوديه وهو عصبي وقاسي معها .. اكيد كرهته

اكثر هاللحين ...

وصلوا للمطار وركبوا الطياره بهدوء من غير لايحكي احد مع الثاني ......

******************

دخل رائد القاعه بعد ماوصل ذوق ...

ام ذوق : ها وصلتها

رائد بمرح: ايوه ...

نواره : الله يوفقها

رائدراح لعند الفرقه : لوسمحتوا ابغى موسيقى رومنسيه رقص سلوا ..

فطومه : من عيوني ...

رائد مشى لعند البندري : بنو تعالي

البندري وجهها صار احمر : لاااااااااا

ام رائد: روحي

ام البندري: ههههههههه لاتستحين

نواره تدفها : يله ..

البندري مشت بفستانها المشمشي لعنده ومسك ايدها برقه قربها لعند صدره ورقص معها "سلو

" ...سندت راسها على صدره وغمضت عيونها زز كانت تحس بدقاق قلبه وهي على صدره

كانت تدق بسرعه يعني مو بس هي المتاثره من قربه منها حتى هو ..

همس لها باذنها وهو منزل راسه لعندها : الله لايحرمني منك

البندري ابتسمت تحس معه بالامان هذا اكثر من اللي تمنت الله عوضها ..

نواره جالسه على الكراسي تناظرهم وهي تحس بالحد المذموم .. (( البندري حبوبه وطيبوبه

وتستاهل رائد اللي يموت عليها ومايستحي يبين للكل ... الجوري مع زوجها بدر رجعت تكمل

شهر عسلها وتكمل مشوارهم مع بعض ..وذوق هاللحين مع زوجها مبسوطه باول ايام حياتها

... لجين ماتدري عنها بس مسفر معها ومبسوطه معه بالمانيا وناسيه الدنيا ...وهي هي لوحدها

هنا ..آه يانيا قاسيه – طلعت جوالها وناظرت صورة طلال مالها قلب تمسحها – ليه حبيته يارب

ي ليه هو نذل ..))

قاطع افكارها تصفيق ام رائد وام البندري وام عبدالرحمن لثنائي الرائع ..

رائد: هههه انتم هنا

ام رائد: لا يالشيخ من بيرجعنا للبيت ..

نواره : الله الله بنو حركات اجانب

البندري: هههههههههههههه

ام البندري غرقة عيونها واضح على بنتها الراحه ووانها مبسوطه مع رائد ...

************
بالفندق

جلست ذوق على السرير وهي منزله راسها من الحياء وكانها تشوف عادل او مره

عادل باستهزاء : اول مره تشوفيني ليه مستحيه


ذوق رفعت راسها وهي خجلانه منه كاشخ مررره

عادل طنش دخل تروش

ذوق (( وش فيه هذا يتروش جد ماعنده سالفه يمكن خجلان... يالله احس اني استعجلت من جد

... – ناظرت الخاتم اللي من فيصل – ياليتك فيصل مو عادل آه يافيصل يارب اقدر انساك .. اتغف

ر الله انا وش جالسه اقول حرام هاللحين اخون عادل استغفر الله – فصخت الخاتم بس قلبها

ماطاوعها ورجعت لبسته – يالله ماقدر يارب اشفيني من حب فيصل واحب عادل

طلع عادل من الحمام : لحد هاللحين جالسه

ذوق ناظرته مرتبكه ..

عادل وقف يتاملها حلوه ملكة جمال : افصخي التاج ابغى اشوف شعرك كذا من غير شانيون ..

اساعدك

رفع التاج من على راسها : على بالك اميرة زمانك لابسه تاج ههههههه

ذوق ناظرته يمزح هذا والا من جده .. جد شي يقهر : كذا يلبسوه علشان البرستيج

عادل ناظرها بنفس الاستهزاء : اها قلتيلي برستيج يابنت الباقي

فصخها التاج وحطه بحضنها بهدوء ..طلع مقص من الدرج وبلمح البصر قبل لاتفكر وش بايده

وليه ... كان شعرها على الارض متناثر

قص شعرها لحد رقبتها وقفت من الصدمه تناظر شعرها اللي بالارض : انت مجنون وش سويت

رمى بقايا الشعر اللي بيده على وجهها : انتي بنت ماتستاهلي حد يطالع بوجهك حتى ..

ماكتفى بالقص ضربها كف قوي على وجهها ...مسكت خدها وتجمد كل شي فيها..والكلمه

الوحيده اللي تعبر عن حالتها ... مصدومه ..

عادل: ههههههههه هذي مفاجاتي لك يابنت عبدالعزيز الباقي ... يابنت اكبر نصاب وحقير على

الارض ... انتي طالق ياذوق انتي طالق

لا صدمات كثيره ورى بعض كيف يتحملهم قلب ذوق الصغير : انت وش جالس تقول عادل انت

صاحي

عادل ناظرها بقسوه وقال : واكثر من الصاحي بعد .. اخيرا ياعبدالعزيز ذليتك وحرقت قلبك

ذوق تناظره مبلمه تحس انها بكابوس نزلت دموعها حاره على خدها ليه كل هذا وش فيه ...

عادل : اكيد تسالين ليه انا بقولك والا اقول اسالي ابوك وهو يقول ... لااااااا لا لا اكيد ابوك

نسى لان الظالم يمسى المظلوم لكن المظلوم بعمره ماينسى ظالمه ... ابوك اللي انتي مرره

مبسوطه فيه وميته عليه واسمه ابيض من الورق ... دمر ابوي وشله ابوي مشلول بسببه ..

ابوك يا تافهه نصب على ابوي وخسره كل اللي فوقه وتحته لحد مانجلط ونشل ابوك اكبر نصاب

شفته بحياتي ..

ذوق : انت النصاب والنذل .. كيف قدرت تمثل الفتره اللي فاتت وليه خطبتني و

عادل قاطعها ببرود : باختصااااااااار شديد انتقم ومحد بيحرق قلب ابوك الا فيك يا غبيه .. والا

انا اخطب وحده عطرها يسبقها اذا مشت بمكان عام وماتستحي مليون واحد شاف وجهها ... انا

اذا جيت بتزوج بتزوج بنت تصون نفسه موانتي .. انا كيف اامن عيالي على وحده بحقارتك ... ل

ا وجدهم الباقي الحقير

ذوق انهارت على الارض تبكي بجنب شعرها المرمي على الارض كلام فيصل صحيح وعادل

مايكذب معقول ابوها كذا ليه ليه يجرحون قلبها هي علشان اابوها .. ليه يقتل حلمها الوردي

ويطلقها ..ليه كل هذا ...

طلع عادل من الغرفه وكلم حبيبته الريم يبشرها ..

لا شعور منها اخذات جوالها ودقت على رائد

رائد جالس على سريره يفكر بحبيبته البندري ويتمنى انه يسعدها ...دق جواله ذوق يتصل بك (( غريبه داقه )) :الو

ذوق وصوتها كله بكي : رااائد الحقني ..

رائد: ذوق هههه الله يهداك وش فيك

ذوق تبكي من قلب وتشهق : رائد بيقتلني رائد انا اموت الحقني

رائد خاف من جد: ذوق وشفيك

ذوق : رااااااائد تفكى تعال

ورجع للفندق وفتح الباب بسرعه من غير استاذن شاف شعر اخته على الارض وهي فوقه تبكي بقوه

رائد نزل لعندها بسرعه : ذوق وش فيك وش صار

ذوق ضمت اخوها بقوه والكحل سال من عيونها : ط..ل ...ق..ن..ي

رائد: كيف.............؟ طلقك ..؟

ذوق: مايبغاني تزوجني ينتقم من بابا .. انا اكره بابا اكرهه ..

رائد : لا وش هالحكي قومي معي قومي هو وينه النذل

ذوق: مادري طلع

رائد حط اخته على السرير وحاول يسكتها بس هي تبكي منهاره وهو غرقة عيونه على حال

اخته وتوعد عادل بداخله .. جلس لعندها لحد مانامت ...ودمعتها بعيونها .. جلس على الكرسي

ودق على عادل مرد انتظر الصباح يطلع علشان مايخوف اهله ...

*******************
نلف لشباب شوي ...

مسفر ..

اكيد كلكم تسالون وينه اختفى مافي اي خبار وعلوم عنه ...

مسفر باطهر بقعه على الارض يناجي ربه بداخل الحرم المكي الشريف .. كان محتاج ينفرد مع

نفسه كم يوم او بالاصح كم اسبوع جلس بالحرم يدعو ربه ويستخيره انه مايكون ظلم لوجين

مثل ماظل الريم ... ويدعو لريم برجال يحبها ويسعدها احسن منه ويدعو من قلب الاخو المقهور

بظلم اخته .. يدعو للعنود ترجع لعبدالله ..ولرنا الله يسعدها ولابوه يسامحه ويرضى عليه ...


طلال ..

جالس على السرير من كم يوم وهو محموم .. صابته حمى قويه جسمه حر ودرجت حرارته

بالاربعين .. كان يهذي باسم حبيبه النوري .. وابوه واخوانه خايفين عليه .. ورافض يروح

للمستشفى

الفصل الثامن والثلاثون...

بعد شهرين

المانيا

لوجين واقفه قبال النافذه اليوم اخر يوم لها بالمستشفى بالمانيا ... جهزت اغراضها ترجع

لابريطانيا ...

اندق الباب .. لفت بابتسامه تشع صحه : تفضل

ناصر : ها ياطويلة العمر جاهزه

لوجين بابتسامه عريضه : ولو اكيد جاهزه ..

مشت من درجات المستشفى وهي ناويه تنسى الماضى وراها .. تنسى مسفر مثل مانسيت احمد

...ا للي مايبغاها ماتبغاه .. اعلنت ولاده جديده لنفسها وان مافي شي بينفعها مثل شغلها

...واموالها لازم تدير اموالها ... تعلمت من الدنيا درس بس مع الاسف تعلمته متاخروبعد

خساير كبيره .. تعلمت ترفع راسها وماتوطيه لاحد تعلمت ان الغرور هو الحل الوحيد توقف كل

واحد عند حده ...

"ياترى يالوجين راح تقدرين "

هذا السوال اللي سالته نفسها وهي جالسه بمقاعد الطياره ..

****************************
بريطانيا – لندن

الجوري مثل ماهي مع بدر لا وزاد نفورهم من بعض اكثر بعد مارجعوا من الرياض ...

وهي جالسه بغرفتها ملجائها الوحيد من هذي الشقه الخنقه ... تقلب بالمجله بطفش ...

شمت ريحة طبخ حلوه وهي جوعانه .. : يالله وش حلاة هالريحه ...اممم جوعااااااااانه

فتحت الباب بشويش شافت بدر واقف عند الفرن يطبخ ويقطع خضروات وهو طربان ويغني ...

بدر : مهما امثل فرحتي

وامشي واعيش بدنيتي......

تبقى ملامح بسمتي

فيها علامات الالم ...

بسمة الم

بانت على وجهي نعم......؟؟

الجوري جوعانه مره مشت لعنده انها بتشرب مويه ..

بدر انتبه فيها لكن .. ولا كانها موجوده كمل غنى وطبخ ..

الجوري فتحت الثلاجه وصبت لها عصير ...

بدر على وجهه ابتسامه (( تبغاني اقولها تبغين والا لا .. طيب يالجوري اذا مادبتك )): همممم

همممم هممممم

الجوري سندت ظهرها لثلاجه : آف حشرتنا بالريحه ..

بدر : كلها ثواني والا كل يجهز واكل وبعدها تختفي الريحه ..

الجوري : الله والاكل اللي يسمعك يقول ستيك ..

بدر لف عندها وزادت ابتسامته : عاد والله انا حر اكل اللي احب واكلي بنظري احلى من الستيك

الجوري دق قلبها بسرعه ياحلو شكله كذا وجهه احمر من الطبخ ... : اشتريت من المطعم بدل

البهدال

بدر : فلست .. ابوي بيتاخر بالفلوس كم يوم يعني صبري نفسك بالاكل اللي بالبيت

الجوري : ماعرف اطبخ

بدر بخاطره ((ولا راح اقولك تعالي كلي )) : عاد واللهي مشكلتك دبري حالك

الجوري : ماني محتاجه لفلوسك عندي اللي يكفيني ..

بدر حط السباكتي بالصحن : براحتك ...

ومشى عندها وهي تناظر المكرونه وعليها الصلصه ريحتها خيال : شوي باخذ البيبسي

ابعدت ببرود .. اخذ الببسي وجلس على الكنبه ياظر التلفزيون وياكل ومطنشها ...

الجوري مشت لعند القدر فاضي مافيه ولا حبه (( كله بصحنه هالدب يالله وش هذا نذل ..))

بدر ابتسم بس خفى ابتسامته : تدورين شي

الجوري: لا جالسه افكر اني شبعانه ..

بدر : لا خساره كنت بقولك كلي معي ..

الجوري مشت وجلست على يساره : اثق من نفسك بزياده ومن قال اني باكل من هالخرابيط

اللي انت مسويها ...

بدر يرفع السباكتي الحاره بشوكته ويحطها بفمه : ياسلام همممم لذيذ

الجوري وقفت معصبه : لوعت كبدي

بدر ماقدر يمسك نفسه اكثر انفجر بالضحك : ههههههههههههههههههههههه

الجوري طلعت عيونها من العصبيه والقهر وحطت ايدها على خصرها : ليه الضحك ...؟

بدر : ههههههه

الجوري ضربت الارض برجلها اللي ماتعورها : ليه الضحك ..؟مافي شي يضحك ؟..

بدر : كيفي مشتهي اضحك ..

الجوري طلع صوت بطنها جوعانه ...

بدر زاد ضحك لحد مغرقت عيونه : ههههههههه

دخلت غرفتها معصبه وسكرت الباب بقوه

بدر : هههههههه

الجوري تسب وتلعن فيه معصبه مررررررره ..

بدر دق الباب بهدوء

الجوري : خير ....؟

بدر : تجهزي بعد شوي بنطلع للحديقه .. بروح للمستشفى وبرجع اشوفك جاهزه ...

الجوري: مو على كيفك يابو السبكتي

بدر: هههههه – يمثل العصبيه – يله كلي شي وتجهزي
****************************************

ذوق جالسه مع امها بداخل غرفتها ..

ام رائد : ياماما ياحبيبتي مايصير كذا ماتبغي تشوفي ابوك ....

ذوق : انا قلتلك كم مره اذا تحبيني لاتجيبي طاريه على لسانك

ام رائد : لا ياذوق هذا بابا ومايصير تعامليه كذا نسيتي وش كثر يحبك ويدللك

ذوق تقاطعها بعصبيه : هو سبب كل شي هو السبب ...

ام رائد: وش سببه فهميني ماعليك من كلام عادل وامه المريضه نفسين .. هذي مناقصه

ورسيت على ابوك يعني هو ماله دعوه

ذوق ناظرت خاتم فيصل : المشكله موبس عادل وابوه في كثير مثله

ام رائد : مثلا .. من هالناس يابنتي ايصير ابوك تعبان وبسببك

ذوق نزلت دموعها : هو سبب طلاقي هو اللي جرحني مرتين هو السبب

ام رائد طلعت من الغرفه وهي متضايقه على حالة بنتها اللي من بعد ماتطلقت وهي عصبيه

ومحد يقدر يحاكيها : حسبي الله على اللي كان السبب

بورائد نحفان وتعبان يموت على بنته اللي بس تشوفه تصد وماتعطيه وجه وماتبغى تسمع صوت

ه : : : ها وش قالت

ام رائد : مافي فائده فيها ..

بو رائد جلس على الكنبه بقلة حيله : لاحول ولاقوة الا بالله ..

ذوق لما طلعت امها وقفت عند الباب تسمع صوت ابوها اللي وحشها .. ابوها اللي اقرب منها

من روحها .. حبيبها الاول والاخير .. احن ايد تمسكها وارق شفايف تبوسها .. بس سمعت

صوته بكت اكثر بكت بحرقه : ماقدر والله ماقدر .. انت السبب ...

ضلت تبكي لحد مانامت ..

************************************************** ********

بعد صلاة المغرب

ام البندري ونوره "ام عبدالرحمن " ومريم وصفاء ونواره و البندري و عبدالرحمن وعبدالملك

ومشاري .. بالجمس في عز الحر ... متوجهين لبيت ام رائد ..

ام البندري : لا ام رائد تقول لحد هاللحين مو راضيه تشوفه ..

مريم: الله يهداها ان شاء الله ويعوض عليها ...

صفاء : سمعت انه عادل هذا ملك

نواره بحقد : ايوه على بنت خالته الريم ...

مريم : الدنيا دين وين بيروح من عقاب ربه ...

نواره : المهم ترى رنده ورناد وام سعود بيجوا

ام عبدالرحمن : حياهم الله ومزون ولمياء

البندري : تقول مزون ان ابراهيم اليوم "اوف "ماتقدر تجي اما لمياء ورى امها...

ام عبدالرحمن : مع ان ام سعود منافقه بس تنبلع اكثر من ام بدر ...

ام البندري: ليه شفتي ام بدر ..؟

اام عبدالرحمن : لااااااا ولا ابغى

اكبر السايق : مامات في يوصل

نواره : اسمع لاتطس من هنا ادخل مع "ثريد " وخمس دقيقه يروح بيت بابا بدر يجيب رناد ورنده ...

اكبر: ان شاء الله نواره .. يروه خمس دقيقه يجيب ميرندا رندي ..

اللكل: هههههههههههه

نواره: رناد ورنده ...ههههههه

انزلوا الموكب لداخل البيت

ام رائد: هلا هلا والله تو مانور المكان يالظالمين اسبوعين وماتنشافون ...

ام البندري : والله مع مرة ولدك بالسوق زواجها عقب شهر ...

نواره ::وهي شاريه لستين سنه قدام

البندري: والله ياقلبي رودي يستاهل

ام رائد: حلالها مره ولدي
ضمت البندري ...

البندري تحب ام رائد كثير وتحترمها : تسلمين يمه ..

ام البندري غرقت عيونها .. بنتها تقول لغيرها يمه من قلب وهي كانها مغصوبه تقولها ....

نواره: وين الحلوه فوق صح

ام رائد بضيقه : نايمه ...

راحوا البنات لعندها فوق والحريم جلسوا يهذرون

*********************

بريطانيا – لندن

لوجين خذت نفس عميق وهي تناظر الفيلا من بره ..اول مره دخلتها كانت بحاله حزن وتبعها

حزن وحزن الا كم يوم حلوين جاء فيهم مسفر ...

فتحت لها مايا الباب : اهلا وسهلا ست لوجين اهلين ...

لوجين : هلا فيك ...

منصور كان موجود بالفله وهو عارف انها بتوصل اليوم تخيل ان الشقراء والسمراء البرازيليه

هي بنت عمه ... قرر يشوفها بعد مايرتاح شوي بعد الغداء ....

لوجين مشت بالقصر تدور واخيرا رجعت طبيعيه وقفت بالصاله الوسطيه اللي عند المدخل تدور

وتدور : هههه

طلع منصور من غرفته وهو يسمع اصوات ضحك طفوليه تحت استغرب .. شاف بنت تدور ..

وقفت للحضات مصدوم ملاك هذي ولا بنت حقيقيه ... لوجين تمك جمال خرافي يجمع بين

الانوثه الصارخه المثيره وبين الطفوله البرياءه .... جميله بكل ماتحمله الكلمه من معنى طويله

وبيضاء ورديه عيونها وساع تجذب انفها صغير حاد شفايفها ممتليه شوي ومتمرده ..اسنانها

مثل ماقالوا حب الرمان .... كان انفها احمر من البرد وشفايفها ورديه ..


نزل منصور من الدرج يبغى يعرف من هذي الملاك ..

ناصر لف لعنده : مرحبا استاذ منصور ..

لوجين وقفت دوران ..ولفت على وين مايناظر ناصر والخدم ... فتحت فمها من المزيون مره

اللي واقف قبالها طويل عيونه فيهم لمعه غريبه شنباته خفيفه وسوداء مره بالنسبه لبياضه ..

فيه شبه كبير من وسامة ابوها اكيد هذا من عيال عمامها

منصور : من هذي ..؟

لوجين ستوعبت شوي وسكرت فمها وقالت بعائيه : انت اللي مين ...؟

ناصر : انسه لوجين هذا منصور ولد عمك خالد

منصور ناظرها : اها انتي لوجين ...؟

لوجين تقلد اسلوبه : ايوه انا لوجين ..... نعم خير ..

منصور : الحمدلله على السلامه

ناظرت ناصر ..

ناصر : عنده علم بكل شي طال عمرك ..

لوجين : الله يسلمك ... تفضل ..

ومشته لعند غرفة الضيوف .. مشى وراها وهو مصدوم ان هذي القمر هي لوجين كيف هذا

الغبي مسفر يعوفها ..

ولوجين ماشيه خايه من جئيت ولد عمها اكيد وراه مصيبه ابوها قال لها تنتبه منهم ..

منصور : توقعتك اكبر من كذا

لوجين جست وحطت رجل على رجل : انا عمري 23 سنه ماتوقع ان اللي بعمري صغار مثل

ماتقول

منصور جلس بغرور وتحرك فمه العنيد لليسار : 23 سنه امم يعني ماتقدري تديري ولا دولار من

لوجين قاطته : اسمع ياخ ابن عمي انا الوريثه لوحيده لكل هذا بيع وشراء يعني انت وعمامك

ووالده مالكم دولار واحد ولا لكم وصايا علي انا بالسن القانونين فوق العشرين اق

منصور : حيلك حيلك وش هالحماس .... ومادامك دجلتينا بالقانون – وقف ومشى لعندها - احب

اقولك ان السن فوق العشرين الا اذا ماكان يدمن او – مسك ايدها – فكر ينتحر

لوجين سحبت ايدها ببرود: اعلى مابخيلك اركبه ..انت وعمامك

منصور وقف يناظرها : لا وتعرفي تردي

لوجين وقفت وصارت قصيره قدام طوله هي المشهوره بالطول ...وقفت وانفها مرفوع لفوق

وهي تنظف ايدها مكان لمسته : لا تحاول ماتقدر علي ..

منصور يناظر بانفها المرفوع وكانها دميه حلوه بكل شي يكفي ريحة عطرها ونعموت ايدها :

كيف ...؟

لوجين مشت لمكان بعيد عنه : ببساطه حنا ببريطانيا مو بالسعوديه يعني لو كنت ان شاء الله

اتاجر بالمخدرات او اسرق بنكي محد له كلمه علي .. فهمت ..

منصور ابتسم ذكيه : ليه نويه تكملي حياتك هنا لانك ماتقدري تكوني بالمكان اللي فيه عشيقك

مسفر

ولاول مره تستفز وتعصب من اول ماشافته : انت كيف عرفت مسفر ..

منصور : ولو هذا عشيق بنت عمي ... وزوج الريم ههههه

لوجين انفهرت منه بجد: تفضل اطلع بره ..

منصور حس انه جرحها بقوه لان عيونها صار فيهم لمعه غريبه ... بس هذي اول مرهه احد

يقوله اطلع بره ... قرر يعلمها درس كيف تعامل الناس جلس على اقرب كنبه وحط رجل على

رجل وشغل سيجاره ولوجين تناظره مقهوره : اطلع لبره

منصور : انا اللي اقرر متى اطلع مو انتي ..

لوجين رمت الفازه الكبيره على الارض : اوكيه اجلس وانا بتصرف ...

منصور جلس يناظرها وهي تطلع ومعصبه : مشكله البنات الحلوات والمدلللات ..

لوجين: ناصر ناااااااااااااصر

ناصر : هلا طال عمرك ..

لوجين : طلع هذا الزفت من هنا

ناصر : ها لا ماقدر

لوجين: كيف ...؟

تاصر: هذا متصور خالد الكاسر ,,..

لوجين : يالغبي هو خالد الكاسر وانا راااااااااشد الكاسر

طلع منصور من الغرفه وهو مسند نفسه على حافة الباب ويدخن : ليه معصبه

لوجين انقهرت وطلع بسرعه لفوق وهي تهدد وتوعد : انا اللي بربيك يامغرور ..

منصور ابتسم ياحلوها حتي وهي متنرفزه : اسمع ناصر قولهم يجهزوا شي تاكله اكيد جوعانه ..

ناصر : حاضر ,,

لوجين دخلت لغرفتها ومر كل شي ببالها بسرعه حركت راسها يمين ويسار كانها تنفض الافكار

منه : خلاص نسيتك يامسفر – ناظرت يدينها – وقطعت اخر عروق فيها حبك .........

شافت صورة البنات بالهديه نزلت دموعها: وحشتوني ......

فتحت جوالها ورسااااااااايل كثير واصلتها كلها من البنات وفيها اخر الاخبار واكثر الرسايل من

نواره.......ز وفي رسايل مارضيت تطلع الا بعد ماتفضي الجهاز لانه زحمه دقت عليهم بسرعه ...........

************************************************

بريطانيا – لندن


بدر والجوري بالحديقه

كانت الجوري تناظر بزر يلعب من بعيد ويطيح تبتسم على حركاته ... وتضحك مع ضحكه ...

بدر ناظرها بضيقه حرمها من الطفل ..

التفت عليه كانها حاسه انه يفكر فيها ...

نست نفسها وزعلها على الغداء ابتسمت بحزن اكبر منه و بضقه : خلنا يمشي من هنا

بدر : ليه الجو حلو

الجوري بعيون مدمعه : احس اني مخنوقه

بدر قدر مشاعرها بس حب يخليها تفضفض : لا الجو حلو هنا بزارين و بحيره

الجوري سكتت وناظرت الارض بذل ..كره شكلها كذا قالها بحنان : الجوري

الجوري بلعت ريقها وناظرت بعيد عنه : نعم ..

بدر : وعسى ان تكرهوا شياء وهو خير لكم

الجوري مالفت عليه : شقصدك

بدر قام وجلس بجنبها : شفتيا هذولا البزارين نمكن

مريضين نمكن مايبروا بامهم

الجوري لفت عليه وعيونها مغرقه : تكفى خلنا يمشي من هنا حاسه نفسي مخنوقه

بدر وقف وساعدها توقف معه : اوكيه نمشي

الجوري ماشيه وعينها على البزارين تبتسم لهم بحزن حط بدر ايده على كتفها وقربها منه :

لاتخافي الله بيعوضك

لفت عليه وهي تكابر : اصلا ما تمنى اجيب عيال وبالذات منك

بدر ضمها اكثر لصدره : انتي لوحدك تكفيني عن عيال العالم كلهم

الجوري انتبهت انه بعد بينحرم من العيال مثلها بس اكيد انه مراح يهتم بيتزوج غيرها وبيجيب

عيال ... هو وحد اناني ومايفكر الا بنفسه ... لا وامه وام سعود مراح يقصروا

بدر مشى بجنبها ساكت ومتضايق هو السبب بكل هذا بس لو ما هذا كلها كان ماتعرف عليها ولا حبها او صارت بقربه ..

الجوري تناظر البزر اللي قبل وطاح فجاه شهقت : بسم الله عليك ..... ... .....

ناظرها بدر بحنان وابتسم ... بعدت عنه ومشت لقدام ....

بدر بجنبها: وين حابه تتغدي

الجوري: مو جيعانه ..

بدر : مافطرتي وهاللحين ولا تتغديتي

الجوري : لا جد مالي خلق

بدر: مايصير كذا بتومتي اذا ضليتي على هاللحال

الجوري انا اكلي كذا من صغري

بدر : كنتي بالسعوديه من صغرك والا هنا

الجوري متضايقه من نفسها : ماتوقع ان هذا يهمك بشي ..

بدر: ليه كذا توك حببه

الجوري قربت من بدر وهي دايخه : راسي يعورني

بدر : اكيد من الجوع وقلة النوم ...

الجوري: لا يمكن بس من – رجعت لها الدوخه – يمكن فيني النوم

بدر اخذها لمطعم

وجلست تاكل وهي حاط ايده على خده يناظرها ووده يشيل كل هالحزن عنها ... : حاكيتي البندري

ناظرته مستغربه ليه يسالها عن البندري : لا

بد ر : علشان كذا متضايقه احكي معها وبتخفي

الجوري طنشته وكملت اكل وهي تتذكر شكل الطفل كيف حلو وبرياء

بدر: انت عارفه ان رناد ورنده مع صحباتك هاللحين

الجوري ببرود : ايوه امس حاكيتهم وقالوا بيروحوا لهم اليوم ..

بدر : كيف رجلك هالايام

الجوري بدون نفس : كويسه بس لحد هاللحين استخدم العكاز ماقدر اجهدها كثير .. الحمدلله

ابغى ارجع لشقه ...

بدر :شبعتي

الجوري: ايوه خف راسي

بدر : اوكيه يله ...

************************************************** *******************



السعوديه – الرياض

نواره والبندري قفزوا فوق سرير ذوف بقوه : ذوووووووووووق

ذوق حطت المخده على راسها ......... : اطلعوا لبره

نواره والبندري كنوع من الازعاج صاروا يقفزون على السرير بقوه

ذوق : وبعدين

نواره والبندري يزيدوا تقفيز : لحد ماتقومي

ذوق رفعت المخده معصبه : نوير بنيو وج

وقبل لاتكمل حكي ..طراااااااااااااااااااااااااخ

انكسر السرير وطاحوا ثلاثتهم .. اول شي خافوا بعد كذا انفجروا ضحك :

ههههههههههههههههههههههههههههههههههههههههههه

دق جوال نواره وهي ميته ضحك ......

طلال يتصل مثل العاده ناظرت الشاششه اخر الرقم 33 يعني طلال سكرت بوجهه

ذوق: هههه على بالكم بنات بنوت ...

البندري: هههه انكسر

نواره: مههههههه يالدبه من الثقل اللي انتي فيه حتى ماقدر يتحمل شوي

ذوق : لااااا هههههه

رجع دق جوال نواره .. وهي عصبتت: لاحول ...

بس لماشافت الرقم شهقت : لوجين

البنات: لوجيييييييييين ..؟؟؟؟؟

نواره ردت وعيونها مغرقه : الو

لوجين بصوت مبحوح: هلااااااااا والله هلااااا بكلي

نواره بكت : لجونه حياتي ...

البندري سحبت الجوال : حراك عليك ثلاث شهور مانسمع صوتك ولانشوفك ... ملكتي ماحضرتيها

لوجين : ملكتي مبررررررررروك

نواره سحبته وحطت سبيكر

ذوق: هلا – بكت –

لوجين: هلااااا بالعروس ترى حاسبتهم لك شهرين عسل

ذوق زادت بكي : .......

نواره : انتي وينك وكيفك ...

لوجين : انا ببريطانيا وقريب انا عندكم بس في مشاكل يالورث

نواره : لا حنا اللي بنجيك علشان زواج البندري الشهر الجاي وتجي

لوجين: كيفكم الا وين الجور

البندري: بعد قلبي عندك ..

البنات اشكالهم مره تضحك هم يبكون اربعتهم وماهم قادرين يحكون

لوجين : الا يادبه من عريس الغفله

البندري: هههه رودي

لوجين : ذوق راحت على اخوك

ذوق: لا والله عسل ماشفتيهم سوا

نواره: ههههه مهبل

البندري: لوجين تراه دخل علي

البنات: هههههه

لوجين: والله ....؟ وناسه

البندري: يييييييوه عالم ثاني

نواره: استحي انتي معها ..في عوانس هنا

ذوق: ومطلقات

لوجين مستغربه : كيف عرفتوا اني تطلقت ...؟

البنات: تطلقتي ...؟

لوجين بضيقه: ايوه تزوجة وتطلقت وانا مادري وبيوم واحد

نواره: نفس ذوق

لوجين : ذوق ...؟ تطلقتي

ذوق بحزن: طلع كلب وخسيس

البندري: لجون من تزوجتي مسفر

لوجين: لا علي

البنات: علي..............؟

ذوق :علي ماغيره

لوجين: يووووووووه حكي وسواليف كثير تعالوا واحكي لكم ..

نواره: نشوف ونتفق من يجي الثاني ...

اندق باب غرفة لوجين : مين

مايا: انا ياستي

فتحت لوجين الباب شافت منصور ووراه مايا

منصور: دخلي الاكل هنا

لوجين: بنوتات احاكيكم بعدين ....

البنات: اوكيه باي ...

لوجين: خير

منصور : كلي اكيد جوعانه

لوجين : ومن انت علشان تدخل غرفتي ..لا وبعد يتامر

منصور بحنان: يالوجين انا ولد عمك وماني جاي طمعان فيك او ابغى اضرك انا عندي اللي

يضاعف فلوسك .. وتراني مو عدوك انا وانتي يجمعنا دم واحد

لوجين اول مره تحس انها مو لوحدها وان لها ظهر وراها وعزوه عندها عمام وعيال عمام

احساس حلو لماتعيش الوحده والغربه وفجاءه تشوف ايد من لحمك ودمك تنمد لك ....: طيب

باكل

ابتسم لها والله طفله بكلام بسيط اقتنعت حس انها ضايعه وهو من بيرجعها ...اخذه عهد بينه

وبين نفسه ... : اوكيه تفضلي ....

لوجين جلست تاكل بهدوء وهو واقف يناظرها ابهرته من اول لحضه شافها فيها ..

لوجين: بتوقف كثير اذا تبغى تعال كل

منصور: هههههههه ليه لا علشان يصير بيننا عيش وملح ..

لوجين كملت اكلها بهدوء تام تفكر بصديقاتها حتى ذوق تطلقت ذوق الحساسه تطلق هذي مثل

القزاز شفافه وتنكسر بسرعه معقوله تنجرح مرتين كذا والبندري انخطبت – ابتسمت وهي

تتخيل شكل البندري الرومنسيه عروس - ..

منصور يناظر طي الابتسامه اللي على وجهها حب يحكي معها يشيل الحواجز اللي بينهم :

تصدقي هذي اول مره ازور فيها بريطانيا - كان يكذب بهذي بس كذبه بيضاء ماتاثر -

لوجين : اول مره ... شكلك ماتعدي حدود السعوديه ..

منصور : بالعكس احب اسافر بس ماخطر ببالي اسافر لبريطانيا

لوجين: اممم

سكتوا ...

منصور : ممكن يابنت عمي اطلب منك طلب

لوجين: ههههههه

منصور ناظرها مستغرب : وش فيك

لوجين: هههه عيدها

منصور : وش هي .. اطلب منك طلب

لوجين: ههه هههه لابنت عمي

منصور ناظرها ببراءه : بنت عمي ..

لوجين: هههه حلوه تعجبني

منصور : بس كذا .. بنت عمي

لوجين تحس فيها بالامان والعزوه : ههههههه دايم قولي كذا بنت عمي ..

منصور : ابشري

لوجين: همم وش كان طلبك ياولد عمي ..

منصور: نسيتيني اياه

لوجين تتريق ايوه من حلاتي نسيته هههههه

منصور تنهد اي والله : هههههه تقريبا

لوجين: لاجد وش طلبك

منصور : تفرجيني على بريطانيا

لوجين: بس ماطلبت والله لاوديك اماكن تنسيك السعوديه ...

منصور : نشوف ..

لوجين ناظرت منصور ...

( سبحان الله غريب امر الانسان بس يجلس مع اقاربه ويضحك شوي ينسى كل شي صار وينسى

انه لوا مره يشوفه صدق من قال " العرق يحن "...)

******************************

السعوديه – الرياض

رناد : لاااااااا غش والله غش

البندري تجمع اوراق الاونو مره ثانيه : لا حبيبتي وين الغش ...

رنده: .والله ان نواره تغش

نواره:ههههههههههههههه

رناد : شفتوا ضحكتها دليل الغش ..

نواره: اقول ميرندات احترموني ...

ذوق كانت تلعب معهم وهي سرحانه مررره مو معهم تفكر انها تسافر لبريطانيا وتقابل فيصل ...

البندري دق جوالها : رركود رائد موجود

نواره: اقول انقلعي

رناد : تكفين حطي سبيكر

البندري حطت سبيكر : الو

رائد: هلا وغلا بحبيتي هلا ..

البندري استحت : هلا فيك

رائد: وانا اقول البيت منور ليه

البندري: لانك فيك - غمزت لهم – يابعد هلي

رائد: والله انتي هلي واهل اهلي ... ياقلب رودي انتي ....

حياتي انتظرك بالمجلس ياقلبي

البندري: اوكيه

رائد: لاتتاخرين اوكيه بنودر تي

رناد ورنده : بنودرتي ههههههه

حطت البندري على العادي : يالفضيحه

رائد: اها حاطه لى السبيكر والله عارف يله انزلي مشتاقلك ...

البندري وقفت : اوكيه بس بشرط بادب

رائد: وعد ...

سكرت والاربعه ميتين ضحك

البندري: هذا اللي يعطي البزارين وجه ...

رناد : بنودري كانه يقول كندرتي بالعراقي ...

اللكل : ههههههه

البندري: انقلعوا ..

الخدامه طلعت فوق : يله اللاساء ..

دخلت البندري عند رائد المجلس .. / هلا بطوايف جدي انتي

البندري ابتسمت له وجلست بعيد ...ناظرها رائد بخبث وقرب منها

البندري : ها بادب لاتقرب

رائدجلس بجنبها وتكلم بجديه : بنودري ممكن نتكلم شويه جد

البندري خافت : ايوه

رائد مسك ايدها : البندري انتي عرفه ان زواجنا بعد شهر واني احبك واموت فيك ..

البندري: ايوه ...

رائد: علشان كذا ماعرف اجلس عاقل

البندري: هههه طيحت قلبي

رائد يبوسها : والله اني اعشقك وماقد حبييت حد كثر ماحبيتك ...

البندري: ولا انا .. انت علمتني كيف الحب الحقيقي والله اني احبك موت ..

رائد: بسم الله عليك من الموت جعله فيني ولا فيك ...

البندري: لا بسم الله عليك

رائد: قولي امين ...

البندري: امين ...

رائد: بعد عشرين سنه نجلس بنفس هالمكان بس حوالينا احفادنا

البندري: ههههه امين ...

..............................

ام البندري: وين بنو

ذوق: مع رائد بالمجلس ...

ام رائد: ههههه ها حركات رودي على قولة بنو ..

ام سعود: تجلس مع خطيبها لوحدهم

مريم: ايوه عادي زوجها

رنده ورناد: غريبه

نواره: انتم غير

ام سعود : ايوه حنا لازم واحد من اخوانها موجود او بلاها هالجلسه

صفاء : اختلاف تقاليد

نواره: ذوق روحي ناديها تتعشاء ..

ذوق: خلوهم على راحتهم

نواره: ههه بنام عندكم اليوم خالتي

ام رائد: حياك الله

مريم : وين السرير مكسور

ذوق : هههه بغرفة ريم ورشا ...

نواره نامت مع ذوق بغرفة رشا وريم بما انهم بالامارات ... والبندري رجعت مع اهلها للبيت

..ورنده ورناد رجعوا مع ام سعود لبيتهم طبعا ...

************************************************** **************

بالليل

الجوري صحت من النوم وراحت للحمام من غير عصايه تحس انها مو محتاجتها وطلعت من

الحمام وفجاءه فقدة توازنها وطاحت الابجوره وهي طاحت وراها ...

بدر سمع صوت شي طاح راح يركض شافها طاحت على الارض تبكي راح لها بسرعه: بسم الله

عليك وشفيك

الجوري تبعد وجهها عنه علشان مايشوف دموعها: مافيه شي

بدر وهو يرجع وجهها لعنده : حياتي ليه تبكين ..؟

الجوري زادت بكي وصارت تشهق

بدر ضمها لصدره بخوف : ليه ليه كل هذا ..؟

الجوري تبعده عنها بايدينها وتحاول توقف ..ساعدها دفته : اعرف

وقفت وهي تحس بالم فضيع لانها ضغطت على الرجل : خلاص رح نام انا مافيني شي

بدر قرب منها واسندها عليه : لا ماخليك وانت كذا من اليوم ورايح بتصيري معي بالليل بالغرفه

الجوري: لا

بدر شالها غصب عنها وحطها على السرير: لاتخافي بجيب سريري المتنقل هنا ...

الجوري: مابغى مابغى ارجع لمكانك

رمى الشبشب على الارض ومددها كويس وغطاها ببطانيته .. وفتح شعرها.... وهي تحس بدقات قلبها سريعه وهو بقربها ...

الجوري : شعري

بدر ابتسم بحنان : خليه كذا علشان تاخذي راحتك

قبل لاتتكلم باسها بخدها ...وطفى الانواره

الجوري تشم ريحة عطره بمكانها وتسمع صدى صوته تكره وتكره كل شي له علاقه فيه .. بس

تحس بقلبها يدق بسرعه اذا قرب منها .. قررت تناظر عيونه مثل ماقال البندري ..

بدر دخل السرير الخفيف والمتنقل بهدوء وتمدد فوقه بعد ماسكر الباب

الجوري خايفه هذي اول مره يتسكر فيها الباب عليهم وهم لوحدهم غير يوم المطعم الصيني

...غريبه ماهي بخايفه مثل قبل كل اللي تفكر فيه انها تحس بانفاسه بالغرفه بوجوده قريب منها ...

بدر حاله اردى من حالها يفكر انهم بغرفه وحده ومن غير حواجز : يمتي

الجوري ماردت انها ناييمه ..

بدر : هههه كذابه صاحيه ..

الجوري : ..................

بدر بضيقه لف للجه الثانيه : تصبحين على خير ....

الجوري : ....................
.
*************************************

الفصل التاسع والثلاثون ..



الساعه 11 الظهر ..

نواره صحيت من النوم على صوت دقات باب خفيفه .: صفويه ادخلي .. – تذكرت انها ببيت ذوق وعلى سرير رشا – اوه ادخل

ام ذوق : مساء الخير

نواره: اوه خالتي كم الساعه ...

ام ذوق : الساعه 11 الظهر يله قوموا اليوم نوره عازمتنا على الفيصليه ... وعلى الغداء ...

نواره : جد وناسه ...

ام ذوف ناظرت ذوق ولانت ملامح وجهها : ماوصيك اقنعيها

نواره: ياحياتي مانامت امس طوال الوقت تتقلب بالسرير ..

ام ذوق بحزن : هذا حال من اللي صار ولا هي براضيه تطلع من البيت

ذوق كانت صاحيه بس مثلت النوم ...

نواره : خالتي انتم ماعرفتم ليه الحيوان عمل كذا ..

ام رائد : الا بكل وقاحه امه جاءت وقالت قولي لرجلك انه سرق المناقصه من بو عادل ولما قلت لبو رائد قال سالفه قديمه وماتوقع انهم بيحقدون عليه لليوم وافتكر انهم اخطبوها يصلحوا الامور بينهم لان امه صارت صديقتي فتره لكن حسبي الله عليهم ..

نواره فتحت فمها يعني فيصل على حق علشان كذا ذوق ماتبغى تحكي لهم عن شي

ام رائد: حبيبتي نواره لاتنسي وتقول لاحد انتبهي ترى ذوق بتزعل

نواره اابتسمت : تطمني سرك ببيئر ..

ام رائد : يله صحي ذوق ام عبدالرحمن وام محمد وممريم يحترونى بالفيصليه ...

طلعت ام ذوق من الغرفه وهي تدعو لبنتها ن الله يهدي سرها ..

نواره : ذوق اصحي داريه انك مو نايمه ...

ذوق رفعت الغطى عن راسها وهي تناظر السقف : سمعتي فيصل معه حق فيصل ماكذب ببابا بابا جبان ونذل

نواره : لا تحكين عن عمي كذا والله لو ان ابوي يحبني مثل حبها لك ان مايهمني شي بالالم كله الا بابا ...

ذوق تتنهد : هو السبب بكل هذا .. – غرقة عيونها – كل ماحاولت ارجع اكلمه في شي يمنعني علشان كذا قررت اهاجر معك لبريطانيا عند لجون

نواره: تهاجري صاحيه وامك وابوك

ذوق: على عيني ولى راسي بس هنا خنقه ...

نواره : ذكرتيني احاكي لجون عن السفر لعندها ...

ذو: وقلي لها تحسب حسابي معها ..

نواره : اوكيه ...

دقت نواره على لوجين اللي كانت بسابع نومه / الو

نواره بدفاشه : الللللللللللللللو اصحي بسرعه

لوجين: هههههه صباح الخير

نواره : صباح النور ياقلبي ...

لوجين : يالله يانونو انا مبسووووووطه مره ..

نواره: دوم ياحياتي .. بشريني وش اللي باسطك ...

لوجين : طلعوا عيال عمي وبالذات منصور كيوت مررره يالله خفيف دم تصوري جلسي معي امس بعد ماحكيت معكم لحد المغرب وحنا نسولف بعد كذا نمت وماصحيت الا هاللحين ..

نواره: عيال عمك عندك

لوجين: لا بس منصور ... ومدري يقول ان اللي الباقي مايبغوني وهو ماكان يبغاني بس لما لما .. صحيح ماكملي لما ايش

نواره: مزيون ..

لوجين : ياخذ نبضات العقل بس تراه شكله متزوج مادري خاطب ..

نواره: لااااااا خساره ..

لوجين : اسمعي ابساله واذا ماطلع خاطب او متزوج بشور عليه ياخذك

نواره: لا احلفي ...المهم صوريه وارسلي لي صورته ..

لوجين : اوكيه ماطلبتي .. الا متى ناوين تشرفوا

نواره: بكره ان شاء الله انا وذوق عندك وبنو ماندري عنها ...

لوجين : واااااااااااااوووووووووووو .... وناسه

ذوق رجعت تمددت تناظر السقف وهي مو مع نواره بكره بتروح لبريطانيا وين مايكون فيصل يمكن نساني او مايبغاني او تزوج ...

نواره: ذوق ذووووووق وجعه صارلي ساعه انادي عليك ...

ذوق : ها مانتبهت ...

نواره توقف : يله نتروش علشان نطلع للمجمع ..

ذوق: لا مالي خلق

نواره: نعم .. مالك خلق اقول قومي بس خلصينا ..

ذوق : لا والله جد نونو مالي خلق

نواره جلست على السرير وتكلمت بجديه : ذوق ترى كلنا عندنا هموم واللي فينا مكفينا بس الحياه ماشيه وتستمر ....

ذوق بضيقه : ماضن ان فيه احد مثل همي ...

نواره ابتسمت بحزن : احمدي ربك انتي تخلتي من عادل قبل لايصير شي .. وهذا انتي بكره بتروحي لعند الحبيب

ذوق افتحت عيونها للاخير كيف عرفت هذي نواره اني ناويه اروح لعند فيصل

نواره: هههه لاتناظريني كذا انا عارفتك مايرضيك تظلمي حد وانتي قلتي كلام كبير لفيصل مع انه كان صادق وماكذب ..

ذوق تلعب بطرف البطانيه : تهقين نساني

نواره: مين ..؟ فيصل ...؟ ههههههه يابنتي هذا يموت عليك مرسلك خاتم بيوم عرسك وانتي تقولي تهقين نساني ...

ذوق : خايفه يجرحني او

نواره: من ...؟ فيصل ...؟ لاااااا تمزحين .. نسيتي كيف ظرب عادل لما درى او حس انك مانسيتيه تبغيه يدري انك انفصلتي وانك اكتشفتي انه ماكذب ويجرحك ..

ذوق تناظر الخاتم : يااارب يارب مايكون خطب او تزوج ..

نواره تبغى تخوفها اكثر لعانه : واذا خطب وش راح يصير يعني انتي كنتي بتتزوجي اصلا تزوجتي و

ذوق : لا وجع انا كنت غبيه فكرت اني بنساه .. وهذا عادل كان حبوب معي ..و ماخطر ببالي انه جاي يرد كرامته مادري

نواره تقاطعها : طلبتك ذوق اطلعي معنا ..

ذوق: لا جد نواره مالي خلق ..

نواره : اوكيه براحتك انا من لفيصليه على البيت على طول لاني بشيل كل شنطي لبريطانيا خلاااااص عفت الرياض واهلها ..

ذوق : صحيح نواره ليه كذا ..؟ ليه كل هذا ...؟ وابوك وامك و

نواره وقفت بعصبيه : محد يستاهل بهذي الدنيا مني حتى نظره ...

دخلت للحمام وسكرت الباب بقوه

ذوق تتنهد : اموت واعرف وش وراك ..؟

********************************************

بريطانيا – لندن

لوجين بعد ماتروشت نزلت لتحت متحمسه تشوف منصو حدث جديد شي غريب بالنسبه لها يكون هعندها ولد عم ..

منصور جالس بغرفة السينما بناظر فلم اكشن من اللي تحبهم لوجين وكان مندمج مره ...

لوجين فتحت الباب ناظرته وكان الجو بالغرفه ليل وريحة السجاير معبه المكان والفوشار على الارض وعلى حجره وهو مندمج عايش جو الاخ ...
لوجين ماتوقعت كذا شكله جدي مره مو حق هالحركات ...

لوجين مشت لعنده وسحبت الريموت من الطاوله وهو موحاس .............و طفت الشاشه

لف منصور بسرعه

لوجين: هههههههههه عايش جو

منصور تفشل : هههههه خبرك اخذ راحتي دامي ببريطانيا قبل لاارجع لضغط الشغل ..

لوجين جلست وشغلت التلفون : خذ راحتك وخلني اشوف وش تتابع يمكن تشوفلك شي مخل للادب

منصور : ههههه احلفي ... ؟

لوجين : منصور صحباتي بكره بيجو لعندي انا مبسوطه كثير

منصور : صحباتك اللي بالصوره ...

لوجين : ايوه .. اموت فيهم ...

منصور : وكلهم سعوديات

لوجين : اكيد وفي وحده منهم اسمها نواره تراها تدور على عريس سعودي ومدير اعمال

منصور : هههههه ليكون اسمه منصور ..

لوجين : تقريبا

منصور : قوليلها منصور محجوز ...

لوجين تحمست : جد تحب كنت عارفه من هي ..؟

منصور : تراني ماشفتك الا امس وتبغيني احكي معك ..

لوجين ناظرته بخبث : سعوديه ..؟

منصور : ايوه واحلى سعوديه

لوجين: من بنات عمي ..

منصور : اممم تقريبا هي من الكاسر .. انا مابعد حبيتها بس مافكر اني اتزوج غيرها

لوجين : من هذي ..؟ طيب وش اسمها ..؟

منصور : اسف قلت كثير ... يله ماودك تفرجيني على لندن

لوجين: اكيد يله ...

*************************************************

بريطانيا – لندن

الجوري بعد ماصحيت من النوم ماشافت بدر بسريره ... وكان سريره مو مرتب وهي ماتحب الشي المخربط .. تذكرت لوجين وصخها اضحكت ... رتبت السرير لااريدي منها ماتحب الخربطه ....

تروشت وصلت وطلعت من الغرفه لان بهذا الوقت بدر عند نواف بالمستشفى ...: آف وش هالزهق ..

دق جرس البيت ...

(غريبه بدر عنده مفتاح )): مييييييين ..؟

لوجين بدقه طربيه : افتحي انا لجوووون

افتحت الباب بسرعه : لوجين

لوجين : هههههه مفاجاءه

الجوري: يالخايسه وينك ...؟

لوجين : هههه عايشه انتي اللي وينك

الجوري ضمتها : ياحياتي وحشتيني ...

لوجين : انتي اكثر ...كيفك وكيف عريس الهناء اللي ماشفته لهالحين ..

الجوري: اوه كويس – تناظر منصور – وانتي كيفك وكيف مسيو مسفر

لوجين تعودت على غياب مسفر بحكي الناس معها مثل ماتعودت على غياب ابوها واحمد وامها وتركي وددادا موضي ودادا شيخه وكل اللي تعرفهم الدنيا علمتها كيف تنسى او تتناسى : اوه لحد هاللحين ذاكرته ..

منصور واقف يناظرهم ...

الجوري: ليه مو هو معك بالماني

قاطعتها لوجين بضيق : ماعليك منه واعرفك ولد عمي خالد .. منصور

الجوري فتحت فمها : ولد عمك ...؟

لوجين : ايوه مو بس انتم عندكم عيال عم

الجوري : و ..(( سكتت مصدومه ))

لوجين تناظر الشقه : ياااااااي كيوت حياك منصور تفضل

منصور يناظر الجوري المفهيه تناظره : لا وقت ثاني شكل صاحبتك ماتبغاني

الجوري تداركت نفسها باحراج : لا شدعوه حياك تفضل

دخلوا منصور ولوجين ومثل العاده لوجين تتعلق باي شي جديد وكانه لعبه جديده او اختراع حديث جلست بجنب منصور : وين بدور ...

الجوري: ههه بدور .. حلوه تدلعينه طالع للمستشفى

لوجين تقشعر جسمها بس قالوا المستشفى تكره هالاسم وحس فيها منصور ...

لوجين: يالله لحد هاللحين يتعالج

الجوري : انتي عارفه السرطان وسواليفه ..الله يشفيه

ودخلت الجوري وراء الطاوله بداخل المطبخ علشان تجهز عصير

لوجين : منصور وش تشرب ..؟

منصور : قهوه ساده ...

الجوري : يوه نسيت اني ماعرف اسوي قهوه تطلب شي ثاني

منصور ابتسم : عصير

لوجين : ايوه عصير برتغال اكيد يحبه لاني احبه مو ولد عمي

منصور بينرفزها : لا ماحبه ..

لوجين : حسافه ... جيبي له عصير طماطم

منصور : ههههه احلفي

الجوري وقفت تناظرهم لابقين على بعض مره . دخلت للغرفه تبدل بيجامة البيت ...: خمس دقايق وجايه خذوا راحتكم

لوجين تسحب الريموت : اكيد

منصور : هذي سعوديه متاكده

لوجين: اقول غض البصر تراها متزوجه

منصور : ههه داري والبيجامه اكبر دليل

لوجين بعدت عنه بسرعه : اعوذ بالله مايفوتك شي

منصور: هههههه وش فيك

لوجين وقفت لعند الادراج تفتحهم بلقافه : غريبه ملابس هنا

منصور فتح عيونه على الاخير : وانتي وش دخلك

لوجين حطت ايدها على خصرها : والله بيت اختي ...

انفتح باب الشقه

بدر : الجوري جوجو ... جوار

ذاب الكلام بلسانه وهو يشوف لوجين ومنصور بالصاله منصور ولوجين ناظروه مستغربين ...

بدر حط الاكياس على الطاوله : لوجين هلا والله

لوجين ماعرفته : انا ..؟

بدر ابتسم ذيك الابتسامه ... : انا بدر ..

لوجين وقفت : اها هلا والله انت زوج الجوري

بدر يناظر منصور : ايوه ...

لوجين :هلا والله برجل اختي

بدر: هلا فيك ...- ناظر منصور –

لوجين : اوه نسيت .. هذا ولد عمي ...منصور

منصور بهيبه : مرحبا

بدر : هلا

الجوري سمعت صوت بدر من ورى الباب خافت سحبت اقرب غطاء وتحجبت فيه ولا طعت ولا شعره ولفت يشارب طويل على بنطلونها ...عارفه انه بيعصب اذا طلعت كذا ..

بدر : اهلا وسهلا حياكم ... واخيرا شفتك يالوجين الكاسر

لوجين: هههههه وانا بعد اخيرا شفتك ...

منصور عصب هذي بنت عمه وقحه تقط الميانه على طول

الجوري طلعت من الغرفه : اوه بدر جيت

بدر ابتسم اول ماشاف شكلها : ايوه واخيرا التقيت بلوجين ...

الجوري حست بكذا شي نقدر نقول عنه غيره : عادي واذا شفتها .. المهم ب

لوجين شهقت : الجور التزمتي

الجوري مسكت ضحكتها على شكل لوجين : لا عادي

منصور استغرب من دقايق كانت بالبيجامه وهاللحين محتشمه ..(( شكلنا فاجائناها من شوي ..))

بعد ماجلسوا

الجوري قدمت العصير وهي مرتبكه ماتدري ليه خايفه من بدر مع انها ماعملت شي لكن خايفه ....

لوجين مثل العاده سيدة الموقف هي اللي تتكلم : الجور بتنزل لسعوديه بزواج البندري

الجوري : ا يوه ان شاء الله ..

بدر : ومتى زواج البندري هذي ..

الجوري انقهرت : وش هذي اسمها البندري...

لوجين : هههههه المعرس يغار ...من بنو ...

منصور: .........................

بدر: لا عادي ب

الجوري: لا مايغار لجون تعالي ابغاك معي لداخل

لوجين : يووووووه ضروري ماشبغنا من رجلك

ناظروها مستغربين اما الجوري ضحكت تعرف خبال صديقتها : لاحقه تقزين فيه على قولتك

بدر يناظر منصور ومنصور نظراته غامضه من غير رد ..

لوجين : اذا حتجتوا لنا نادوا علينا

الجوري: تعالي بس تعالي بلا كلام زايد ..

دخلوا للغرفه

الجوري: اف ياكرهه

لوجين: من نصوي حررررررام عليك والله حبوب ومابعد شفتي شره من خيره على

الجوري: حيلك حيلك احكي عن – قالت مستحيه - بدر

لوجين تقلد طريقتها وهي متحيه : بدر

الجوري : ياشينك ..

لوجين: ههههه واضح عيونكم فاضحتكم .. الله يهنيك يارب تستاهلي مثل بدر

الجوري: خير لحضه على كيفك خليتينا نحب بعض ومبسوطين ..

لوجين: واضح والا وش مخليك جالسه معه لهاللحين والله لو انك كارهته مثل ماتحكين ماجلستي معه دقيقه صاحبتي وعارفتك حرية الراي قبل كل شي ..

الجوري تضايقة من كلام لوجين شبه الصحيح : المهم غيري السالفه ..

لوجين: اوكيه بس هذي المره اما ا

الجوري شهقت : قبل لانسى ابقولك ذوق ياحياتي عا

لوجين تقاطعها : عارفه حكولي كل شي ويقولوا هاللحين شعرها بوي ..

الجوري : عاد ذوق وبوي مايركب ماتخيل شكلها بالبوي ..

لوجين : يالله هي كانت تعصب اذا طاحت شعره من راسها وماترضا تقصه كيف بوي

الجوري: الله يذله مثل ماذلها

اما عند منصور وبدر فكان السكوت يعم المكان منصور جالس ساكت اما بدر فباله مع الجوري وكيف انها تغطت وش قصدها من هذي الحركه

**********************************************

السعوديه – الرياض

بمجمع الفيصليه

نواره : يوووووه يام عبدالرحمن مامداك تتعبين

نوره : والله رجولي هذي الايام تالمني

البندري : الفيصليه كبيره اكيد العجايز مايستحملون

نوره: لا وش قصدك ..؟

البندري: هههه ماقصد شي

ام البندري: اسمعوا حنا بنرتاح بالكافي وانتم تسوقوا

البندري: شو رايك نونو

نواره : والله اريح بس ام ذوق لحد هاللحين بالحمام دقوا عليها

نوره : اوكيه

نواره وذوق يتمشون بالمجمع وهم مبسوطين بكره بيسافروا لعند الحبيبه بريطانيا ولعند لوجين ...

نواره : يوووه يا البندري شكلك غلط بالبرقع ..

البندري: انقلعي والله انه احسن من اني اطلع وجهي .. ..

نواره: غريبه وش اللي اقنعك ..

البندري: كتابك رومنسيات زوجيه

نواره: ههههههه كتابي والا رودي ...

البندري: بعد قلبي ذكرتيني بشتري له جهاز حلو قبل لاسافر ...

نواره: وانتم ماتملوا من الهدايا كل شي يانتي مهد

البندري تقاطعها : قولي لا اله الا الله

نواره: لااله الا الله

البندري : تعالي هذا المحل

نواره وقفت تناظر المحل اللي اشرت عليه البندري محل طلال اكيد هو داخله دق قلبها بقوه وصارت ترتجف ..: لا نروح لمحل ثاني احسن

البندري: لا هذا ديكوره كشخه اكيد عنده شغلات احلى

نواره مغرقه عيونها : قلتلك مانبغى هذا

البندري: ليه..؟

نواره لفت عليها : هذا محل طلال

البندري استغربت وش فيها عيونها مغرقه : نونو وش فيك واذا محل طلال م

نواره ماسكه دموعها لاتنزل وتكلمت بين اسنانها : اكرهه

البندري ناظرت نواره (( وش فيها وليه انفعلت كذا ليكون تحب طلال .. اكيد تحبه .. يالله كيف مانتبهت انا غبيه .. يوه يالبندري رائد نساك صديقاتك وهمومهم صرتي بس تفكري بنفسك )) : نواره تعالي نجلس شوي

نواره : لا ابغى ارجع للبيت ..

البندري : لا مراح ترجعي الا لما اعرف وش فيك مع طلال ..

نواره : اوووووه
تركتها ومشت ...

البندري: نونو وش فيك نو
سكتت وهي تشوف طلال واقف قبال نواره ..

نواره كل شي فيها وقف من الصدمه ماعدا قلبها اللي يرجف من كثر دقاته ..

طلال وشكله مبهدل وضايع فيها كان نحفان مره حتى ان الثوب عليه وسيع مره .. قال بصوت مبحوح : تكفين نواره اسمعيني

نواره : لا لا لا انقلع من وجهي هاللحين

طلال: نو

نواره صرخت : ياهيئه ياناس .. يارجاجيل شوفوا قليل الادب هذا ..- ارفعت اصبعها بوجهه – انت ماتستحي ياوطي ياقليل الادب تتحرش ببنات الناس

طلال وقف مصدوم ليه نواره تسوي كذا اما البندري ركضت لعندها : نونو اسكتي فضحتينا

نواره علاء صوتها اكثر : هذا الواطي يتحرش

ثواني معدوده الا الناس متجمعه ودقايق الا واحد من رجال الهيئه عندهم و سكيورتي

المطوع : خير ياختي وش فيه

نواره: هذا يامطوع ملاحقني من اول ماتسوقت ويتحرش و- بكت بكت من قلب ماتبغى تكون مع طلال بمثل هالموقف ولا بهالمكان .. ماتبغى تجرح قلبها ونصفها الثاني بس لازم تادبه –

طلال اخيرا نطق وهو يناظر نواره بعيون كسيره : دام هذا يررضيك والله مستعد ابات بالشرطه ...والله لو موتي هو راحت ياجعلني ماعيش ساعه ..

المطوع : لا وتتحرش قدامنا جد ناس ماتربت يله قدامي

تابع

نواره ناظرته بعيون قويه وهي تمسح دموعها : يامطوع ابغى حقي منه

البندري: لا يامطوع مافيه شي ماعليك منها

السكيورتي : خلاص تفضلوا معنا نتفاهم

راحوامع السكيورتي و المطوع طلال وهو يحس ان نواره مستحيل تسامحه وتصرفها هذا اكبر دليل يعني خسر حبيبته للابد وكان وده يضحك بهالموقف دايم تحاول تكون قويه وهي بالاساس ضعيفه من داخل اكيد هاللحين قلبها يدق بسرعه وخايفه ناظرها كانت ترتجف مثل ماتوقع تمثل القوه .....ونواره كانت تمشي وهي معصبه وشويه مرتاحه تحس انها طلعت شي من قهرها.. كانت تبغى رد لكرامتها تذكرت شكله مع امها زاد حقدها شهرين ماقدروا يطفوا النار اللي بقلبها ..
البندري تناظر بطلال اللي يناظر نواره وهي مو فاهمه شي ..

المطوع : خلاص يابنت انتم روحوا هالللحين وحنا بتفاهم مع هذا

السكيورتي : انتي متاكده انك ماتبغي تتنازلي ..او

نواره معصبه : لا ابغى حقي منه لو تقتلوه يكون احسن

طلال يناظرها بتامل وهي تتحاشى تلف عليه او تناظره ماتدري ليه خاايفه من عيوونه ونظراته

طلال: خلاص اتركوا البنات يروحوا وانا خذوني معكم

السكيورتي : لا شهم والله اكيد بنتركهم وانت لنا تصرف ثاني معك

البندري على جنب : نوير بلا هبال وتركي طلال يرجع ل

نواره صرخت فيها : انتي مالك دخل خليك برودي حقك احسن

البندري انصدمت من كلمة نواره وليه تحاكيها كذا هذي اول مره تسويها نواره ..: .............................

طلال عارف ان نواره معصبه مره وانها بدت تغلط على البندري تكمل اللي سوته معه : خلاص انتم روحوا وانا ب

نواره ناظرت بعينه بقوه واشمئزاز : انت مالك وجه تحكي وماني متحركه من هنا الا لما اعرف وش ناوين يسوا معك يا نذل

طلال : والله ماكنت عارف ان غاده هي امك ..

نواره : لاااا.... امي والا غيرها .. انت اللعن انسان شفته بحياتي وماتستاهل اني اطالع بوجهك حتى .. يامطوع ترى هذا سوالفه كثيره اكشفوا عليه يمكن فيه الايدز والا الز

البندري عصبت : نواره خلاص اسكتي

نواره : قلتلك اطلعي لبره الموضوع وكل شي بخير .. اصلا انا ماشيه للبيت

تركتهم ومشت لعند اقرب تاكسي ..

البندري : خلاص يامطوع مايحتاج حنامتنازلين

السكيورتي بسرعه /: يكون احسن مشكوره اختي

المطوع / احمد ربك نفذت هذي المره ...

طلال مو معهم يناظر التاكسي اللي موقفته نواره وتتفاهم معه معصبه

مشت البندري بتدخل المجمع ...مقهوره من نواره ..

راح المطوع مع السكيورتي بعد ماطردوا طلال وهددوه ..

طلال : البندري البندري

البندري لفت عليه : خير

طلال: بتتركي نواره كذا لوحدها مع التاكسي و م

قاطعته البندري : ماعليك منها عن الف رجال

دخلت لداخل ...

طلال واقف يناظر نواره وهي لحد هاللحين تتفاهم مع السايق وده يساعدها لكن خايف من ردة فعلها ..

نواره واقفه عند التاكسي : اقولك للعليا مو الملز

التاكسي : انا ودي ملز....... مافي ودي الياء هذا مو جين

نواره : مو على كيفك انت تاكسي وتنفذ غصب عنك

التاكسي : انت مافي يصارخ

سكر النافذه وحرك لقدام

نواره معصبه : مالت عليك هندي

دقت على اكبر : يله تعال للفيصليه بسرعه من غير ولا كلمه

لفت تناظر المجمع وهي مقهور ه ومعصبه والتاكسي زاد عليها ... شافت طلال واقف يناظرها .. حست بدموعها تتجمع بعيونها وهي تشوفه تحببببببه وتموت عليه وامنيتها لحضه بقربه.....
بس اللي بينهم اكبر من كل هذا ...

طلال يالبيه هالعيون والوجه ياحياتي كلها انتي ..الله يلعنك يابليس ماحطيت بدربي الا ام حياتي ..

نواره لفت لقدام عن عيونه تنتظر اكبر ...

طلال عارفك زعلانه ومعصبه واضح عليك ياحياتي انا السبب بكل هذا عارف ..
قرر يبيعها ويكلمها مشى لعندها بتردد

نواره حست بحد وقف قريب منها بس سكتت وطنشت عكس قلبها اللي دق بسرعه ريحة عطره هذا طلال .. تكلمت بصوت مبحوح وهي تغالب دموعها : تكفى طلال اتركني

طلال : كيف اتركك وانا والله والله ... والله يانواره ماقد حبيت حد مثلك والله والله ماتمنى بحياتي الا ساعه معك نوا

نواره لفت عليه وهي تبكي : طلال انت مانت عارف وش سويت او المصيبه اللي صايره انت قتلتني ..

طلال : انا ماكنت عارف انها امك انا ضني

نواره قاطعتهه : انا في شغلات كثيره مشيتها لك وقلت معليه حبيب ومايقصد كان قلبي يسامحك قبل لاتسوي شي بس هذي ياطلال قويه وكبيره مره وانا ماقدر اسامحك عليها ..
وقفت سيارات اكبر قدامهم

طلال : هذي المره بس يانواره هذي اخر خطيه اوعدك والله بعد اللي صار تركت كل سواليفي ..

فتح لها اكبر الباب ..و قبل لاتركب السياره : كويس علشان اذا تزوجت تحترم زوجتك وماتخونها .. – بعد ماركبت وسكر اكبر الباب - قبل لانسى انا مسافره لبريطانيا على طول .. ابرتاح منك .. وتقدر تاخذ راحتك – راح صوته – مع امي .. عليك بالعافيه

سكرت النافذه ..

طلال : بتسافري ليه ..؟

اشرت لاكبر يحرك

طلال دق النافذه : لحضه نواره

مشت السياره وتركته واقف مكانه مو عارف يحكي او يتصرف كل تفكيره ان نواره بتسافر على طول لبريطانيا وهو ..

**************************************

بريطانيا – لندن

جلست لوجين بالسياره تناظر ايدها مكان العرق للي قطعته لما فكرت تنتحر .. كانت بعالم ثاني

منصوور : مسفر صح

لوجين ارفعت راسها : اشتقت له ...

منصور : مايستهلك

لوجين باستهزاء : مره الف من يتمناني .. هههه ... انا اللي ماستاهله .. بسس وحشني

منصور يناظرها (( انا ضروري اقابل هذا المسفر )) : مصيرك بتنسيه ..

لوجين ناظرت القزاز من النافذه : ومن قالك اني ابغى انساه .. انا حتى عرقي اللي ينبض له قطته ولا نسيته

منصور بضيقه : كلنا قلنا كذا وبالاخير تناسينا

*************************

السعوديه – الرياض

البندري ماسكه الجوال وتكلم رائد بالمطبخ

البندري: لا يارودي قهرتني ماكان له داعي كلامها

رائد : يمكن كانت معصبه اعذريها

البندري : لا انت ماتعرف نونو اذا بتحكي تكون قاصده اللي قالته وتفكر قبل لاتقوله ..

رائد: لا انتي اللي ماتعرفي نواره انا اشتغلت معها بالبنك وبالعكس كانت عفويه ولاتفكر بالكلام اللي تقوله

البندري انقهرت من رائد : وليه ماخطبتها هي ان شاء الله

رائد: هههههههههه حبيبتي تغارين

البندري: لا .. انت معي والا معها

رائد: معها لانها كانت معصبه والمعصب مثل الطفل ماناخذ على حكيه

البندري : اوووووووه رودي تراك تقهر احاكي الجوري احسن

رائد: افا افا والله ماهقيتها منك ..

البندري : بدل ماتقولي كلام حلو لاني مسافره بكره تنرفزني

رائد: الله يرجعك بالسلامه ياحياتي ..

البندري : الله يسلمك

رائد: آآآآآه الله يصبرني على فراقك ياقلبي ..

البندري: وانا بعد ...

***********************************

نواره جالسه بحديقة البيت تفكر من اول مارجعت وهي جالسه بعبايتها ما تحركت من الكرسي ........ و ماسكه جوالها تناظر صور طلال ..وهو يضحك بالثلج دق قلبها بسرعه هذا اللي تحبه هذا الوحيد بعد حسام قدر يحرك مشاعرها وبالاخير طلع خاين اكثر من حسام .. ياليته تزوج ياليته خانها مع اي وحده بس مو مع امها ليه مالقى الا هذي العجوز الوقحه ...- غيرت الصوره لصوره ثانيه وهي واقفه معه بجنوب بريطانيا قدام البحر كانت الشمس قويه بهذاك الوقت وهو لابس شورت حلوعليه وهي بالبنطلون والحجاب الشفاف - آه ياطلال الله يسامحك خليتني اعشقك وانت ماتستاهل ..

طلع ابوها من المجلس اللي بره وهو سكران : انتي وين طالعه ..؟

ناظرت شكلها بالعبايه مافصختها من امس ..: توني جايه مو طالعه ..

ابوها وهو يترنح ناظر ايده اللي مافيها ساعه : توك جايه والساعه 9 المغرب انتي طالعه تنبسطي مع امك وربعها

نواره سحبت شنطتها ومشت لداخل من غير لاترد ليه اللي فيها مكفيها ماهي ناقصه هبال ابوها بعد ... دخلت لغرفتها ورمت نفسها على السرير كانت بلحضة تامل او صدمه هذي اول مره ماتكون فيها قويه ليه كذا ضعفانه قدام طلال كيف قلبها قسى على امها وماقسى عليه كيف ..؟

فصخت عبايتها وناظرت شكلها..شعرها طولان كثير كانت طالعه حلوه ..ايدها كلها مناكير .. مر ببالها اول ماشافت عيونها كلام طلال عن عيونها (( بلعكس انا تعجبني العيون الصغيره .. كل شي فيك يعجبني انتي مثل البيبي نونو انت فيك براءة النونو )) غمضت عيونها بقوه : ايوه لاني هبله وحبيتك هذا البراءه اللي عاجبتك

دخلت للحمام تتروش غسلت كل شي شعرها ووجهها وجسمها كانت متامله بهذا الحمام تغسل معها مشاعرها المقهوره والمندفعه لطلال لكن مع الاسف زاد وزاد الشوق فيها .. لبست الروب وجلست فيه على السرير تناظر السقف ...(( بيجي اليوم اللي انساك فيك مثل مانسيت حسام .. )) لكن هيهات انساه هذا الشخص الوحيد اللي اهتم فيني لي انا لاني نواره وعاملني مثل اخته كان يخاف علي واذا حتجت لاحد يسال عني وهو ماذاني بشي بس كان مع فيصل وبدر وش ذنبه ان ربعه حقيرين لكن مع الاسف هو طلع اللعن منهم بامها ...... هو ماله ذنب امها الوقحه وماتفرق بين احد .. حتى اللي تحبه اخذته منها مو كافي ان ابوها حالته حاله بسببها واختها صفاء يعايرها زوجها فيه والا مروه منعها ابوها من شوفتهم او زيارت السعوديه الا بالضروره الله يسامحك يايمه انتي السبب بكل شي شين صار لي ..

سحبت جوالها وناظرت الصور مره ثانيه مهما حاولت تقاوم ماتقدر .. تحاول تكرهه ماتقدر ...

**************************************************

طلال : اقولك ياراكان بتسافر تقول احسن لي ولها

راكان : اكيد احسن انت لازم تنساها ..

طلال ضرب كفر السياره برجله بقوه: رجع وقالي انساها انت كيف تفكر هذي نونو هذي نواره .. آه يا اركان حياتي بدونها ماتسوى

راكان : بلا كلام مسلسلات وصدقني تنساها انت بس هال

طلال ركب السياره معصب : بتركب والا اترك بهالبر بلحالك

راكان : لا بركب ..

بعد خمس دقايق وطلال داعس بسيارته على الاخير

راكان: خفف ياعمي بنطير ..

طلال : .............- زاد السرعه –

راكان: والله اذا مت ماني محللك

طلال خفف وهو موصله معه حب يغير السالفه : ابدق على بدر اساله عن احوله من شهر ماحكيت معه

راكان : اوه بدر قبل يومين مكلمني ويقول ان نواف زادت حالته ..

طلال بهدوء : الله لايبلانا اللي بلاه

راكان: والله دامك على طريقه بتنبلي

طلال ناظره من طرف عيونه : كنت كنت مثله

راكان : كل هذا علشانها ياليتها من زمان طايحه عليك ..

طلال : شكلك مشتهي تنرمي من النافذه على هالفجر

راكان يناظر بدايت الشروق من النافذه : طلال بسالك سوال

طلال: اخلص

راكان : تتخيل نفسك تجيب عيال من وحده نايم مع امها

طلال: والله امها نايمه مع غيري .. يعني مو اول مره تشوفها بهالوضع بس انا اللي قاهرني اني اول مره اعطيها وجه وبالاخير تصير ام نواره ...

راكان : طلال هي تحبك ولو ماتحبك كان ماتركت السعوديه واهلها وراحت لبريطانيا

طلال : وهذا اللي قاهرني

**************************