ودي أحطب لك ضلوعي وأدفيك
وألحفك بالرمش لاصرت بردان
أسكنك في عيوني ان كان يرضيك
وتصير لك عيني وطن مثل الأوطان
وأضمك لصدري غلا لين يرويك
عذب الحنان اللي فقدته من زمان
وأعطيك عمر جايك اليوم يهديك
أجمل محبه ضمت أنسان لأنسان
القلب تسكن فيه وحدك ويرجيك
أنك تعيش داخله وينسيك الأشجان
ياحبيبي أنت الوفاء. والوفاء فيك
يرسم ملامح ضحكتك وانت تعبان
لاتستحي وأحظن يدي داخل يديك
ثم شدني وارضيك أن كنت زعلان
أبي أفتخر فيك وأتبختر أناديك
وأقول حبيبي اللي سكن بين الأوجان
يا حياتي والله لأعطيك وأعطيك
عمري وعشقي فدوتك ياأعذب إنسان
أنت الهوى والقلب بالحيل يغليك
أنت غلاي اللي رويته بدمع الأجفان
وأنت حبك أشوفه يملي عليك
كل هالكون وحتى لو فيه غيره أكوان
الإثنين أغسطس 10, 2009 6:48 am
